1 Korin 10:20 - Aria New Testament

²⁰ Aurou. Ngawai langane. Wan ka osep ka tile Ida Tapolngon kovok tidue elio opmu ina ine tidue ke angelo soulu e tidue ke Ida Tapolngon kovok. Ngawaiki ma umeneklep ke angelo soulu kovok.

1 Korin 10:20 ပူးပေါင်းရင်းမြစ်များ

Matyu 4:9

E Satan wai langane. “Ma ngakar wan ka pula keniye ka amvati ke wom langka omgrum kevep e omlotuim ngong.”

2 Korin 4:4

Satan ka iye plau taklak ane due osep ka aitno lisak dagar ke Ida Tapolngon kovok aitno lisak aivoro ma tikaranga tivati bublongon ke Krais ila omon itau kovok. E Krais eriar langka Ida Tapolngon.

Galesia 4:8

Oglou umeile Ida Tapolngon kovok e umodong langka wokboi nating ke wan ka isak tapolngon kovok.

Pelengon kukwopngon 2:14

“E lou pelengon kene ka uti ke umu langane. Osep leklou ke umu ka tidong ke Pergamum tikis dagar ke gute Balam ila elio. Balam ila elio langane. Ke oglou iye nis gute Balak ke elio ka iye yak osep Israel ina pula ma tigene ke elio epmes ina. Deka Balak due osep Israel ina tingen ongwa ka tidue elio opmu ina ke tapolngon yakngan ine e tidue elio okwa blang.

Pelengon kukwopngon 2:20

“E lama umodue elio itau lou pelengon kene ke umu langane. Umosongon apmang ka angaine Jesebel dong kap umu. Apmang tonari wai langane. ‘Ngong apmang napaprangan ina.’ E iye yak lou osep wokboi nating ke ila parere-ngen e iye nis isak ke elio okwa e ke elio ka tingen ongwa ka tidue elio opmu ina ine ke sapingen leklou.

Pelengon kukwopngon 9:20

E osep leklou tidong ka wan eklu tonari timluk isak timete kovok. Deka tipul dogur ke wan ka tisapie ke limsak kovok. Aurou. Tibauluk aitno lisak ine kovok. Tisongon elio ka tilotuim angelo soulu e tilotuim sapingen ka osep tidue ke gol e silva e bras e opmu e akai kovok. Wan ka langane karanga vati omur kovok e karanga klingen pelengon kovok e karanga lila kovok.