1 Korin 1:2 - Aria New Testament

² Imosogo pas ane uti la ke umu ka Yesus ila osep ka umodong ke Korin. Ida Tapolngon rere umu ka umeneklep ke Krais Yesus ila osep ka itau lokono. Ida Tapolngon rere umu kap osep keniye ka aitno lisak la dagar ke Ida Puda Yesus Krais e ka tiwai itau ke iye ma umu ila osep ka itau lokono.

1 Korin 1:2 ပူးပေါင်းရင်းမြစ်များ

Aposel 10:36

Umeile omon itau ka oglou iye pagei ke imi osep Israel ina. Pelengon tonari la ke Yesus Krais. Deka eknikane imi e Ida Tapolngon aitno limi epen pulu batne ke iye. Iye osep keniye Inarak Puda.

Aposel 15:9

Elio tonari nis ite Ida Tapolngon aitno kene ke osep ka pula keniye ka aitno lisak dagar ke Yesus. Ari aitno lisak la dagar ke Yesus deka Ida Tapolngon sak urok elio epmes ina.

Aposel 18:1

Mase Pol songon Atens e la polou ke armok Korin.

Aposel 22:16

E omdong ane batne lange? Emtito itala e omdue elio paunimngen ina. Emsir Yesus angaine ma iye tona lua wom ke lem elio epmes ina e ma iye due noklok la.’”

Aposel 26:18

Ngapagei wom ke isak ma lem pelengon due osep ari amtarsak pal ma tibauluk aitno lisak ke urok elio epmes ina e aitno lisak la ke elio itau. E ma tisongon Satan limla e tidong ke Upu Tapolngon limla vala. Ma aitno lisak la dagar ke ngong e ma ngasak urok elio epmes ina la e ma tidong kap osep ka Upu Tapolngon rere isak ila osep itau lokono kodong.’”

Aposel 9:13

Deka Ananaias koli wai langane. “Ngau Puda osep pula tiwai ke ngong ke gute Sol ila elio soulu. Iye due agegeng pula ke lem osep ka tidong ke Jerusalem.

Aposel 9:14

Osep loulou ina ka omba tikar arit ke iye ma iye pou osep keniye ka aitno lisak dagar ke wom e tiwai itau ke wom e tisir angain wom.”

Aposel 9:21

Ari osep ka tiklingen ila pelengon tidigrik ine e tiwai langane. “Oglou gute ane due agegeng ke osep ka tisir Inarak Puda Yesus ka tidong ke Jerusalem. Deka oku ane iye me ke armok ane ma iye pou osep ka aitno lisak dagar ke Yesus deka paur isak ke osep loulou ina ka omba.”

Pas ka Pol sogoe uti la ke osep Rom ina 1:7

­Eknikane ngasogo pas ane uti la ke umu osep Rom ina ka Ida Tapolngon rere umu ila osep. Ngawaiki Ida Tapolngon ka Pmada e Ida Puda Yesus Krais urok makaingan dong kap umu e tidue aitno lumu epen.

Pas ka Pol sogoe uti la ke osep Rom ina 10:12

Pelengon ane la ke osep Yuda ina e ke osep ka isak osep Yuda ina kovok blang. Kesua osep keniye tonari Inarak Puda kene ka kere osep keniye itau ka tiwai itau ke iye.

Pas ka Pol sogoe uti la ke osep Rom ina 3:22

Eknikane elio kene vala dong ka Ida Tapolngon didie e due osep tipolou itau e osuk ke bitna. Iye due osep ka pula keniye ka aitno lisak la dagar ke Yesus Krais tipolou itau e osuk ke bitna. Iye due ila elio kene langane ke osep ka pula keniye.

Pas ka Pol sogoe uti la ke osep Rom ina 8:28

E iteile omur ine langane. Ite ka ite lana ite ke Ida Tapolngon iye rere ite ila osep kodong. E elio keniye ka polou ke ite batne langane. Ida Tapolngon due isak tipolou ke ite ma tilua ite ma udo mosongon polou itau lokono e ma itodue wan ka iye rere ke ite.

1 Korin 1:30

E Ida Tapolngon due umu umeneklep ke Krais Yesus. E Krais tona udo ilengen ka itau batne. Krais due ite itopolou itau e osuk ke Ida Tapolngon bitna. Iye due ite itopolou Ida Tapolngon ila osep ka itau lokono. Deka udo elio epmes ina munu pes ite kovok.

1 Korin 10:32

E umodue elio gesa ka due osep Yuda ina koke osep Grik ina koke Yesus ila osep aitno lisak soulu ke umu sakam.

1 Korin 12:27

Deka umu ka pula keniye umodong langka Krais pampamu ine e umu kene kene umodong langka Krais pam-pamu ine ongwa ine.

1 Korin 8:6

E iteile omur Ida Tapolngon kene vala dong ka iye Ida Tapolngon ka Pmada. Iye wan ka pula keniye batne e aitno lite la ke iye vala. E Ida Puda kene vala ka Yesus Krais dong. Iye due wan ka pula keniye e iye udo mosongon batne.

2 Korin 1:1

Ngong Pol ngong Krais Yesus ila aposel gesa. Ida Tapolngon didi aitno e rere ngong aposel. Ngong imorwo udo aten Timoti imosogo pas ane uti ke umu ka pula keniye ka umodong ke Ida Tapolngon ila sios ke Korin kap Ida Tapolngon ila osep ke armok keniye ke provins Akaia.

2 Korin 4:5

E imanapapra ke limem elio kovok. Aurou. Imanapapra langane. Krais Yesus iye Ida Puda e imi lumu osep bokongon ina batne ke Yesus.

Galesia 1:2

Ngong imogosok osep ka tididi Ida Tapolngon ila pelengon imosogo pas ane uti ke umu osep ka umodong ke sios kene kene ke omur Galesia.

Efesus 5:26

Krais pli tarna e kasip amunte. Deka eriar langka iteris pampamu lite ma tipolou eip Krais waiki ris aitno lite ke ila pelengon ma aitno lite tipolou itau lokono. Krais ris ite ka ila osep ke ila pelengon kesua iye waiki due ite itopolou itau lokono ke iye tona bitna.

1 Tesalonaika 1:1

Ngong Pol ngagosok Sailas e Timoti imosogo pas ane uti la ke umu ka umodong ke sios ke armok Tesalonaika. Umu ka pula keniye umodong ke Ida Tapolngon ka Pmada e Ida Puda Yesus Krais urok osua. Ma Ida Tapolngon ila makaingan dong kap umu e due aitno lumu tidong epen.

1 Tesalonaika 4:7

Ida Tapolngon waiki ite ka ila osep itodue elio soulu kovok. Iye waiki itodue elio itau vala.

2 Tesalonaika 1:1

Ngong Pol ngagosok Sailas e Timoti imosogo pas ane uti la ke umu ka umodong ke sios ke Tesalonaika. Umeneklep ke Ida Tapolngon ka Pmada e Ida Puda Yesus Krais.

1 Timoti 2:8

Deka ngawaiki ma Ida Tapolngon ila osep ka tidong ke armok ka pula keniye ma tikar aitno lisak ke Ida Tapolngon lokono. E tidong itau lokono e ma tiwai itau ke Ida Tapolngon. E ngawaiki tisongon elio ka aitno lisak nevlik e amnga ke osep.

1 Timoti 3:15

E langka ngame paide kovok amvati pelengon ka ngasogoe ma emile elio itau ka ite ka Ida Tapolngon ila osep itedidie. Ite ka Ida Tapolngon ila osep itodong langka Ida Tapolngon ka dong vala dong ila sios. E sios langka kadanga komdungo ina ka dagar e kis dagar ke Ida Tapolngon ila pelengon.

2 Timoti 1:9

Ida Tapolngon lua ite ke udo elio epmes ina kodong e rere ite itodong ila osep ka itau lokono. Iye due langane batne ke elio gesa ka itakaranga itodue kovok. Aurou. Oglou alo ka iye dau tapol wan gesa kovok iye didi aitno e didi ila makaingan e rere ite ma aitno lite la dagar ke Krais Yesus.

2 Timoti 2:19

E Ida Tapolngon ila pelengon dong langka kadanga ka due ninu dong dagar. E sogongon dong ke kadanga tonari ka langane. “Ida Puda ile itau ke osep ka tidong ke ila osua.” E sogongon silang langane. “Osep ka isak Ida Puda ila osep ma tipul dogur ke elio epmes ina.”

2 Timoti 2:22

Osep auram aitno leklou urok elio bitna bitna soulu. E ngawaiki ompul dogur ke elio soulu tonari. E emdidi Ida Puda ila elio ka langane vala. Aitno lugom dong dagar ke Ida Puda e wom lana wom ke osep e omgosok isak aitno lumu epen pulu. Omdue langane kap Ida Puda ila osep ka aitno lisak itau lokono e tiwai itau ke Ida Puda.

Hibru 10:10

Yesus Krais didi Ida Tapolngon aitno deka pli tarna e mete langka iye wan ka osep tidue elio opmu ina ine. Iye due langane aling kene vala e Ida Tapolngon klok udo elio epmes ina la deka itopolou Ida Tapolngon ila osep batne ke iye.

Hibru 13:12

E Yesus blang langane. Iye mete ke armok dogur e ina marau due ite itodong ila osep e itodong itau lokono ke Ida Tapolngon bitna.

Hibru 2:11

Deka Yesus ka iye gute ka due osep tipolou itau lokono ke Ida Tapolngon bitna e osep tonari Pmarak kene vala. Iye Ida Tapolngon. Deka Yesus mnak iye ma iye sir osep tonari iye sisrok kovok. Aurou.

Pas ka Jut sogoe 1:1

Ngong Jut e ngong Yesus Krais ila wokboi nating e ngong Jems ina aiver. Ngasogo pas ane uti ke umu ka Ida Tapolngon rere umu ila osep umu. Ngaile Ida Tapolngon ka Pmada lana iye ke umu e Yesus Krais plau umu itau.

Pelengon kukwopngon 19:16

E ngavati sogongon dong ke ila molo ka alang e ke eser ine. Sogongon tonari angaine silang ka langane. Gute Ka Vri Mgo Ka Plau Osep Ka Pula Keniye Ka Tivri Mgo Ke Omur Omur e Ida Puda Ka Plau Osep Inarak Puda Ka Pula Keniye.