1 Korin 12:12 - Aria New Testament

¹² Gute pampamu ine kene vala e ongwa ine pula. Gute ongwa ine pula e dau pampamu ine kene vala. E Krais blang dong langane.

1 Korin 12:12 ပူးပေါင်းရင်းမြစ်များ

1 Korin 10:17

Bret ka kene vala dong ka ite pula itangene. Deka bret tonari due ite pula itodong langka pampamu lite ka kene vala.

1 Korin 12:20

E pampamu lite langane kovok. Aurou. Pampamu lite ongwa ine pula tidong e isak langka pampamu lite kene vala.

1 Korin 12:27

Deka umu ka pula keniye umodong langka Krais pampamu ine e umu kene kene umodong langka Krais pam-pamu ine ongwa ine.

1 Korin 12:7

Ida Tapolngon Ano Itau kar ila arit ke ila osep kene kene ma tilua osep leklou ine.

Galesia 3:16

Oglou Ida Tapolngon wai ke wan itau ka mase ma polou. Ida Tapolngon kar promis dagar tonari ke Abraham orwo otno. Ida Tapolngon ila pelengon wai ke Abraham titno pula kovok. Aurou. Iye wai ke otno kene vala. Otno tonari Krais.

Efesus 1:23

E ite ka Yesus ila osep itodong eriar langka Krais pampamu ine. E eriar langka Krais dong ke omur ka pula keniye iye dong kap ite ka Yesus ila osep blang.

Efesus 4:12

Krais rere osep tonari ma tiboko langane. Iye waiki urok bokongon lua Yesus ila osep keniye ma isak kensak kensak tiboko itau ke Ida Tapolngon ila bokongon. Ma urok bokongon due Yesus ila osep keniye ka isak Krais pampamu ine tipolou dagar ke Ida Tapolngon ila elio itau.

Efesus 4:4

Yesus ila osep keniye isak eriar langka Krais pampamu ine ka kene vala. E Ida Tapolngon Ano Itau ka dong ke aitno lite iye kene vala. Deka Ida Tapolngon wai ke ite ke wan kene vala ka itapara ine.

Efesus 5:23

Umodue elio langane kesua gute arang mgo plau esna eriar langka Krais mgo plau ila osep. Krais tona Ida Tapolngon ila osep Inarak Luangan deka ite ka Yesus ila osep ite Krais pampamu ine.

Efesus 5:30

Krais kere ila osep itau kesua ite keniye ka ila osep ite Krais pampamu ine.

Kolosi 1:18

Sios iye Krais pampamu ine e iye mgo ke sios langka otuk ine. E iye mosongon ka itau batne e iye mgo ke osep ka timole inarak denga e iye ma vri mgo ke wan ka pula keniye.

Kolosi 1:24

Eknikane aitno lungong itau lokono alo ka nganamani elio ka polou ka opru ngong ma ngalua umu. Elio opru tonari langka elio opru ka Krais namani ka ma lua sios ine e elio opru tonari dau yagos kovok. E ngawaiki ngalua Krais ila sios ka pampamu ine. E ke elio opru ka nganamani ke pampamu lungong ngawaiki ma ngalua sios blang.

Kolosi 2:19

Osep ka langare tisongon elio ka tikis dagar ke Krais ka iye mgo ke ila osep ka pula keniye. Krais langka otuk lite e ite pampamu ine. Krais kar ngangon ke ite e ila arit due ite itodong kene pulu ma itopolou dagar langka Ida Tapolngon waiki itopolou dagar. Itopolou dagar langka pampamu lite ina papalma bitna bitna due pampamu lite dong dagar.

Kolosi 3:15

Krais due aitno lumu epen kap iye. E elio ka aitno lumu epen kap iye nis umu ma umeile omur ke elio bitna bitna ka Krais waiki umodue. Kesua Ida Tapolngon waiki aitno lumu epen pulu e iye waiki elio tonari gom umu e umodong langka umu Krais pampamu ine ka kene vala. E aitno lumu itau ke Ida Tapolngon ine.