1 Korin 1:20 - Aria New Testament

²⁰ ­Deka ma osep ka urok ilengen ombatno tiusine? E osep ka tile omur ke Moses ila sogongon ma tiusine? E osep ka tididi ilengen ka taklak ina deka urok pelengon kalaila ma tiusine? Kesua Ida Tapolngon nis itosep ilengen ka taklak ina wan adai vala.

1 Korin 1:20 ပူးပေါင်းရင်းမြစ်များ

Matyu 13:22

E wit londo ka tiduru timunu ke galou marak isak eriar langka gute ka klingen Ida Tapolngon ila pelengon e dau aitno kro ke wan bitna bitna ke mosongon ane e aitno itau ke mani. E elio orwo tonari tikading Ida Tapolngon ila pelengon e pelengon karanga due gute ma iye due elio itau kovok.

Jon 12:31

E oku ane ma Ida Tapolngon wade osep ka pula keniye ke taklak urok elio. E ma iye sapir Satan ka plau taklak ane.

Aposel 17:18

Ari osep Epikurian ina leklou e osep Stoik ina leklou ka urok ilengen omba timter pulu pelengon kap Pol. E isak leklou tiwai pulu langane. “Gute ane ka wai ulik ulik iye wai lange?” Deka osep leklou blang tiwai langane. “Gute ane iye wai ke tapolngon ka osep leklou inarak tapolngon e iteile ine kovok.” Tiwai langane kesua Pol napapra ke Yesus e elio ka iye mole metengen e poga tito ke ina denga.

Pas ka Pol sogoe uti la ke osep Rom ina 1:20

Oglou Ida Tapolngon tapol wan bitna bitna keniye ka itavati e iteile omur ine. Ila duengen keniye nis itosep ke ila elio itau lokono lama oglou itavati iye kovok. Ila duengen nis itosep ke ila arit e ke ila elio itau blang e osep ka pula keniye tivati. E osep epmes ina ka tiwai tidue elio epmes ina batne tivati Ida Tapolngon kovok ma urok pelengon batne dong kovok. Aurou. Urok pelengon bure vala.

Pas ka Pol sogoe uti la ke osep Rom ina 1:22

Tiwai langane. “Imi osep ka imeile omur ina.” E aitno lisak kaka lokono.

1 Korin 1:19

Osep ka tisogo Ida Tapolngon ila pelengon tisogo langane. “Ma ngapaiavu osep ka isak osep ka tile omur ke wan ka taklak ina urok ilengen. Ma ngapaiavu osep ka aitno lisak mter tile itau e tilege itau ke ilengen bitna bitna urok ilengen. Ma ngapaiavu osep tonari urok ilengen.”

1 Korin 1:26

Sipmi. Omtomu sisir ke lumu mosongon ka oglou ina. Alo ka Ida Tapolngon rere umu ila osep iye due langane. Iye rere osep pula ka urok ilengen ombatno ila osep isak kovok. E iye rere osep pula ka urok arit dong ke isak ila osep isak kovok. E iye rere osep pula ka angainsak omba ila osep isak kovok. Iye rere osep awal boto vala ke osep tonari ka tidong langane ma isak ila osep.

1 Korin 1:27

Osep pula aitno lisak soulu ke osep ka Ida Tapolngon rere isak ila osep. Ida Tapolngon rere ila osep tonari ma timole osep ka aitno lisak mter tile omur ke ilengen ka taklak ina. Deka ma isak mnak isak ke Ida Tapolngon ila osep. Iye rere ila osep ma timole osep ka tiwaiki urok arit dong ke isak. Kesua ma ila osep tidue osep pula isak kensak kensak isak mnak isak ine.

1 Korin 1:28

Ida Tapolngon rere osep ka langane ma isak ila osep. Osep ka angainsak omba kovok e osep leklou ka aitno lisak soulu ke isak e tivati isak langka wan adai vala. Ida Tapolngon rere osep ka langane kesua iye waiki osep ka pula keniye tile osep ka isak kensak kensak aitno lisak itau ke isak tidong langka wan adai.

1 Korin 11:32

E alo ka Ida Puda wade udo elio ma iye kar ite wan ka opru ite. Iye due langane ma mosi ite ma iye mulu ite kap osep ka taklak ina kovok.

1 Korin 2:6

Lokono. Osep ka tipolou dagar lokono ke Ida Tapolngon ila pelengon tile ilengen ke pelengon ka imanapapra ine. Ilengen ka tidue ka imanapapra ke isak ine ane langka ilengen ka taklak ane ina kovok. E ilengen ane gesa langka ilengen ka osep ka tivri mgo ke ite ke taklak urok ilengen kovok. Osep tonari ma timete deka isak yagos.

1 Korin 2:8

E pelengon tonari langka osep leklou ka tivri mgo ke ite ke taklak ane urok kovok. Aurou. Io langka tile omur ine ma tidue Ida Puda iye mana ke ina akai kovok. Iye Ida Puda ka ila arit e ila bublongon ombatno.

1 Korin 3:18

Umeile umu itau lama uma-yak umu pulu. Lama gute gesa dong airavu ke umu e ila ilengen omba ke wan ka taklak ina e aitno mter langane. “Lou ilengen omba.” Io wan ka itau iye songon ilengen tonari e ma aitno kaka ine vala. Iye due langane ma iye ile itau ke ilengen ka omba lokono.

1 Korin 3:19

Kesua Ida Tapolngon vati ilengen ka taklak ina langka wan adai vala. Ida Tapolngon ila pelengon wai langane. “Osep leklou aitno lisak mter langka urok ilengen ombatno e isak tona ti-karanga tidue wan bitna bitna. E Ida Tapolngon due elio tonari ma mke isak langka aure mke ongwa gesa.”

1 Korin 6:2

Lange? Umeile langane kovok? Ida Tapolngon ila osep ma tiwade osep ka tidong ke taklak ane urok elio. E langka umodue langane ina lange umakaranga umawade elio isuk isuk ka polou airavu ke umu tona kovok?

Jems 4:4

Umopul dogur ke Ida Tapolngon langka apmang ka songon ila boget e la due okwa. E osep ka tididi elio ka taklak ina tipul dogur ke Ida Tapolngon. Deka gute ka waiki didi elio ka taklak ina iye polou Ida Tapolngon ina oul.