1 Korin 12:28 - Aria New Testament

²⁸ E Ida Tapolngon rere Yesus ila osep urok bokongon langane. Osep ka tidue ila bokongon mgo isak osep aposel e orwo ina isak osep napaprangan ina e eklu ina isak osep parerengen ina. E silang blang osep leklou ka tidue elio arit ina. E osep leklou blang ka tilua osep ka tipaia ma tipolou itau blang e osep ka tilua osep leklou blang. E osep leklou ma tiplau osep pula e osep leklou ka tiwai tokples bitna bitna ka tile ine kovok.

1 Korin 12:28 ပူးပေါင်းရင်းမြစ်များ

Mak 16:17

E osep ka aitno lisak me dagar ke ngong ma tidue elio arit ina ka nisngen ke osep amtarsak langane. Ma tisapir angelo soulu ka tidong ke osep batne ke ngong. E ma tiwai ke tokples oku ina ka oglou tile ine kovok batne ke ngong.

Luk 6:14

Iye rere Saimon ka iye sir angaine silang Pita e ina tovro Andru e Jems e Jon e Filip e Bartolomyu.

Aposel 11:27

Alo ari osep napaprangan ina leklou tisongon Jerusalem e tiduru ke Antiok.

Aposel 20:28

Eknikane umu ka Ano Itau rere umu Ida Tapolngon ila osep inarak plaungan umaplau umu itau. Umekere Ida Tapolngon ila osep itau lokono. Kesua Otno Arang ina marau kli inarak elio epmes ina.

1 Korin 10:32

E umodue elio gesa ka due osep Yuda ina koke osep Grik ina koke Yesus ila osep aitno lisak soulu ke umu sakam.

1 Korin 12:18

E pampamu lite langane kovok. Aurou. Ida Tapolngon due pampamu lite ongwa ine bitna bitna tidong langka pampamu ine kene vala langka aitno itau ine.

1 Korin 12:29

Deka lange? Osep keniye isak osep aposel? Osep keniye isak osep napaprangan ina? Osep keniye isak osep parerengen ina? Osep keniye tidue elio arit ina?

1 Korin 12:30

Osep keniye tilua osep ka tipaia deka paiangan tonari yagos? Osep keniye tiwai tokples bitna bitna ka tile ine kovok? Osep keniye tikaranga tibauluk tokples tonari? Aurou. Isak kensak kensak urok kerengen dong ke isak.

1 Korin 14:2

Iteile langka osep tiwai tokples gesa ka tile ine kovok tiwai pelengon tonari ke osep kovok. Aurou. Tiwai ke Ida Tapolngon vala kesua osep leklou tikaranga tile pelengon ka tiwai ine kovok. Tiwai Ida Tapolngon Ano Itau ila pelengon ka kukwop.

1 Korin 14:4

Gute ka wai tokples gesa ka iye ile ine kovok ane langka due iye tona aitno dagar vala. E osep ka tinapapra Ida Tapolngon ila pelengon ma urok pelengon due Yesus ila osep aitno lisak dagar lokono.

1 Korin 14:5

Ngawaiki ma umu ka pula keniye umawai tokples bitna bitna ka umeile ine kovok. E dau aitno lungong itau lokono ma umanapapra Ida Tapolngon ila pelengon. Gute gesa ka napapra Ida Tapolngon ila pelengon iye mole gute ka wai tokples gesa ka iye ile ine kovok lama gute gesa dong ka karanga bauluk tokples tonari. Ma Yesus ila osep aitno lisak tipolou dagar lokono.

Efesus 2:20

Deka itodong langka Ida Tapolngon ila ninu e osep aposel e osep napaprangan ina tidong langka opmu ka Ida Tapolngon ila ninu dong dagar ine. E Yesus iye tona opmu ka due Ida Tapolngon ila ninu nepir pulu e dong dagar lokono.

Efesus 3:5

Oglou Ida Tapolngon palongo osep ke pelengon lokono tonari kovok. E osep dau tile ine kovok. E alo ane Ida Tapolngon Ano Itau due ila aposel e osep napaprangan ina ka iye rere isak e palongo urok ine.

1 Timoti 5:17

Umu ma umakar osep plaungan ina inarak klingen ke bokongon itau ka tidue. Osep ka tidue wan langane. Osep ka tiplau sios itau e tinapapra osep ke Ida Tapolngon ila pelengon e tiparere isak ke lana ine.

Hibru 13:17

Umodong moli ke osep ka tiplau umu e umeini urok pelengon. Kesua tidue urok bokongon ka tiplau umu e mase ma tiwai ke Ida Tapolngon ke wan ka tidue. Umeini isak ma aitno lisak itau ke urok bokongon e bokongon tonari opru isak kovok. Kesua langka urok bokongon opru isak elio are ma lua umu kovok.

Hibru 13:24

Umawai “oklou itau” ke osep ka tiplau umu e ke Ida Tapolngon ila osep ka pula keniye. E osep ka tidong ke omur Itali tiwai “oklou itau” ke umu.