1 Korin 11:29 - Aria New Testament

²⁹ Kesua gute ka aitno mter itau ke Ida Puda pampamu ine kovok e iye ngen e inim ane ila elio ngene ma Ida Tapolngon mulu iye ine.

1 Korin 11:29 ပူးပေါင်းရင်းမြစ်များ

Luk 7:34

E Gute Ka Polou Langka Osep me e ngen e inim e umawai langane. ‘Iye ngen pula e inim pula ma bitna balilu e ila saten isak osep ka tidue takis e osep epmes ina.’

Pas ka Pol sogoe uti la ke osep Rom ina 13:2

Deka langka osep tini osep gavman ina urok pelengon kovok tipul pelengon ke osep gavman ina ka Ida Tapolngon rere isak ke urok bokongon. E osep ka tidue langane ma osep gavman ina tikoli urok elio soulu.

1 Korin 11:24

E iye wai tenkyu ke Ida Tapolngon ine deka tuktuke deka iye wai ke ila disaipel langane. “Wan ane pampamu lungong ka ngakare ke umu ma lua umu. Ma umangene ma omtomu sisir ngong.”

1 Korin 11:27

Langka gute gesa due markan alo ka iye ngen Ida Puda ina bret e inim ina aki wain deka ila elio soulu. Ila elio langka iye due agegeng ke Ida Puda pampamu ine e ina marau.

1 Korin 11:28

Umu kenmu kenmu umawade lumu elio mgo deka ma umangen bret e umeinim aki wain.

1 Korin 11:30

Umu pula umodue elio langane kodong deka lumu arit dong kovok e umapaia e umu leklou umemete kodong.

Hibru 5:14

E osep ka tikaranga tingen ngangon dagar isak ngongle. E tididi Ida Tapolngon ila pelengon e tikaranga tiwade elio itau e elio soulu.

Jems 3:1

Sipmi. Ngawai ke umu lang-ane. Umu pula umopolou osep parerengen ina ma umaparere osep ke Ida Tapolngon ila pelengon kovok. Kesua mase alo ka Ida Tapolngon wade osep ka pula keniye urok elio ma iye vati imi osep parerengen ina limem elio e wade imi ine lokono.

Jems 5:12

Sipmi lou pelengon ane omba. Alo ka umawaiki osep tile umawai lokono deka umawai lumu pelengon lokono batne ke omur heven kovok. Koke umawai lumu pelengon lokono batne ke taklak ane koke batne ke wan silang blang kovok. Alo ka umawaiki umawai “ee” deka umawai “ee” vala. E alo ka umawaiki umawai “aurou” deka umawai “aurou” vala. Umodue langane e ma Ida Tapolngon mulu umu ine kovok.