Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Korin 12:6 - Aria New Testament

6 Wan bitna bitna ka tipolou ke bokongon tonari dong e Ida Tapolngon kene vala dong ka kar ila osep urok elio isuk isuk ma tikaranga tidue ila bokongon.

အခန်းကိုကြည့်ပါ။ ကော်ပီ




1 Korin 12:6
12 ပူးပေါင်းရင်းမြစ်များ  

Deka Yesus wai ke isak langane. “Aling aling Livou due elio langane e ngong blang ngadue langane.”


Ano Itau kene ka dong ari due kerengen ka pula keniye tonari. Iye tona didi aitno e kere osep kene kene ke kerengen ka iye waiki dong ke isak.


E ma itodue Ida Puda ila bokongon bitna bitna e Ida Puda kene vala dong.


Deka mase ma Ida Tapolngon due Krais ma iye mole wan ka pula keniye. E Krais ka Ida Tapolngon Otno Arang ma iye mgo ke Ida Tapolngon kovok. Aurou. Ma Ida Tapolngon mgo ke Krais e Krais ma didi iye. Kesua Ida Tapolngon due Krais ma iye mole wan ka pula keniye. E Ida Tapolngon dong mgo ke wan ka pula keniye.


E langane. Gute ka usak wan angaine omba kovok e gute ka baser aki duru ine angaine omba kovok blang. Aurou. Ida Tapolngon ka due ngangon polou anino vala angaine omba.


Ida Tapolngon kene vala dong ka ite ka pula keniye Pmada. Iye tona osep ka pula keniye Inarak Puda deka iye plau isak. Deka ila osep keniye tidue elio ka iye waiki tidue e iye dong kap isak ke aitno lisak.


Kesua iteile Ida Tapolngon boko ke aitno lumu ma umawaiki umodue elio ka aitno itau ine e iye kar arit ke umu ma umodue elio langare.


Deka ke bokongon tonari ngaboko engil lokono ke Krais ila arit ka omba. Iye lua ngong ke ila arit deka ngaboko ine.


Ida Tapolngon lua ila osep ka pula keniye ke urok mosongon oku e aitno lite langane. Langka ite leklou osep Yuda ina e ite leklou osep ka isak osep Yuda ina kovok aitno lite mter ine kovok. E langka ite leklou itedidi elio ulangngan ina e ite leklou itedidi elio ulangngan ina kovok aitno lite mter ine kovok. E langka ite leklou osep ke kantri silang koke ite leklou osep omong aitno ina aitno lite mter ine kovok. E langka ite leklou langka wokboi nating e ite leklou langka itodong fri aitno lite mter ine kovok. Aitno lite mter langane kovok kesua Krais vala dong e iye dong ke aitno lite.


Ngawaiki Ida Tapolngon kere umu ke wan keniye ka itau ma umakaranga umedidi aitno ke wan ka iye waiki umodue. Ngawaiki Yesus Krais due umu ma umodue elio isuk isuk ka Ida Tapolngon aitno itau ine. E ma itakakai Krais angaine tito la egim dong vala dong. Lokono.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ