1 Korin 10:13 - Aria New Testament

¹³ E langane. Tokngon bitna bitna ka tipolou ke umu ane isak eriar langka tokngon bitna bitna ka tipolou ke osep ka pula keniye. E Ida Tapolngon didi ila elio itau e songon tokngon gesa ma polou ke umu kovok ka umakaranga ine kovok. Langka tokngon gesa polou ke umu ma Ida Tapolngon mosi ekreng e lua umu ma umepren ke tokngon tonari e ma iye due umu umakaranga umevri dagar ine.

1 Korin 10:13 ပူးပေါင်းရင်းမြစ်များ

Matyu 6:13

Omlua imi ma imoulou ke tokngon e ma elio soulu due imi kovok.’” “Kesua wom tona emvri mgo ke wan ka pula keniye. E lem arit e lem bublongon dong vala dong. Lokono.”

Luk 11:4

E amsak limem elio epmes ina e omlua imi ma imasak elio soulu ka osep tidue ke imi. E silang omsongon tokngon ma polou ke imi kovok.’”

Luk 16:26

E silang blang langane. Ida Tapolngon due olung omba dong airavu ke imi e umu ma osep ka tiwaiki tisongon ane e isak kla are tikaranga kovok. E osep ka tiwaiki tisongon are e time ane tikaranga kovok blang.’”

Luk 22:46

Deka iye pmi isak langane. “Ina lange umomunu kudung? Umetito e umawai itau ke Ida Tapolngon ma tokngon tipolou ke umu kovok.”

Aposel 27:44

E umu ka umakaranga umesisu itau kovok umekis akai gesa koke sip ina akai palma ma lua umu ma umeples e umopolou ke misuon ina dingen batne.” Iye wai langane deka osep keniye tididi ila pelengon e isak keniye tipolou ke taklak e gute kene imina kovok.

1 Korin 1:9

E langane. Ida Tapolngon rere ite ma iteneklep ke Otno Arang Yesus Krais ka Ida Puda. Deka iye due ite iteneklep ke iye. Kesua iye tona didi ila pelengon keniye deka due polou lokono.

2 Korin 1:10

Iye lua imi e pi imi ke elio ka opru imi lokono tonari kodong e ma iye lua imi e pi imi blang. Aitno limi dagar ma iye lua imi langane.

1 Tesalonaika 5:24

Ida Tapolngon rere umu kodong deka iye ma due wan tonari polou ke umu. Kesua iye didi ila pelengon ka iye wai ine.

2 Tesalonaika 3:3

E Ida Puda ila elio langane. Iye wai lokono deka iye didi ila pelengon. E iye ma due umu umevri dagar e plau umu ma Satan karanga due wan soulu ke umu kovok.

2 Timoti 4:18

E Ida Puda ma lua ngong ke elio soulu ka osep tiwaiki tidue ke ngong. E mase ma iye paur ngong ke omur heven ka iye plaue. Ma itakakai Ida Puda angaine tito la egim dong vala dong.

Hibru 10:23

E itapalongo osep ke aitno lite ila dagar e ke wan itau lokono ka itapara ine. Deka itekis dagar ine e aitno lite orwo ine kovok. Kesua iteile Ida Tapolngon didi ila pelengon keniye ka iye wai ine kodong.

Hibru 11:11

Sara aitno dagar ke Ida Tapolngon blang. Lama iye opon e lapun kodong Ida Tapolngon lua iye ma iye divir mimi. Kesua aitno dagar ma Ida Tapolngon didi ila pelengon ka wai ma Sara divir mimi.

Hibru 12:4

E ngaile umosokluk ke osep epmes ina. E dau umemete batne ke osep tonari urok elio kovok.

Hibru 6:18

Ida Tapolngon ila pelengon orwo dong ka karanga segesege kovok. Pelengon kene ina iye ila promis e pelengon orwo ina iye ila pelengon dagar ka iye sir iye tona angaine ine. E iteile Ida Tapolngon karanga yakyak kovok. Deka ite ka itakalu ke Ida Tapolngon ma aitno lite mter ke Ida Tapolngon ila promis. E itodong dagar e itapara ke alo ka itodue wan ka Ida Tapolngon wai ine.

1 Pita 4:19

Deka langane. Langka Ida Tapolngon didi aitno e songon agegeng polou ke ite ma aitno lite dong dagar ke iye e itodue elio itau. Kesua iteile omur Ida Tapolngon ma kere ite itau e didi ila pelengon keniye.

2 Pita 2:9

Deka iteile omur langane. Ida Puda karanga lua osep ka tidue elio isuk isuk ka itau ma tikos ke elio ka opru isak. E silang blang iye karanga ules osep epmes ina la lama iding ke oklou ka Ida Tapolngon ma wade osep ka pula keniye ine.

1 Jon 1:9

E langka itapalongo malak ke udo elio epmes ina deka Ida Tapolngon ma sak isak kla. Ida Tapolngon ila elio langane. Iye didi ila pelengon ka iye wai ine kodong e due elio itau vala. Ma itopolou itau e osuk ke bitna.

Pelengon kukwopngon 19:11

Ngaklingen pelengon tonari deka ngavati omur heven noklok e ngavati hos kene ka okou. E gute ka dong ine angaine Gute Ka Wai E Didi Ila Pelengon e angaine silang Gute Ka Wai Pelengon Ka Lokono Vala. Alo ka iye wade osep koke iye due evlei iye didi ila elio ka itau e osuk e wade osep koke due evlei ine.

Pelengon kukwopngon 2:10

Isuk boto ma osep tidue agegeng ke umu. E umoulou tarna lumu ke elio tonari kovok. Umoklingen. Satan due elio ane deka osep tidue umu leklou ma tidong ke kalabus. Elio ane ma tok umu. Deka ma umanamani elio ka opru umu iding ke oklou songotno. E umekis dagar ke aitno lumu ila dagar e langka umemete kape are wan gesa kovok. Umodue langane deka ma ngakar lumu mosongon ka itau lokono ke umu langka upu prais.’”

Pelengon kukwopngon 3:10

Umedidi lou pelengon itau kodong e umevri dagar ke elio ka tipolou ka opru umu. Deka ma ngaplau umu itau ke taim ka tokngon polou ke osep ka pula keniye ke taklak e tinamani elio soulu.