1 Korin 10:17 - Aria New Testament

¹⁷ Bret ka kene vala dong ka ite pula itangene. Deka bret tonari due ite pula itodong langka pampamu lite ka kene vala.

1 Korin 10:17 ပူးပေါင်းရင်းမြစ်များ

Pas ka Pol sogoe uti la ke osep Rom ina 12:5

E ite pula itodong langka Krais pampamu ine ka kene vala. E iteneklep pulu langka ite kente kente Krais pampamu ine ongwaine kene kene.

1 Korin 10:21

Umu ka umeinim Ida Puda ina wan ma umakaranga umeinim angelo soulu inarak wan blang kovok. E umu ka umangen Ida Puda ina wan ma umakaranga umangen angelo soulu inarak wan blang kovok.

1 Korin 12:12

Gute pampamu ine kene vala e ongwa ine pula. Gute ongwa ine pula e dau pampamu ine kene vala. E Krais blang dong langane.

1 Korin 12:27

Deka umu ka pula keniye umodong langka Krais pampamu ine e umu kene kene umodong langka Krais pam-pamu ine ongwa ine.

Efesus 3:6

Deka langane. Pelengon lokono ka Ida Tapolngon aitno mter ine e palongo osep ine kovok la ke Krais. Ida Tapolngon ila omon itau ka la ke Krais due osua ka isak osep Yuda ina kovok tineklep ke osua ka isak osep Yuda ina. Deka osua kene vala dong. E iye lua osua ka kene ke ila promis ka oglou iye wai promis ke osua ka isak osep Yuda ina ine. Ida Tapolngon wai promis kodong e Krais Yesus due promis tonari polou lokono.

Efesus 4:16

E iye plau ite keniye e kis ite keniye dagar. Deka eriar langka gute gesa pampamu ine ongwa ine bitna bitna tiblet pulu dagar deka Krais blang kis ite ma itodong dagar pulu. E langka ite ka Krais pampamu ine itolua ite pulu itau e ite lana ite pulu ma ite keniye itopolou dagar lokono. Deka itodong dagar lokono.

Efesus 4:25

E umayakyak umu pulu sakam. Umu keniye umawai pele-ngon lokono pulu vala. Kesua ite keniye pampamu lite Krais pampamu ine ka kene. Deka ma itawai lokono pulu.

Efesus 4:4

Yesus ila osep keniye isak eriar langka Krais pampamu ine ka kene vala. E Ida Tapolngon Ano Itau ka dong ke aitno lite iye kene vala. Deka Ida Tapolngon wai ke ite ke wan kene vala ka itapara ine.

Kolosi 2:19

Osep ka langare tisongon elio ka tikis dagar ke Krais ka iye mgo ke ila osep ka pula keniye. Krais langka otuk lite e ite pampamu ine. Krais kar ngangon ke ite e ila arit due ite itodong kene pulu ma itopolou dagar langka Ida Tapolngon waiki itopolou dagar. Itopolou dagar langka pampamu lite ina papalma bitna bitna due pampamu lite dong dagar.

Kolosi 3:11

Ida Tapolngon lua ila osep ka pula keniye ke urok mosongon oku e aitno lite langane. Langka ite leklou osep Yuda ina e ite leklou osep ka isak osep Yuda ina kovok aitno lite mter ine kovok. E langka ite leklou itedidi elio ulangngan ina e ite leklou itedidi elio ulangngan ina kovok aitno lite mter ine kovok. E langka ite leklou osep ke kantri silang koke ite leklou osep omong aitno ina aitno lite mter ine kovok. E langka ite leklou langka wokboi nating e ite leklou langka itodong fri aitno lite mter ine kovok. Aitno lite mter langane kovok kesua Krais vala dong e iye dong ke aitno lite.

Kolosi 3:15

Krais due aitno lumu epen kap iye. E elio ka aitno lumu epen kap iye nis umu ma umeile omur ke elio bitna bitna ka Krais waiki umodue. Kesua Ida Tapolngon waiki aitno lumu epen pulu e iye waiki elio tonari gom umu e umodong langka umu Krais pampamu ine ka kene vala. E aitno lumu itau ke Ida Tapolngon ine.