Oklou mgongon ina ke rogo omba ka tingen bret ka yis dong ine kovok polou e Yesus ila disaipel time ke iye e tiwai langane. “Ma amwaiki imekere ngangon ke rogo omba ka lana ine la ke alo ka Ida Tapolngon lua osep Yuda ina tisongon omur Isip ke omur ge ma itangene?”
“Umeile ma oklou orwo mela yagos deka itodue rogo omba ka lana ine la ke alo ka Ida Tapolngon lua osep Yuda ina tisongon omur Isip. E osep ma tikar Gute Ka Polou Langka Osep ke osep leklou ma tinilim iye ke ina akai.”
E ke Sande imoduni pulu kesua imawaiki imodue elio komunio ina. Ari Pol napapra osep pula. Iye nogrum wai ila pelengon e dong tauni ine la lama epmes airavu kesua oklou silang iye waiki songon isak e la.
Kap ka iteinim aki wain ka elio komunio ina e itawai itau ke Ida Tapolngon ine alo ka iteinime due ite ka pula keniye iteneklep ke Krais ina marau. E bret ka kene ka itotuktuke alo ka itangene due ite iteneklep ke Krais pampamu ine.
Pelengon ka omba lokono ka oglou Ida Puda kare ke ngong io ngakare ke umu langane. Krais mete ma klok udo elio epmes ina langka oglou Ida Tapolngon ila pelengon wai ine.
Ngong Pol ka aposel gesa. Osep tipagei ngong koke tidue ngong ma ngaboko ke osep aposel urok bokongon kovok. Aurou. Ngaboko langane kesua Ida Puda Yesus Krais kap Ida Tapolngon ka Pmada tirere ngong aposel. Ida Tapolngon tona iye gute ka due Krais mole ina denga.