1 Korin 1:21 - Aria New Testament

²¹ Ida Tapolngon ile omur ke wan bitna bitna deka ila ilengen ombatno lokono. E iye didi ila ilengen tonari e dangdang osep ke elio ka tididi aitno lisak ma tile omur ke iye. Imanapapra Ida Tapolngon ila pelengon ke osep e Ida Tapolngon aitno itau ma iye lua osep ka aitno lisak la dagar ke iye ke urok elio epmes ina. E osep ka tididi aitno lisak tiwai pelengon ka imanapapra ine iye pelengon adai vala.

1 Korin 1:21 ပူးပေါင်းရင်းမြစ်များ

Matyu 11:25

Deka Yesus wai langane. “Livou wom ka amplau omur heven e taklak aitno lungong itau kesua omkukwop wan ane ke osep ilengen ina e osep ka tile pula e emnis isak ke osep ka isak langka agau vala.

Luk 10:21

Alo ari Ano Itau due Yesus deka aitno neser e iye wai langane. “Livou wom ka omur heven e taklak Inarak Puda ngakakai angain wom tito la egim. Kesua embisi wan ane ke osep ka urok ilengen omba koke osep ka tile omur itau e emnis isak ke agau. Livou omdue langane kesua amwaiki omdue mada ke osep e aitno lugom itau ke elio ane.”

Luk 12:32

“Lumu osua sasi boto e ngawaiki umelim kovok. Kesua Pmomu aitno itau ke umu e rere umu ma umodong kap iye ke omur ka iye plaue.

Jon 12:31

E oku ane ma Ida Tapolngon wade osep ka pula keniye ke taklak urok elio. E ma iye sapir Satan ka plau taklak ane.

Pas ka Pol sogoe uti la ke osep Rom ina 1:28

­E silang blang langane. Aitno lisak mter langka amtarsak uli Ida Tapolngon ma tidong itau lokono. Deka Ida Tapolngon pul dogur ke isak ma aitno lisak tipolou soulu lokono ma tidue elio bitna bitna ka Ida Tapolngon waiki osep tidue kovok.

Pas ka Pol sogoe uti la ke osep Rom ina 11:33

Umoklingen. Ida Tapolngon due elio itau lokono ke osep ka pula keniye. E ila ilengen omba lokono e iye ile omur ke elio keniye. Itosep itakaranga iteile ke Ida Tapolngon ila ilengen kovok. Itakaranga iteile ke ila elio keniye batne kovok.

1 Korin 1:18

E langane. Osep epmes ina urok elio vri ke isak e aitno lisak mter Krais ina metengen langka wan adai. E osep ka Ida Tapolngon lua isak tile elio tonari Ida Tapolngon ila arit ka lua isak.

1 Korin 1:23

E imanapapra pelengon kene ka la ke Krais ina metengen ke ina akai. Deka pelengon ka imanapapra ine due osep Yuda ina aitno lisak soulu e due osep Grik ina ma tiwai pelengon tonari pelengon adai vala.

1 Korin 1:24

E osep ka Ida Tapolngon rere isak ila osep aitno lisak langane kovok. Osep Yuda ina e osep Grik ina ka Ida Tapolngon rere isak ila osep tile pelengon tonari la ke Krais e Ida Tapolngon ila arit e ila ilengen dong ine.

1 Korin 1:25

E Ida Tapolngon ila ilengen ka osep leklou tiwai wan adai mole osep ka pula keniye urok ilengen. E Ida Tapolngon ila arit ka osep tiwai dong ke iye kovok ila arit mole osep ka pula keniye urok arit.

1 Korin 1:27

Osep pula aitno lisak soulu ke osep ka Ida Tapolngon rere isak ila osep. Ida Tapolngon rere ila osep tonari ma timole osep ka aitno lisak mter tile omur ke ilengen ka taklak ina. Deka ma isak mnak isak ke Ida Tapolngon ila osep. Iye rere ila osep ma timole osep ka tiwaiki urok arit dong ke isak. Kesua ma ila osep tidue osep pula isak kensak kensak isak mnak isak ine.

1 Korin 11:32

E alo ka Ida Puda wade udo elio ma iye kar ite wan ka opru ite. Iye due langane ma mosi ite ma iye mulu ite kap osep ka taklak ina kovok.

1 Korin 2:14

Langka Ano Itau dong ke gute gesa aitno kovok iye karanga due kerengen ke Ida Tapolngon Ano Itau kovok. Kesua aitno mter langka kerengen tonari wan adai vala. Itodue kerengen ke Ida Tapolngon Ano Itau. Deka osep ka Ano Itau dong ke aitno lisak isak vala tikaranga tiwade e tile Ida Tapolngon ila kerengen.

1 Korin 4:10

Aitno limi dagar ke Krais deka osep aitno lisak mter langka imi osep ka kaka e umodong langka osep ka umeile omur ke Krais. Limem arit kovok e lumu arit omba. Angainmi daudeng e angainmu omba.

1 Korin 6:2

Lange? Umeile langane kovok? Ida Tapolngon ila osep ma tiwade osep ka tidong ke taklak ane urok elio. E langka umodue langane ina lange umakaranga umawade elio isuk isuk ka polou airavu ke umu tona kovok?

Galesia 1:15

Alo ka nina dau divir ngong kovok Ida Tapolngon rere ngong kodong e ke ila makaingan iye rere ngong ila gute bokongon ina.

Galesia 4:8

Oglou umeile Ida Tapolngon kovok e umodong langka wokboi nating ke wan ka isak tapolngon kovok.

Efesus 1:9

E iye nis itosep ke elio ka oglou iye waiki due polou ke itosep. Alo ari iye dau kukwop iye ke osep. Deka ari me iding ke alo ka Krais polou ke itosep isak tile ke iye kovok. Mase Krais me polou lite e elio tonari polou malak lokono. E eknikane iteile omur ine.

Efesus 3:10

Ida Tapolngon due ila pelengon ka oglou iye kukwope polou malak ke ila osep kodong. Iye due langane kesua iye waiki ensel keniye ka tivri mgo e tiplau wan ke omur heven ma tivati Yesus ila osep urok mosongon. Deka ma tile omur Ida Tapolngon ila ilengen ombatno lokono e iye ile wan bitna bitna keniye.

Kolosi 1:19

Ida Tapolngon didi aitno deka due ila elio bitna bitna keniye dong ke Otno Arang. Deka Ida Tapolngon ila elio keniye bon ke iye.

Hibru 1:14

E langane. Ida Tapolngon ila ensel isak ansak ka tidue ila bokongon. Iye pagei isak ma tilua osep ka Ida Tapolngon waiki lua isak ke urok elio epmes ina.

Hibru 2:3

Deka oku ane langane. Langka itopul dogur ke elio ka Ida Tapolngon lua ite ke udo elio epmes ina ka mole Moses ila sogongon tonari ma itokos ke Ida Tapolngon ila wadengen kovok. Mgo Ida Puda napapra Ida Tapolngon ila pelengon itau ka karanga lua ite ke udo elio epmes ina. Deka osep ka tiklingen ine tipalongo udo langane. Pelengon tonari pelengon lokono.

Hibru 7:25

Iye gute loulou ina ka dong vala dong deka iye karanga lua osep ma isak kla olwo boto ke Ida Tapolngon batne ke ila bokongon. Kesua iye dong vala dong ma iye wai itau ke Ida Tapolngon ke isak.

Jems 4:4

Umopul dogur ke Ida Tapolngon langka apmang ka songon ila boget e la due okwa. E osep ka tididi elio ka taklak ina tipul dogur ke Ida Tapolngon. Deka gute ka waiki didi elio ka taklak ina iye polou Ida Tapolngon ina oul.

Jems 5:15

Deka langka osep tonari aitno lisak dagar ke Ida Tapolngon e tiwai itau ke iye Ida Tapolngon ma lua gute ka paia ma iye polou itau blang. E langka oglou gute tonari due elio epmes ina Ida Tapolngon ma klok ila elio epmes ina la.

Jems 5:20

Gute ka lua iye iding due elio itau. Gute ka lua gute silang ma iye bauluk aitno ke ila elio epmes ina ma due gute tonari dong itau ke Ida Tapolngon bitna. E iye ma mete kovok e ma Ida Tapolngon klok ila elio epmes ina la.