1 Korin 12:2 - Aria New Testament

² Umeile kodong alo ka umeile ke Ida Tapolngon kovok wan gesa nak umu e umedidi sapingen ka karanga wai kovok.

1 Korin 12:2 ပူးပေါင်းရင်းမြစ်များ

Matyu 15:14

Aitno lumu kro ke isak kovok kesua isak langka osep ka amtarsak evin ka tiwaiki tinis osep leklou ka amtarsak evin blang ke ekreng. Isak orwo ma tigene tiduru ke ovuk.”

1 Korin 6:11

Ke oglou umu leklou umodong langka osep tonari. E Ida Tapolngon ris umu kodong e rere umu ila osep lokono. Deka ke Ida Puda Yesus Krais angaine e ke Ida Tapolngon Ano Itau iye due umu umopolou itau e osuk ke bitna.

Galesia 4:8

Oglou umeile Ida Tapolngon kovok e umodong langka wokboi nating ke wan ka isak tapolngon kovok.

1 Tesalonaika 1:9

Isak tona tiwai ke elio itau ka umodue ke imi alo ka imeme ke umu. Tipalongo urok ke elio ka umopul dogur ke tapolngon yakngan ina e aitno lumu la dagar ke Ida Tapolngon ma umodue ila bokongon. Iye Ida Tapolngon ka lokono e iye dong vala dong.

Taitus 3:3

Emile oglou ite blang iteile omur ke Ida Tapolngon kovok e itotuk ila pelengon. Alo ari Satan pagolgol aitno lite deka itedidi Ida Tapolngon ila pelengon kovok. Deka itodong langka elio epmes ina plau ite e itedidi elio soulu. E aitno lite itau ke elio soulu e itedidi pampamu lite. Itedidi elio ka aitno lite amnga e aitno lite soulu ke osep leklou e itangale urok wan bitna bitna. Aitno lite engil ke osep e aitno lisak engil ke ite blang.

1 Pita 1:18

Umeile kodong oglou umedidi elio ka adai vala ka lumu seia tidue blang. E Ida Tapolngon kli umu ke elio tonari. Iye kli umu ke wan langka silva e gol ka karanga polou yagos kovok.

1 Pita 4:3

Ke oglou kodong umodue elio epmes ina bitna bitna ka osep epmes ina tidue. Ari umodue elio epmes ina e elio ulik ulik ka pampamu lumu waiki umodue. Umeinim aki dagar ma omtomu balilu e umodue rogo ka umodue elio okwa ine. E umodue rogo omba ka umeinim aki dagar e umodue elio soulu ine. E aitno lumu la ke sapingen bitna bitna ka Ida Tapolngon aitno soulu lokono ke isak.