1 Korin 11:26 - Aria New Testament

²⁶ Yesus ila pelengon nisngen langane. Aling aling alo ka umangen bret e umeinim aki wain ane umapalongo osep ke Ida Puda ina metengen la lama alo ka ma iye iding me.

1 Korin 11:26 ပူးပေါင်းရင်းမြစ်များ

Jon 14:3

E ngala e ngakere lumu omur e mase ma ngaiding e ngadue umu ma umodong kap ngong ke omur ka ngadong ine.

Jon 21:22

E Yesus koli wai ke iye langane. “Langka ngawaiki iye dong la lama ngaiding ngame are wan gesa kovok ke wom. E emdidi ngong vala.”

Jon 21:23

Mase omon ke Yesus ila pelengon ane kes lila ke osep ka tididi Yesus. E aitno lisak mter langka disaipel are ma mete kovok. E dau Yesus wai langare kovok. Aurou. Iye wai langane vala. “Langka ngawaiki iye dong la lama ngaiding ngame are wan gesa kovok ke wom.”

Aposel 1:11

Deka osep orwo tonari tiwai ke isak langane. “Umu ka osep Galili ina ina lange omtomu dau tinekek dagar ke omur ka Yesus sepe? Eriar langka eknikane umavati Yesus tito la ke omur heven mase ma iye iding me blang.”

1 Korin 15:23

Deka langane. Ite ka pula keniye ma itopoga itetito ke ida denga alo ka Ida Tapolngon rere ke ite ma iye due langane. Mgongon iye due Krais poga tito ke ina denga e mase alo ka iye iding me ite ka pula keniye ka ila osep ma itopoga itetito ke ida denga.

1 Korin 4:5

Kesua kot ina taim dau kovok e umawade gute silang ila elio kovok. Ma umapara ke alo ka Ida Puda ma me. Ma iye due wan ka dong kukwop ke aivoro dong malak lokono. Langka gute kukwop ila elio ma iye due polou malak blang. Ke alo ari ma Ida Tapolngon wai ke ite kente kente langka udo bokongon itau koke soulu.

1 Tesalonaika 4:16

Alo ari Ida Puda ma songon omur heven e duru ke sirva. E Ida Tapolngon ma daiku omba e ensel ka ila arit omba ma wai omba blang deka Ida Tapolngon ila kuliep ma wai. Deka osep ka aitno lisak dagar ke Yesus e timete kodong ma titito kla mgo.

2 Tesalonaika 1:10

Alo ka Ida Puda me ila osep ma tidue anit ke iye e tikakai angaine tito la egim. Kesua aitno lite la dagar ke iye e aitno lite itau ke iye. E umu blang ma aitno lumu itau kesua aitno lumu la dagar ke limem pelengon ka imanapapra ke umu.

Hibru 9:28

Krais mete langka wan ka osep tidue elio opmu ina ine aling kene vala. Deka ma iye polou aling silang blang ma kli udo elio epmes ina aling silang blang kovok. Aurou. Iye ma iding e lua osep ka tipara ke iye.

2 Pita 3:10

E Ida Puda ila oklou ma polou suong e polou alo ka osep aitno lisak mter ine kovok eriar langka gute panakongon ina me suong. Ke oklou tonari ngus omba ma polou e sirva la yagos. E eiou ka engil lokono ma ngen wan ka pula keniye ka dong ke taklak ma isak e taklak yagos.

1 Jon 2:28

Deka dirgu umodong kap Krais ma alo ka iye polou malak umodong dagar ke iye e umu mnak umu ke bitna kovok.

Pas ka Jut sogoe 1:14

Oglou gute Enok ka Adam ila napakngan lumorwo ina dong e iye napapra ke osep ke wan tonari langane. “Umoklingen. Ngavati Ida Puda me kap ila ensel ka pula pula lokono.

Pelengon kukwopngon 1:7

E umoklingen. Yesus dong airavu ke gaup e iye me e osep ka pula keniye ma tivati iye. E osep ka timter iye isak blang ma tivati iye. Deka osep ka pula keniye ka tidong ke taklak ma tikngis omba ine. Elio ane ma polou suong. Lokono.

Pelengon kukwopngon 22:20

Gute ka palongo ke elio bitna bitna ka polou wai langane. “Ngawai lokono langane. Isuk boto ma ngame.” E ngong Jon ngawai langane. “Lokono. Ida Puda Yesus omo.”