1 Korin 1:9 - Aria New Testament

⁹ E langane. Ida Tapolngon rere ite ma iteneklep ke Otno Arang Yesus Krais ka Ida Puda. Deka iye due ite iteneklep ke iye. Kesua iye tona didi ila pelengon keniye deka due polou lokono.

1 Korin 1:9 ပူးပေါင်းရင်းမြစ်များ

Matyu 24:35

Sirva e taklak ma tipolou yagos e dau lou pelengon ma polou yagos kovok.”

Jon 17:21

Ma aitno lisak tidong kene pulu eriar langka wom Livou omdong kap ngong e ngadong kap wom. Ma aitno lisak tidong kene pulu batne ke ite e ma osep taklak ina tile omur ampagei ngong ngame.

Pas ka Pol sogoe uti la ke osep Rom ina 11:17

E langane. Osep Israel ina isak langka akai oliv ka itau lokono. E Ida Tapolngon tuktuk akai tonari tetna leklou. Deka umu ka osep Yuda ina kovok umu langka akai oliv adai ka omong aitno ina tetna. E Ida Tapolngon due umu umenepir ke akai oliv ka itau ma umakasip akai tonari tetna ka iye tuktuk isak amunsak. Deka eknikane Ida Tapolngon ila kerengen ka dong ke osep Israel ina me duru dong ke umu blang.

Pas ka Pol sogoe uti la ke osep Rom ina 8:28

E iteile omur ine langane. Ite ka ite lana ite ke Ida Tapolngon iye rere ite ila osep kodong. E elio keniye ka polou ke ite batne langane. Ida Tapolngon due isak tipolou ke ite ma tilua ite ma udo mosongon polou itau lokono e ma itodue wan ka iye rere ke ite.

Pas ka Pol sogoe uti la ke osep Rom ina 8:30

Ida Tapolngon rere ite ila osep e wai langane. “Osep ka ngarere umu kodong umu lou osep.” Iye wai ke ite langane kodong e due ite itopolou itau e osuk ke bitna. Deka osep ka tipolou itau e osuk ke bitna iye kakai isak.

Pas ka Pol sogoe uti la ke osep Rom ina 9:24

E langane. Osep tonari ka iye rere ma tidong ke ila bublongon isak itosep ane. Iye rere osep leklou ka itosep Yuda ina e osep leklou blang ka isak osep Yuda ina kovok.

1 Korin 1:30

E Ida Tapolngon due umu umeneklep ke Krais Yesus. E Krais tona udo ilengen ka itau batne. Krais due ite itopolou itau e osuk ke Ida Tapolngon bitna. Iye due ite itopolou Ida Tapolngon ila osep ka itau lokono. Deka udo elio epmes ina munu pes ite kovok.

1 Korin 10:13

E langane. Tokngon bitna bitna ka tipolou ke umu ane isak eriar langka tokngon bitna bitna ka tipolou ke osep ka pula keniye. E Ida Tapolngon didi ila elio itau e songon tokngon gesa ma polou ke umu kovok ka umakaranga ine kovok. Langka tokngon gesa polou ke umu ma Ida Tapolngon mosi ekreng e lua umu ma umepren ke tokngon tonari e ma iye due umu umakaranga umevri dagar ine.

1 Korin 10:16

Kap ka iteinim aki wain ka elio komunio ina e itawai itau ke Ida Tapolngon ine alo ka iteinime due ite ka pula keniye iteneklep ke Krais ina marau. E bret ka kene ka itotuktuke alo ka itangene due ite iteneklep ke Krais pampamu ine.

2 Korin 1:18

Eriar langka Ida Tapolngon wai deka iye didi ila pelengon lou pelengon ke umu segesege kovok.

Galesia 1:15

Alo ka nina dau divir ngong kovok Ida Tapolngon rere ngong kodong e ke ila makaingan iye rere ngong ila gute bokongon ina.

Galesia 2:20

E ke elio ka eknikane ngadong itau kap Ida Tapolngon ngamana kap Ida Puda Yesus Krais ke ina akai kodong e ngamete kap iye. Deka ngadue mosongon oku. E mosongon tonari lou mosongon kovok. Aurou. Krais dong ke aitno lungong deka lou elio isuk isuk e lou bokongon ka ngadue ke taklak ngadue ke aitno lungong ila dagar vala. Aitno lungong dagar ke Ida Tapolngon Otno Arang e aitno itau lokono ke ngong e iye soro pampamu ine ma lua ngong.

Efesus 3:6

Deka langane. Pelengon lokono ka Ida Tapolngon aitno mter ine e palongo osep ine kovok la ke Krais. Ida Tapolngon ila omon itau ka la ke Krais due osua ka isak osep Yuda ina kovok tineklep ke osua ka isak osep Yuda ina. Deka osua kene vala dong. E iye lua osua ka kene ke ila promis ka oglou iye wai promis ke osua ka isak osep Yuda ina ine. Ida Tapolngon wai promis kodong e Krais Yesus due promis tonari polou lokono.

Kolosi 1:24

Eknikane aitno lungong itau lokono alo ka nganamani elio ka polou ka opru ngong ma ngalua umu. Elio opru tonari langka elio opru ka Krais namani ka ma lua sios ine e elio opru tonari dau yagos kovok. E ngawaiki ngalua Krais ila sios ka pampamu ine. E ke elio opru ka nganamani ke pampamu lungong ngawaiki ma ngalua sios blang.

1 Tesalonaika 2:12

Ma umodue elio itau ka Ida Tapolngon aitno itau ine. Iye rere umu ila osep e waiki umodong ke omur ka iye plaue e umavati ila arit e ila bublongon ka omba e umodong ine.

2 Tesalonaika 2:14

Oglou Ida Tapolngon rere umu e imanapapra omon itau ke umu deka umopolou ila osep ine. Iye rere umu ila osep kesua iye waiki umodong kap iye e umaplau omur kap iye.

2 Tesalonaika 3:3

E Ida Puda ila elio langane. Iye wai lokono deka iye didi ila pelengon. E iye ma due umu umevri dagar e plau umu ma Satan karanga due wan soulu ke umu kovok.

2 Timoti 1:9

Ida Tapolngon lua ite ke udo elio epmes ina kodong e rere ite itodong ila osep ka itau lokono. Iye due langane batne ke elio gesa ka itakaranga itodue kovok. Aurou. Oglou alo ka iye dau tapol wan gesa kovok iye didi aitno e didi ila makaingan e rere ite ma aitno lite la dagar ke Krais Yesus.

2 Timoti 2:13

Langka itawai ma itedidi Krais e mase itabauluk aitno lite e itedidi udo pelengon tonari kovok iye dau didi ila pelengon. Kesua iye karanga bauluk e dar ila pelengon kovok.

Taitus 1:2

Ngaboko ma ngalua aitno lisak ila dagar ma aitno lisak mter ke urok mosongon ka dong vala dong alo ka itodong kap Ida Tapolngon. Oglou oglou ari alo ka Ida Tapolngon dau tapol wan gesa kovok iye wai dagar ma iye kar mosongon tonari ke ite. E iteile iye yakyak kovok.

Hibru 10:23

E itapalongo osep ke aitno lite ila dagar e ke wan itau lokono ka itapara ine. Deka itekis dagar ine e aitno lite orwo ine kovok. Kesua iteile Ida Tapolngon didi ila pelengon keniye ka iye wai ine kodong.

Hibru 11:11

Sara aitno dagar ke Ida Tapolngon blang. Lama iye opon e lapun kodong Ida Tapolngon lua iye ma iye divir mimi. Kesua aitno dagar ma Ida Tapolngon didi ila pelengon ka wai ma Sara divir mimi.

Hibru 2:17

E ke batne langane iye polou langka itosep. Ma iye karanga polou udo gute loulou ina ka mgo ka makai ite. E iye didi Ida Tapolngon ila pelengon keniye ke ila bokongon ka iye loulou ke ite. Ma iye klok osep urok elio epmes ina kla.

Hibru 3:1

Sipmi. Umu ka Ida Tapolngon ka dong ke omur heven rere umu ila osep e ma umodong kap iye ngawai ke umu langane. Aitno lumu mter ke Yesus ka aitno lumu dagar ke iye. Ida Tapolngon pagei iye ma iye polou udo gute loulou ina ka mgo.

Hibru 3:14

Aitno lite tidong dagar ke Krais langka tidong dagar alo ka mgongon aitno lite la dagar ke iye. Langka itodue langane la lama alo ka itemete deka ma itodong kap Krais.

Hibru 6:18

Ida Tapolngon ila pelengon orwo dong ka karanga segesege kovok. Pelengon kene ina iye ila promis e pelengon orwo ina iye ila pelengon dagar ka iye sir iye tona angaine ine. E iteile Ida Tapolngon karanga yakyak kovok. Deka ite ka itakalu ke Ida Tapolngon ma aitno lite mter ke Ida Tapolngon ila promis. E itodong dagar e itapara ke alo ka itodue wan ka Ida Tapolngon wai ine.

1 Pita 5:10

Ida Tapolngon iye makaingan batne e iye gi umu ke Krais angaine ma umodong kap iye ke ila bublongon ka dong vala dong. Lama oku ane umanamani agegeng mase ma agegeng yagos e Ida Tapolngon ma due umu umodong itau blang. E iye due aitno lumu ila dagar dong dagar lokono e due umu ma umevri dagar.

1 Jon 1:3

Wan keniye ka imeklingen ine e imavatie imanapapra ke umu ma aitno lumu kene pulu kap imi. E aitno limi kene pulu kap Pmada e Otno Arang Yesus Krais.

1 Jon 1:7

E langka itodue elio itau vala deka itodong ke bublongon langka iye dong ke bublongon. Itodong ke bublongon deka aitno lite kene pulu e Otno Arang Yesus ina marau ris udo elio epmes ina la.

1 Jon 4:13

Ida Tapolngon kar Ano Itau ke ite kodong e ke batne langane iteile itodong kap iye e iye dong kap ite.

Pelengon kukwopngon 19:11

Ngaklingen pelengon tonari deka ngavati omur heven noklok e ngavati hos kene ka okou. E gute ka dong ine angaine Gute Ka Wai E Didi Ila Pelengon e angaine silang Gute Ka Wai Pelengon Ka Lokono Vala. Alo ka iye wade osep koke iye due evlei iye didi ila elio ka itau e osuk e wade osep koke due evlei ine.