1 Korin 13:2 - Aria New Testament

² E langka ngakaranga nganapapra Ida Tapolngon ila pelengon e ngaile Ida Tapolngon ila pelengon ka kukwop e ngaile ilengen bitna bitna keniye blang. E langka aitno lungong ila dagar omba lokono ma ngakaranga ngadue gigri yari la ke omur silang. E dau ngong lana ngong ke osep kovok ngong langka wan adai vala.

1 Korin 13:2 ပူးပေါင်းရင်းမြစ်များ

Matyu 13:11

E Yesus koli wai ke isak langane. “Ida Tapolngon songon ngong ma ngapalongo lumu ke pelengon kukwop ka omur heven ina e ngakukwop pelengon tonari ke osep leklou.

Matyu 17:20

E Yesus wai ke isak langane. “Umakaranga umasapir iye kovok kesua aitno lumu ila dagar sasi boto vala. Ngawai lokono ke umu. Langka aitno lumu ila dagar daudeng langka mastet londo umakaranga umawai ke gigri ma iye songon omur kene e la ke omur silang e gigri ma la. E ma umakaranga umodue elio keniye ka umawaiki umodue.

Matyu 21:19

E iye vati akai fik dong olwo boto ke ekreng e la ine. Iye polou ine e vati fik otna kovok e akai elilo vala. E iye wai dagar ine langane. “Ma otna polou ke wom aling silang blang kovok.” E suong akai fik polou kakrak.

Matyu 21:21

E Yesus koli wai langane. “Ngawai ke umu lokono. Langka aitno lumu dagar ke Ida Tapolngon e aitno lumu orwo ke iye kovok umakaranga umodue elio ka ngadue ke akai fik ane vala kovok. Aurou. Umakaranga umawai ke gigri ma iye tito e la ke misuon e ma gigri didi lumu pelengon.

Aposel 13:1

Alo ari Ida Tapolngon ila osep leklou tidong ke Antiok. Ke armok ari osep leklou isak osep napaprangan ina e osep leklou blang isak osep parerengen ina. Angainsak Barnabas e Simeon ka osep tisir iye Niger e Lusius ka omur Sairini ina e Manain ka dong kap Herot ka vri mgo ke omur ari alo ka iye dau dauding e Sol.

Pas ka Pol sogoe uti la ke osep Rom ina 11:25

Sipmi. Ngawaiki ma umeile omur ke pelengon ka kukwop ka oglou itosep iteile ine kovok lama aitno lumu mter langka lumu ilengen omba lokono. E ma ngapalongo lumu ke pelengon ka kukwop ane. Osep Israel ina leklou tipono aitno lisak ke Ida Tapolngon ila makaingan. Tidue langane la lama Ida Tapolngon makai osep ka isak osep Yuda ina kovok ka iye rere isak ila osep kodong.

Pas ka Pol sogoe uti la ke osep Rom ina 15:14

Sipmi. Ngaile omur lumu elio isuk isuk itau. E umeile omur ke Ida Tapolngon ila pelengon e umakaranga umaparere umu pulu ine.

Pas ka Pol sogoe uti la ke osep Rom ina 16:25

Ma itakakai Ida Tapolngon angaine tito la egim. Kesua iye tona karanga due aitno lite ila dagar kis dagar ke Ida Tapolngon ila omon itau ka la ke Yesus Krais ka nganapapra ine. Oglou ari osep tile omur ke Ida Tapolngon ila omon itau kovok. E eknikane iteile ine kesua Ida Tapolngon lua ite ine.

1 Korin 11:4

Langka gute gesa kading apna e wai itau ke Ida Tapolngon koke napapra ila pelengon are langka iye due markan ke Krais.

1 Korin 12:28

E Ida Tapolngon rere Yesus ila osep urok bokongon langane. Osep ka tidue ila bokongon mgo isak osep aposel e orwo ina isak osep napaprangan ina e eklu ina isak osep parerengen ina. E silang blang osep leklou ka tidue elio arit ina. E osep leklou blang ka tilua osep ka tipaia ma tipolou itau blang e osep ka tilua osep leklou blang. E osep leklou ma tiplau osep pula e osep leklou ka tiwai tokples bitna bitna ka tile ine kovok.

1 Korin 13:1

Elio tonari langane. Langka ngawai ke tokples bitna bitna e ke ensel urok pelengon e dau ngong lana ngong ke osep kovok elio langane bitna langka ngong langka belo ka wai omba adai vala e langka kude ka wai adai.

1 Korin 13:3

E langka ngakar lou wan keniye ke osep ka urok wan isuk boto vala e langka ngasongon osep tidue agegeng ke pampamu lungong. Langka ngadue langane e dau ngong lana ngong ke osep kovok lou elio bitna bitna karanga lua ngong kovok.

1 Korin 13:8

Elio ka ite lana ite ke osep leklou karanga polou yagos kovok. E elio ka itanapapra Ida Tapolngon ila pelengon ma polou yagos. E tokples bitna bitna ma tipolou yagos blang. E osep urok ilengen bitna bitna ma polou yagos blang.

1 Korin 14:29

E ma osep orwo koke eklu tinapapra Ida Tapolngon ila pelengon ke osep pula. E osep leklou ma tiwade urok pelengon.

1 Korin 14:39

Sipmi. Aitno lumu itau lokono ma umanapapra Ida Tapolngon ila pelengon. E langka osep leklou tiwai tokples bitna bitna ka osep tile ine kovok ma umadangdang isak ine kovok.

1 Korin 14:4

Gute ka wai tokples gesa ka iye ile ine kovok ane langka due iye tona aitno dagar vala. E osep ka tinapapra Ida Tapolngon ila pelengon ma urok pelengon due Yesus ila osep aitno lisak dagar lokono.

1 Korin 15:51

Umoklingen. Ngawaiki ngawai ke umu ke pelengon ka oglou itosep iteile ine kovok. Pelengon tonari langane. Ma ite leklou itemete kovok. E ite ka pula keniye pampamu lite ma tilumus tipolou oku.

1 Korin 16:22

Langka gute gesa lana iye ke Ida Puda kovok ma agegeng polou ke iye. E ngawaiki Ngau Puda suong me.

1 Korin 4:1

Aitno lumu mter ke imi langane. Imi Krais ila osep boko-ngon ina. E imoboko ma imaplau Ida Tapolngon ila pelengon ka kukwop.

1 Korin 7:19

Elio ka gute didi elio ulangngan ina langka wan adai. E elio ka gute didi elio ulangngan ina kovok elio langane wan adai blang. E elio ka osep tididi Ida Tapolngon ila pelengon dagar ane wan ombatno lokono.

1 Korin 8:4

Ke elio ka itangen ongwa okurne ka osep tidue elio opmu ina ke sapingen gesa ine ngawai langane. Iteile sapingen isak wan lokono kovok. Wan langka sapingen isak adai vala. E tapolngon pula tidong kovok. Aurou. Tapolngon kene dong ka Ida Tapolngon lokono.

2 Korin 12:11

Ngawai langka gute ka kaka e batne ke umu. Umakakai angain ngong ke lou elio kovok deka ngong tona ngakakai angain ngong. Ngong langka gute adai vala e dau ngamole osep ka uma-wai isak lumu osep aposel ka angainsak omba lokono.

Galesia 5:16

Lou pelengon langane. Umedidi Ano Itau ila plaungan ma iye plau umu ke lumu mosongon. Langka umodue langane ma umedidi aitno lumu oglou ina kovok.

Galesia 5:22

E Ano Itau sruk aitno lite ma itodue elio itau langane. Ite lana ite ke sudo lelkou e aitno lite neser kap sudo e aitno lite epen pulu e aitno lite epis alo ka wan polou ka opru ite. E itodue mada ke osep leklou e itodue elio itau ke isak e itawai deka itedidi udo pelengon.

Galesia 6:3

Langka gute gesa aitno mter langka angaine omba e dau angaine omba kovok deka gute tonari yak iye tona vala.

Efesus 3:4

Langka umedidi pelengon ka dong ke pas ane ma umeile omur ke wan ka iye laloe ka langane. Ma umeile omur Ida Tapolngon due aitno lungong mgo. E ngaile omur ke pelengon lokono ka oglou osep tile ine kovok. E Krais due polou lokono kodong.

Efesus 6:19

E silang blang langane. Umawai itau ke Ida Tapolngon ma iye lua ngong ma ngaulou tarna lungong kovok. E ma ngawai malak ke ila omon itau vala. Umolua ngong ma ngawai malak ke osep ke Ida Tapolngon ila omon itau ka oglou osep tile ine kovok.

Kolosi 1:26

Ke oglou pelengon tonari dong kukwop e osep ka pula keniye tile ine kovok. E eknikane iye polou malak kodong ke Ida Tapolngon ila osep.

1 Timoti 3:16

E iteile langane. Ida Tapolngon ila pelengon langka wan ka omba lokono. Ida Tapolngon nis ite ine langane. Krais polou langka itosep e osep pula tivati iye. E Ano Itau nis ine langane. Ila elio keniye itau lokono e ensel tivati iye. Osep kla tipalongo ila ke osep pula ke omur omur. Deka osep ka taklak ina aitno lisak la dagar ke iye. E Ida Tapolngon due bauluk tito la ke omur Heven e iye dong kap Ida Tapolngon.

1 Jon 4:8

Gute ka iye lana iye ke osep leklou kovok iye ile Ida Tapolngon kovok kesua Ida Tapolngon ila elio langane. Iye lana iye ke osep.