1 Korin 12:3 - Aria New Testament

³ Deka ngawaiki ma aitno lumu la ke pelengon kene langane. Langka Ida Tapolngon Ano Itau dong ke gute gesa aitno gute tonari karanga wai pelengon soulu ke Yesus kovok. E gute ka Ida Tapolngon Ano Itau dong ke iye kovok karanga wai langane kovok. “Yesus iye Ngau Puda.”

1 Korin 12:3 ပူးပေါင်းရင်းမြစ်များ

Matyu 22:43

E Yesus pmi isak langane. “Deka ina lange Ano Itau due Devit aitno ma Devit sir iye ‘Ngau Puda’? Kesua Devit wai langane.

Mak 9:39

Deka Yesus koli wai ke isak langane. “Umadangdang iye ine sakam. Kesua langka gute gesa due elio arit ina gesa batne ke ngong ma mase iye karanga wai soulu ke ngong kovok.

Jon 13:13

Umesir ngong lumu gute parerengen ina e Upu Puda e umawai lokono alo ka umawai pelengon tonari kesua ngong lumu gute parerengen ina e Upu Puda.

Jon 13:14

E langka ngong ka Upu Puda e lumu gute parerengen ina ngaris kopmu deka are itau ma umu blang umeris kopmu pulu.

Jon 15:26

“Mase ma ngapagei Lua-ngan silang ke umu. Iye Ano Itau ka iye pelengon lokono batne ka dong kap Livou e me ke umu. Alo ka iye me ma iye palongo lumu ke ngong.

Pas ka Pol sogoe uti la ke osep Rom ina 10:9

­Deka imanapapra langane. Umu kenmu kenmu umapalongo aitno lumu ke osep. Umapalongo urok aitno lumu dagar ke Upu Puda Yesus e aitno lumu dagar ke elio ka Ida Tapolngon due Yesus poga tito ke ina denga kodong. E ma Ida Tapolngon lua umu kenmu kenmu ke lumu elio epmes ina.

Pas ka Pol sogoe uti la ke osep Rom ina 9:3

E aitno lungong langane. Ngawaiki ngalua osep Israel ina ka lou osua ma Ida Tapolngon kot isak kovok. Ngawaiki ngakasip osep tonari amunsak ma Ida Tapolngon kot isak kovok e ngawaiki ma ila kotngon due ngong vala. Langka elio langane karanga lua osep Yuda ina ngawaiki ma Ida Tapolngon kot ngong ine. E elio tonari karanga polou kovok.

1 Korin 16:22

Langka gute gesa lana iye ke Ida Puda kovok ma agegeng polou ke iye. E ngawaiki Ngau Puda suong me.

1 Korin 8:6

E iteile omur Ida Tapolngon kene vala dong ka iye Ida Tapolngon ka Pmada. Iye wan ka pula keniye batne e aitno lite la ke iye vala. E Ida Puda kene vala ka Yesus Krais dong. Iye due wan ka pula keniye e iye udo mosongon batne.

2 Korin 11:4

Ngawai langare kesua ngaile langane. Langka gute gesa me ke umu e yak umu ke basikngen silang ka la ke Yesus ma umoklingen ine e umedidie. Koke umodue ano silang ka Ano Itau kovok ma aitno lumu itau ke iye. Koke umodue omon silang ka eriar langka omon itau ka imanapapra umu ine kovok ma umoklingen ine. Ngaile osep tidue langane ke umu deka umekis dagar ine. E ngawaiki umodue langane kovok.

2 Korin 3:5

E dau imakaranga ke bokongon tonari kovok e imakaranga imawai imodue wan gesa kovok. Aurou. Ida Tapolngon vala karanga due imi ma imakaranga ke bokongon tonari.

Galesia 3:13

Moses ila sogongon wai langane. “Ite ka pula keniye itedidi Moses ila sogongon keniye kovok e ma iteimina.” E Krais lua ite alo ka iye mana ke ina akai e mete e kasip amunte. Ida Tapolngon ila pelengon wai langane. “Ida Tapolngon vati osep ka timana ke akai langka osep ka agegeng polou lisak.”

Pelengon kukwopngon 1:10

Tisapir ngong ngadong ke aidunu Patmos deka ke oklou gesa ka Ida Tapolngon ila osep tiduni pulu ine Ano Itau polou dagar ke ngong e ke dogur ngong ngaklingen gute kreine wai dagar langka kuliep wai.