1 Korin 1:14 - Aria New Testament

^14-15 Ngong kenngong ngapaunim osep pula kovok. Ngapaunim osep awal boto vala langka Krispus e Gaius. E ngawai tenkyu ke Ida Tapolngon ine. Lama osep leklou tiwai ngapaunim isak ke angain ngong.

1 Korin 1:14 ပူးပေါင်းရင်းမြစ်များ

Aposel 10:48

Deka Pita palongo urok langane. “Osep umodue elio paunimngen ina ke Yesus Krais angaine.” Iye palongo urok langane yagos deka tiwai ke iye langane. “Omdong kap imi oklou leklou deka ma omsongon armok amla.”

Aposel 18:8

Ari gute Krispus ka duningen ina ninu ina plaungan gosok osep keniye ka tidong ke ila ninu aitno lisak la dagar ke Ida Puda. E silang osep pula ka tidong ke Korin tiklingen Pol ila pelengon deka aitno lisak la dagar ke Yesus e osep tipaunim isak.

Pas ka Pol sogoe uti la ke osep Rom ina 16:23

Gute Gaius wai “oklou itau” ke umu. Iye plau ngong itau lokono ke ila ninu. E Ida Tapolngon ila osep ka tiduni pulu ke ila ninu tiwai “oklou itau” ke umu blang. Gute Erastus ka plau mani ke gavman ka dong ke armok ane wai “okou itau” ke umu. E udo aten Kwartus blang wai “oklou itau” ke umu.

1 Korin 1:4

Aling pula ngawai itau ke Ida Tapolngon ke umu. Ngawai itau ke iye kesua iye makai umu itau ke ila makaingan batne Yesus Krais dong.

1 Korin 14:18

Aitno lungong itau ke Ida Tapolngon kesua ngawai pula ke tokples bitna bitna ka osep tile ine kovok e ngamole umu lokono ke elio langane.

2 Korin 2:14

E eknikane ngakakai Ida Tapolngon angaine tito la egim. Kesua aling aling iye mgo ke imi e iye mole wan ka pula keniye e imedidi iye deka imala ke omur omur e imanapapra Krais ila omon itau e osep tiklingen ine e tile ke iye. E pelengon ka osep tiklingen ine langka amnangan itau ka engen ipue la ke omur omur.

Efesus 5:20

E aling aling umawai tenkyu ke Ida Tapolngon ka Pmada kesua batne ke wan bitna bitna ka iye lua umu ine. Umawai tenkyu ke Ida Tapolngon kesua batne ke Ida Puda Yesus Krais dong.

Kolosi 3:15

Krais due aitno lumu epen kap iye. E elio ka aitno lumu epen kap iye nis umu ma umeile omur ke elio bitna bitna ka Krais waiki umodue. Kesua Ida Tapolngon waiki aitno lumu epen pulu e iye waiki elio tonari gom umu e umodong langka umu Krais pampamu ine ka kene vala. E aitno lumu itau ke Ida Tapolngon ine.

Kolosi 3:17

Deka langane. Ke wan ka pula keniye ka umodue koke wan ka pula keniye ka umawai ine umodue batne aitno lumu dagar ke Ida Puda Yesus. E ke Yesus angaine umawai tenkyu ke Ida Tapolngon ka Pmada ke wan keniye ka iye due.

1 Tesalonaika 5:18

Umeneklep ke Krais Yesus kodong deka Ida Tapolngon waiki umawai tenkyu ke iye ke wansua ka polou ke umu. Langka isak elio itau koke elio soulu.

1 Timoti 1:12

Ida Puda Krais Yesus kar arit ke ngong e aitno itau ke ngong e iye ile langka ma ngadue ila bokongon. Iye rere ngong ma ngadue bokongon tonari. Deka ngawai tenkyu ke iye.

Filemon 1:4

Lou aten Filemon. Aling aling alo ka ngawai itau ke Ida Tapolngon aitno lungong mter ke wom deka ngawai tenkyu ke iye batne ke wom e ngawai itau ke wom.