1 Korin 1:18 - Aria New Testament

¹⁸ E langane. Osep epmes ina urok elio vri ke isak e aitno lisak mter Krais ina metengen langka wan adai. E osep ka Ida Tapolngon lua isak tile elio tonari Ida Tapolngon ila arit ka lua isak.

1 Korin 1:18 ပူးပေါင်းရင်းမြစ်များ

Aposel 13:41

Oglou ari tisogo langane. ‘Alo ka umu dau umodong ma ngadue elio gesa ka umedigrik ine. Lama osep tipalongo lumu ine aitno lumu dagar ine kovok. Umu ka umodue apok ma umavati elio gesa ka ngadue. Deka ma umedigrik ine e umemete ine.’”

Aposel 17:18

Ari osep Epikurian ina leklou e osep Stoik ina leklou ka urok ilengen omba timter pulu pelengon kap Pol. E isak leklou tiwai pulu langane. “Gute ane ka wai ulik ulik iye wai lange?” Deka osep leklou blang tiwai langane. “Gute ane iye wai ke tapolngon ka osep leklou inarak tapolngon e iteile ine kovok.” Tiwai langane kesua Pol napapra ke Yesus e elio ka iye mole metengen e poga tito ke ina denga.

Aposel 17:32

Pol wai ke Yesus ina metengen e ila baulukngon e osep leklou tiwai apok ke iye. E osep leklou blang tiwai langane. “Pol imawaiki ma amparere imi ke pelengon ane blang. Imawaiki imeklingen ine blang.”

Aposel 2:47

Deka oklou ka pula keniye tikakai Ida Tapolngon angaine tito la egim lokono. E osep leklou aitno lisak itau ke osep tonari. Alo ari osep leklou blang aitno lisak la dagar ke Yesus deka Ida Puda klok urok elio epmes ina. Deka osep ka iye lua isak tineklep ke osep ka oglou aitno lisak la dagar ke Yesus kodong.

Pas ka Pol sogoe uti la ke osep Rom ina 1:16

Eknikane ngong mnak ngong ke Ida Tapolngon ila omon itau kovok. Aurou. Aitno lungong dagar lokono ine vala. Ida Tapol-ngon ila omon itau ila arit karanga lua osep keniye ka aitno lisak dagar ine. Ida Tapolngon ila omon itau me ke itosep Yuda ina mgo. Mase omon tonari la polou ke osep ka isak osep Yuda ina kovok.

1 Korin 1:21

Ida Tapolngon ile omur ke wan bitna bitna deka ila ilengen ombatno lokono. E iye didi ila ilengen tonari e dangdang osep ke elio ka tididi aitno lisak ma tile omur ke iye. Imanapapra Ida Tapolngon ila pelengon ke osep e Ida Tapolngon aitno itau ma iye lua osep ka aitno lisak la dagar ke iye ke urok elio epmes ina. E osep ka tididi aitno lisak tiwai pelengon ka imanapapra ine iye pelengon adai vala.

1 Korin 15:2

Langka aitno lumu la dagar ke omon itau ka nganapapra ke umu deka ke omon itau tonari Ida Tapolngon lua umu ke lumu elio epmes ina. Lama aitno lumu orwo ine deka omon tonari karanga lua umu kovok.

1 Korin 2:14

Langka Ano Itau dong ke gute gesa aitno kovok iye karanga due kerengen ke Ida Tapolngon Ano Itau kovok. Kesua aitno mter langka kerengen tonari wan adai vala. Itodue kerengen ke Ida Tapolngon Ano Itau. Deka osep ka Ano Itau dong ke aitno lisak isak vala tikaranga tiwade e tile Ida Tapolngon ila kerengen.

1 Korin 2:2

Aitno lungong langane. Alo ka ngadong kap umu aitno lungong mter ke wan silang blang kovok. Aurou. Aitno lungong la dagar ke Yesus Krais e elio ka iye mana ke ina akai e mete ine.

1 Korin 3:19

Kesua Ida Tapolngon vati ilengen ka taklak ina langka wan adai vala. Ida Tapolngon ila pelengon wai langane. “Osep leklou aitno lisak mter langka urok ilengen ombatno e isak tona ti-karanga tidue wan bitna bitna. E Ida Tapolngon due elio tonari ma mke isak langka aure mke ongwa gesa.”

1 Korin 4:10

Aitno limi dagar ke Krais deka osep aitno lisak mter langka imi osep ka kaka e umodong langka osep ka umeile omur ke Krais. Limem arit kovok e lumu arit omba. Angainmi daudeng e angainmu omba.

2 Korin 10:4

E imodue evlei ke ola e osua langka tidue kovok. Aurou. Imodue evlei ke Ida Tapolngon ila arit ka ombatno deka imakaranga imapaiavu ipem oul ka urok arit omba.

2 Korin 4:3

E lama osep leklou tile omur ke omon itau ka imanapapra ke isak kovok io omon tonari malak kovok ke osep ka ma isak kla ke omur hel vala.

1 Tesalonaika 1:5

Omon itau ka imanapapra ine ke umu polou ke umu langka pelengon adai vala kovok. Aurou. Ano Itau sruk aitno limi deka imanapapra ke ila arit. E aitno limi dagar langka omon tonari iye pelengon lokono. E umeile elio ka imodue ka lua umu alo ka imodong kap umu.

2 Tesalonaika 2:10

E iye due elio yakngan ina ka soulu lokono ma iye yak osep pula ma timete deka tikluk ke omur hel. Osep tonari ma tikluk kesua alo ka tiklingen pelengon lokono ka karanga lua isak ke urok elio epmes ina aitno lisak itau ine kovok e la dagar ine kovok.

Hibru 12:2

Ma aitno lite mter ke Yesus ka iye aitno lite ila dagar batne. E iye due aitno lite ila dagar polou dagar lokono. Alo ka iye dong ke taklak aitno neser ke wan itau lokono ka mase ma ila wan. Deka iye ulou ke ina akai kovok e aitno mter langka wan tonari soulu kovok e iye mete ine vala. E iye mnak iye ine kovok. E eknikane iye dong ke omur heven ke Ida Tapolngon limla odung.

Hibru 4:12

Ida Tapolngon ila pelengon dong e ila arit dong ine blang. Ila pelengon dong langka elil omba ka ene orwo e ene lokono. E iye karanga wade gute aitno e ano. E karanga wade gute erine buno e erine aitno. E karanga wade elio ka itawaiki itodue e wan ka aitno lite mter ine.