1 Korin 11:2 - Aria New Testament

² Aling aling omtomu sisir ngong e umedidi parerengen ka ngakare ke umu kodong. Deka ngawai langane. Ke elio ane umodue elio itau lokono.

1 Korin 11:2 ပူးပေါင်းရင်းမြစ်များ

Luk 1:6

Isak orwo tidong itau e osuk ke Ida Tapolngon bitna e tididi Moses ila sogongon lokono e tididi wan ka Ida Puda wai ine e wan gesa vri ke isak kovok.

1 Korin 11:17

E ngawai pelengon ane ke umu e ngakaranga ngawai lumu elio itau ine kovok. Alo ka umoduni pulu elio itau polou kovok. Aurou. Lumu elio itau gesa kovok.

1 Korin 11:22

Lange? Lumu ninu ka umakaranga umangen ine e umeinim ine dong kovok koke aurou? Koke umawaiki umodue markan ke Ida Tapolngon ila osep ka tiduni pulu? E umawaiki ma umodue sudo ka inarak ngangon kovok isak mnak isak ine? Ma ngawai lange ke umu? Ma ngapakuru umu ke lumu elio koke aurou? Aurou. Ke lumu elio tonari ma ngapakuru umu ine kovok.

1 Korin 15:2

Langka aitno lumu la dagar ke omon itau ka nganapapra ke umu deka ke omon itau tonari Ida Tapolngon lua umu ke lumu elio epmes ina. Lama aitno lumu orwo ine deka omon tonari karanga lua umu kovok.

1 Korin 4:17

E ngapagei gute Timoti uti ke umu. Iye langka erigu e aitno lungong itau lokono ke iye e iye didi Ida Puda ila pelengon keniye. Ma iye sruk aitno lumu ke elio ka ngadue kesua nganeklep ke Krais. Elio ka langka nganapapra Yesus ila osep ke sios pula e ke armok ka pula keniye ma tididie.

1 Korin 7:17

Umu kenmu kenmu ma umodong vala ke lumu mosongon ka Ida Puda kare ke umu kodong. Mosongon lange ka umodong ine alo ka Ida Tapolngon rere umu ila osep umu. Ngawai pelengon dagar ane ke sios ka pula keniye.

1 Tesalonaika 1:6

Umodue Ida Tapolngon ila omon itau deka osep tidue elio soulu bitna bitna ke umu. E dau umakana limem elio e Ida Puda ila elio e Ano Itau sruk aitno lumu ma aitno lumu neser ine.

1 Tesalonaika 3:6

Io Timoti vati umu kodong deka songon umu e bauluk ke imi. E iye wai ke lumu elio. Iye wai aitno lumu dong dagar e umu lana umu ke osep. Iye wai aling aling omtomu sisir ke imi e aitno lumu itau ke imi. E umawaiki umavati imi eriar langka imi blang imawaiki imavati umu. Deka omon tonari due aitno limi itau.

2 Tesalonaika 2:15

E sipmi umevri dagar e aitno lumu la dagar ke pelengon lokono ka imaparere umu ine. Pelengon ka imanapapra ke umu koke imosogoe ke pas ke umu kodong. Deka aling aling umekise dagar.

2 Tesalonaika 3:6

Sipmi. Imedidi Ida Puda Yesus Krais aitno e imawai dagar ke umu langane. Langka sudo gesa tiwaiki tiboko kovok e tidong adai vala e tididi pelengon ka imakare ke isak kovok deka umodong kap isak kovok.