1 Korin 13:1 - Aria New Testament

¹ Elio tonari langane. Langka ngawai ke tokples bitna bitna e ke ensel urok pelengon e dau ngong lana ngong ke osep kovok elio langane bitna langka ngong langka belo ka wai omba adai vala e langka kude ka wai adai.

1 Korin 13:1 ပူးပေါင်းရင်းမြစ်များ

Matyu 25:45

Deka gute ka vri mgo ke omur ma koli wai ke isak langane. ‘Ngawai lokono ke umu. Langka umodue elio tonari kovok ke lou osua lama angainsak daudeng e tidong moli ke osep leklou umodue ke ngong kovok blang.’”

Mak 16:17

E osep ka aitno lisak me dagar ke ngong ma tidue elio arit ina ka nisngen ke osep amtarsak langane. Ma tisapir angelo soulu ka tidong ke osep batne ke ngong. E ma tiwai ke tokples oku ina ka oglou tile ine kovok batne ke ngong.

Pas ka Pol sogoe uti la ke osep Rom ina 14:15

E langka emngen wan gesa ka lem aten gesa aitno mter langka wan ari soulu ke Ida Tapolngon bitna deka omdue elio soulu ke iye. E langka omdue langane wom lana wom ke lem aten kovok. Kesua Krais lana iye ke lem aten tonari e mete kodong ma kli ila elio epmes ina. Deka wom lana wom ke lem aten vala e omdue elio soulu ke iye sakam.

1 Korin 12:10

E gute silang due arit ma iye due elio arit ina ine. E Ano Itau kere gute silang ma iye napapra Ida Tapolngon ila pelengon ke osep. E gute silang due ilengen ma wade langka kerengen gesa polou ke Ano Itau koke aurou. E gute silang due ilengen ma iye wai tokples ka iye ile ine kovok. E gute silang due ilengen ma iye bauluk tokples tonari.

1 Korin 12:16

E langka tala wai langane blang. “Ngong bitna kovok deka ngong pampamu ine emkil kovok.” Langka iye wai langane iye dau dong pampamu ine emkil.

1 Korin 12:8

Ke gute gesa Ano Itau kere iye ma ile omur ke elio itau deka iye lua osep leklou ine. E ke gute silang Ano Itau kere iye ke ilengen ke elio ka iye kere Ida Tapolngon ila pelengon lana ine ke osep.

1 Korin 13:8

Elio ka ite lana ite ke osep leklou karanga polou yagos kovok. E elio ka itanapapra Ida Tapolngon ila pelengon ma polou yagos. E tokples bitna bitna ma tipolou yagos blang. E osep urok ilengen bitna bitna ma polou yagos blang.

1 Korin 14:2

Iteile langka osep tiwai tokples gesa ka tile ine kovok tiwai pelengon tonari ke osep kovok. Aurou. Tiwai ke Ida Tapolngon vala kesua osep leklou tikaranga tile pelengon ka tiwai ine kovok. Tiwai Ida Tapolngon Ano Itau ila pelengon ka kukwop.

1 Korin 14:4

Gute ka wai tokples gesa ka iye ile ine kovok ane langka due iye tona aitno dagar vala. E osep ka tinapapra Ida Tapolngon ila pelengon ma urok pelengon due Yesus ila osep aitno lisak dagar lokono.

1 Korin 14:5

Ngawaiki ma umu ka pula keniye umawai tokples bitna bitna ka umeile ine kovok. E dau aitno lungong itau lokono ma umanapapra Ida Tapolngon ila pelengon. Gute gesa ka napapra Ida Tapolngon ila pelengon iye mole gute ka wai tokples gesa ka iye ile ine kovok lama gute gesa dong ka karanga bauluk tokples tonari. Ma Yesus ila osep aitno lisak tipolou dagar lokono.

1 Korin 8:1

E eknikane ma ngawai ke umu ke elio ka osep tingen ongwa okurne ka tidue elio opmu ina ke sapingen ine. Osep leklou tiwai langane. “Ite ka pula keniye iteile omur ke sapingen.” Pelengon ane lokono e dau ilengen vala due ite ma aitno lite vri ke ite e itakakai angainte ine. E elio ka ite lana ite ke sudo leklou due ite ma aitno lite polou dagar lokono.

2 Korin 12:4

Alo ka gute tonari sep ke omur heven iye klingen pelengon ka itosep itakaranga itawai ine kovok.

Galesia 5:22

E Ano Itau sruk aitno lite ma itodue elio itau langane. Ite lana ite ke sudo lelkou e aitno lite neser kap sudo e aitno lite epen pulu e aitno lite epis alo ka wan polou ka opru ite. E itodue mada ke osep leklou e itodue elio itau ke isak e itawai deka itedidi udo pelengon.

Galesia 5:6

Langka gute dong ke Krais Yesus deka elio ulangngan ina iye wan adai vala e elio ka gute due elio ulangngan ina kovok iye wan adai blang. E elio ka aitno lite ila dagar sruk ite ma ite lana ite ke osep leklou elio langane iye wan lokono.

1 Timoti 1:5

E bokongon ka Ida Tapolngon wai ke ite ma itaparere osep ine ma due aitno lisak dagar lokono ke Yesus e tidong itau lokono ke Ida Tapolngon bitna. E ma tile langka urok elio ka itau e elio ka soulu e tidue elio itau vala. E elio ka langane ma sruk aitno lisak ma isak lana isak ke osep leklou.

1 Pita 4:8

Wan ka omba umu lana umu pulu lokono. Kesua langka umu lana umu pulu e supmu leklou tidue elio soulu ke umu ma aitno lumu mter ine kovok.

2 Pita 2:18

Tiwai omba e tiwai ulik ulik ma tikaranga tinak osep leklou ma tididi pampamu lisak e tidue elio soulu ka nak osep ka oku ane vala tikos ke osep ka tididi aitno lisak vala.

Pelengon kukwopngon 14:2

Deka ngaklingen gute kreine me ke omur heven e kreine ngus langka ongon omba e langka aragu nogrum omba. Ngaklingen ngusngon tonari langka osep pula timter inarak wan langka gita.