1 Korin 12:18 - Aria New Testament

¹⁸ E pampamu lite langane kovok. Aurou. Ida Tapolngon due pampamu lite ongwa ine bitna bitna tidong langka pampamu ine kene vala langka aitno itau ine.

1 Korin 12:18 ပူးပေါင်းရင်းမြစ်များ

Luk 10:21

Alo ari Ano Itau due Yesus deka aitno neser e iye wai langane. “Livou wom ka omur heven e taklak Inarak Puda ngakakai angain wom tito la egim. Kesua embisi wan ane ke osep ka urok ilengen omba koke osep ka tile omur itau e emnis isak ke agau. Livou omdue langane kesua amwaiki omdue mada ke osep e aitno lugom itau ke elio ane.”

Luk 12:32

“Lumu osua sasi boto e ngawaiki umelim kovok. Kesua Pmomu aitno itau ke umu e rere umu ma umodong kap iye ke omur ka iye plaue.

Pas ka Pol sogoe uti la ke osep Rom ina 12:3

Ida Tapolngon makai ngong deka ngakar umu kenmu kenmu pelengon dagar ane. Aitno lumu mter langka angainmu omba e lumu elio mole osep leklou urok elio sakam. Aurou. Ma umawade lumu elio isuk isuk itau. Umedidi aitno lumu ila dagar ka Ida Tapolngon lua umu ine e umawade umu kenmu kenmu lumu elio ine.

Pas ka Pol sogoe uti la ke osep Rom ina 12:6

Ke Ida Tapolngon ila makaingan iye kar udo kerengen bitna bitna ke ite kente kente. Ma itoboko ine karanga ke aitno lite ila dagar. E langka Ida Tapolngon kar gute gesa ila bokongon ka iye napapra ila pelengon ma iye napapra ine karanga ke aitno ila dagar ka Ida Tapolngon kare ke iye.

1 Korin 12:11

Ano Itau kene ka dong ari due kerengen ka pula keniye tonari. Iye tona didi aitno e kere osep kene kene ke kerengen ka iye waiki dong ke isak.

1 Korin 12:17

Langka pampamu ine ongwa ine keniye langka bitna vala deka lange ma iye klingen pelengon? Langka pampamu ine ongwa ine keniye langka tala vala deka lange ma iye kun wan?

1 Korin 12:19

Langka pampamu lite emkil kene vala dong ane langka pampamu lite lokono kovok.

1 Korin 12:24

E ongwa lite leklou blang ka ite mnak ite ke isak kovok ma itodue isak tidong adai. Ida Tapolngon due ongwa lite bitna bitna ka pula keniye tidong langka pampamu ine ka kene vala. E ongwa lite leklou ka aitno lite mter langka isak omba kovok isak wan omba lokono.

1 Korin 12:28

E Ida Tapolngon rere Yesus ila osep urok bokongon langane. Osep ka tidue ila bokongon mgo isak osep aposel e orwo ina isak osep napaprangan ina e eklu ina isak osep parerengen ina. E silang blang osep leklou ka tidue elio arit ina. E osep leklou blang ka tilua osep ka tipaia ma tipolou itau blang e osep ka tilua osep leklou blang. E osep leklou ma tiplau osep pula e osep leklou ka tiwai tokples bitna bitna ka tile ine kovok.

1 Korin 15:38

E Ida Tapolngon didi aitno e due wan bitna bitna pampamu lisak tidong ke isak. E londo kene pampamu ine eriar langka londo silang pampamu ine kovok.

1 Korin 3:5

Deka umeile umu itau. Apo-los iye gute sei? E ngong Pol ngong gute sei? Imorwo Ida Tapolngon ila osep bokongon ina vala. E Ida Puda kar imi kenmi kenmi limem bokongon. Limem bokongon ma due umu ma aitno lumu dagar ke Krais.

Efesus 1:5

Oglou ari kodong Ida Tapolngon lana iye ke ite e rere ite titno ite kesua batne iye ile ma Yesus Krais lua ite. Deka iye tona didi aitno e rere ite titno ite.

Efesus 1:9

E iye nis itosep ke elio ka oglou iye waiki due polou ke itosep. Alo ari iye dau kukwop iye ke osep. Deka ari me iding ke alo ka Krais polou ke itosep isak tile ke iye kovok. Mase Krais me polou lite e elio tonari polou malak lokono. E eknikane iteile omur ine.

Pelengon kukwopngon 4:11

“Ipem Puda wom Ipem Tapolngon. Wom tona omdong ke egim lokono deka imakakai angain wom tito la egim lokono. E imodue anit ke wom ka lem arit ombatno. Kesua omdue wan ka pula keniye e ke wom tona aitno lugom omdue wan ka pula keniye polou. Deka eknikane wan tonari ka pula keniye tidong.”