1 Korin 10:23 - Aria New Testament

²³ Itakaranga itodue wan ka pula keniye. E dau wan ka pula keniye tikaranga tilua ite itau kovok. Wan ka pula keniye itau ma itodue. E dau wan ka pula keniye tikaranga tidue ite ma itopolou dagar kovok.

1 Korin 10:23 ပူးပေါင်းရင်းမြစ်များ

Pas ka Pol sogoe uti la ke osep Rom ina 14:15

E langka emngen wan gesa ka lem aten gesa aitno mter langka wan ari soulu ke Ida Tapolngon bitna deka omdue elio soulu ke iye. E langka omdue langane wom lana wom ke lem aten kovok. Kesua Krais lana iye ke lem aten tonari e mete kodong ma kli ila elio epmes ina. Deka wom lana wom ke lem aten vala e omdue elio soulu ke iye sakam.

1 Korin 14:12

Ngaile aitno lumu itau lokono ma umodue kerengen ke Ano Itau. Deka umoboko dagar ma umodue kerengen ka ma due Yesus ila osep tivri dagar.

1 Korin 14:17

E umawai aitno lumu itau ke wan gesa e elio langane ma due lumu aten aitno dagar kovok.

1 Korin 14:26

Sipmi. Alo ka umoduni pulu ke duningen ma umodue sua? Ma umodue elio bitna bitna ka itau ka tilua umu vala. Gute kene due sakul e gute silang wai pelengon ka parere osep leklou e gute silang wai pelengon ka Ida Tapolngon nis iye ine ma iye napapra ine. E gute silang wai tokples gesa ka osep tile ine kovok e gute silang bauluk tokples tonari. Deka wan ka umodue ma due Yesus ila osep aitno lisak tidong dagar.

1 Korin 6:12

Osep leklou tiwai langane. “Wan ka pula keniye itau ma ngadue.” E wan ka pula keniye lua ngong ma ngadong itau kovok. Wan ka pula keniye itau ma ngadue e dau ngasongon wan gesa ma karanga plau ngong kovok.

1 Korin 8:1

E eknikane ma ngawai ke umu ke elio ka osep tingen ongwa okurne ka tidue elio opmu ina ke sapingen ine. Osep leklou tiwai langane. “Ite ka pula keniye iteile omur ke sapingen.” Pelengon ane lokono e dau ilengen vala due ite ma aitno lite vri ke ite e itakakai angainte ine. E elio ka ite lana ite ke sudo leklou due ite ma aitno lite polou dagar lokono.

1 Korin 8:9

Deka ma umeile umu itau lama lumu elio ka umangen wan bitna bitna due supmu ka aitno lisak ila dagar dau dagar kovok ma tidue elio epmes ina.

2 Korin 12:19

Aitno lumu lange? Imosogo pelengon ane ma imomosi limem elio ke omtomu? Aurou. Imi Krais ila osep e imawai pelengon ane ke Ida Tapolngon bitna. Sipmi. Imi lana imi ke umu e imawaiki aitno lumu ila dagar dong dagar.

Efesus 4:29

Umawai pelengon ka soulu kovok e umawai pelengon ka itau vala. Kesua pelengon ka itau ma lua osep ke urok mosongon e ma due aitno lisak itau e tile omur itau. Deka ma lumu pelengon lua osep ka tiklingen ine.

1 Tesalonaika 5:11

E umawai pelengon itau pulu ka due aitno lumu dong dagar e umolua pulu ine. Eriar langka eknikane umodue.

1 Timoti 1:4

Ma tisongon elio ka tibasik ke osep ngongle urok pelengon bitna bitna. E tisongon elio ka tibasik ke urok seia angainsak. Pelengon langane ma pagolgol osep aitno lisak vala e due isak ma tituk orsak pulu ine. Ma elio tonari karanga lua isak ma aitno lisak dagar ke Ida Tapolngon e ma tile iye kovok.