1 Korin 1:10 - Aria New Testament

¹⁰ Sipmi. Ida Puda Yesus Krais iye kene deka ngawai ke umu langane. Ngawai ma aitno lumu kene pulu ke pelengon kene. Ma aitno lumu mter ke elio kene e ma lumu pelengon kene. Ma umadardar ke elio bitna bitna sakam.

1 Korin 1:10 ပူးပေါင်းရင်းမြစ်များ

Matyu 9:16

“Langka molo oglou ina nabak osep tisisir molo arlak ka oku ina ine kovok. Kesua alo ka tigrong molo deka arlak ka oku ina polou daudeng e bak molo e ovuk ka oku mole ovuk ka oglou dong.

Mak 2:21

Yesus wai ke isak ke pelengon ano gesa langane. “Lang­-ka ovuk dong ke molo oglou ina gute sisir molo oku ina arlak ke ovuk tonari kovok. Kesua langka iye due langane mase alo ka iye grong molo ma arlak tonari polou daudeng e ma trum molo ka oglou ina. Deka ovuk polou omba e mole ovuk ka oglou ina dong.”

Mak 3:24

“Langka osep ka tidong ke kantri kene tidue ola pulu ma tidong tauni kovok. Ma tipaiavu isak kensak kensak vala deka isak yagos.

Jon 10:19

Osep Yuda ina tiklingen Yesus ila pelengon ane deka tipara pelengon pulu e tidardar ine.

Jon 17:23

Ngadong kap isak e omdong kap ngong. Ma aitno lisak polou kene pulu lokono ma osep taklak ina tile ampagei ngong ngame e wom lana wom ke isak eriar langka wom lana wom ke ngong.”

Jon 7:43

E osep leklou aitno lisak itau ke Yesus e osep leklou aitno lisak soulu ke Yesus.

Jon 9:16

Osep Farisi ina leklou tiwai langane. “Gute are dar oklou sabat ina pelengon dagar deka iteile Ida Tapolngon pagei iye me kovok.” E osep Farisi ina leklou tiwai langane. “Lange ka gute epmes ina karanga due elio arit ina bitna bitna langka iye due?” Deka osep Farisi ina tipara pelengon pulu e tidardar ine.

Aposel 4:32

Alo ari osep ka aitno lisak dagar ke Yesus aitno lisak kene pulu e tilua pulu ke urok wan bitna bitna. Osep pula tiwai urok wan bitna bitna ina gute osep keniye. Tidue elio langka gute kene wai langka ila wan iye tona ila kovok.

Pas ka Pol sogoe uti la ke osep Rom ina 1:13

Sipmi. Ngawaiki umo-klingen lou pelengon ma umeile omur ine. Oglou ngawai ke lou langan aling pula kesua ngawaiki ngapolou ke umu. E ngakaranga ngapolou ke umu kovok kesua parangan gesa dangdang ngong ke lou langan tonari. Alo ari ngawaiki ngapolou ke umu ma ngaboko ke umu. Ngawaiki ngaboko ke umu kesua oglou lou bokongon lua osep pula ka isak osep Yuda ina kovok. Deka osep tonari tipolou Ida Tapolngon ila osep. E ngawaiki ngaboko ke umu eriar langka oglou ngaboko ke isak e dau parangan gesa dangdang ngong ine.

Pas ka Pol sogoe uti la ke osep Rom ina 12:1

Sipmi. Ida Tapolngon aitno due ite kodong deka ngawai dagar ke umu langane. Ma umakar pampamu lumu ke Ida Tapolngon langka wan ka ila wan. Alo ka umu dau umodong ma umodong langka Ida Tapolngon ila osep ka itau lokono ma umodue elio itau ka Ida Tapolngon aitno itau ine. Umodue langane deka elio ka langane langka aitno lumu la dagar ke Ida Tapolngon vala.

Pas ka Pol sogoe uti la ke osep Rom ina 12:16

Ma aitno lumu kene pulu. E ma aitno lumu vri ke umu vala kovok. Umepli osep ka angainsak omba kovok sakam. E aitno lumu itau ke isak vala. Ma umakakai umu tona angainmu kovok lama aitno lumu mter umu osep ka umeile omur ine.

Pas ka Pol sogoe uti la ke osep Rom ina 15:30

Sipmi. Ngapmi umu ma umawai itau ke Ida Tapolngon ma iye lua ngong ke lou mosongon. Ngapmi umu ine kesua batne ke Ida Puda Yesus Krais dong. Ngapmi umu ine kesua ite lana ite pulu batne Ano Itau lua ite ine.

Pas ka Pol sogoe uti la ke osep Rom ina 16:17

Sipmi. Ngawaiki ngawai dagar ke umu langane. Umeile umu itau lama supmu leklou tipagolgol aitno lumu ila dagar ke pelengon yakngan. Kesua tiwaiki urok pelengon yakngan pono aitno lumu ke pelengon ka lokono ka aitno lumu la dagar ine kodong. E umu ma umodong mawa ke osep ka tidue elio langane. Lama urok pelengon ka soulu due aitno lumu ma aitno lumu kene pulu kovok.

1 Korin 1:11

Sipmi. Ngawai ke umu langane kesua osep leklou ka isak apmang Kloe ila osua tipalongo lou ke lumu elio soulu. Tiwai umotuk opmu pulu ke pelengon gesa.

1 Korin 11:18

Mgongon ngawaiki ma ngawai ke elio tonari. Ngaklingen pelengon langane. Alo ka umoduni pulu umadardar e umotuk opmu pulu ke umu tona. E aitno lungong mter langka pelengon tonari lokono e dau ngaile itau ine kovok.

1 Korin 12:25

Iye due langane ma pampamu lite tikaranga tituktuk tipolou emkil emkil kovok. E pampamu lite ongwa ine kene kene ma plau ongwa ine leklou pulu e lua isak eriar.

1 Korin 3:3

Kesua umu dau umedidi aitno lumu oglou ina. E elio ka oglou ina e elio ka aitno lumu soulu ke lumu saten leklou e elio ka umotuk opmu pulu dau tidong ke umu. E elio tonari ka umodue io isak elio ka aitno lumu oglou ina tidue. Elio tonari osep ka taklak ina urok elio.

1 Korin 4:16

Deka ngawai dagar ke umu ma umavati lou elio e ma umakana ngong.

2 Korin 10:1

Osep leklou tiwai ke umu langane. “Alo ka Pol dong kap umu langka iye pes iye vala e alo ka iye dong mawa iye wai dagar.” Deka ngawai ke umu ma aitno lumu mter ke Krais ila elio e umoklingen lou pelengon. Krais ila elio langane. Ila elio molil molil e iye due mada ke osep.

2 Korin 13:11

Sipmi. Ngababrum lou pelengon ane. Aitno lungong itau ke umu. Ngawaiki umomosi lumu elio ka ulik ulik. Ngawaiki umoklingen e umedidi lou pelengon ka ngawai ine kodong. Ngawaiki aitno lumu kene pulu e aitno lumu epen pulu. Umodue langane e Ida Tapolngon ka iye lana iye ke osep e due aitno lisak epen pulu ma dong kap umu.

2 Korin 13:9

Aitno limi itau alo ka limem arit dong kovok e lumu arit dong kap umu. E imawai itau ke Ida Tapolngon ma aitno lumu ila dagar dong dagar vala.

2 Korin 5:20

Deka imi Krais ila osep meriang ina. Are langka Ida Tapolngon wai ke osep ke epmi. Deka imepmi umu dagar ke Krais angaine ma aitno lumu kene kap Ida Tapolngon.

2 Korin 6:1

Imoboko kap Ida Tapolngon e ila makaingan polou ke umu deka imawaiki imawai dagar ke umu langane. Umeile umu itau lama aitno lumu mter ila makaingan wan adai vala.

Galesia 4:12

Sipmi. Ngawaiki ma umo-polou eriar langka ngong. Ngasongon Moses ila sogongon e ngapolou eriar langka umu. E umodue elio soulu gesa ke ngong kovok.

Filipai 1:27

Wan ka omba langane. Ngawaiki lumu mosongon didi pelengon ka Krais ila omon itau wai ine. Ngawaiki langka ngauti ke umu koke ngauti kovok ma ngaklingen pelengon langane. Umevri dagar e aitno lumu kene pulu e lana lumu kene vala. E umoboko dagar pulu ma umosruk osep ma aitno lisak la dagar ke omon itau.

Filipai 3:16

E ma aling aling itodong itodue elio itau ka itekise kodong.

1 Tesalonaika 5:13

Umodue anit ke isak e umu lana umu ke isak. Kesua urok bokongon lua umu pula. E aitno lumu dong epen pulu.

2 Tesalonaika 2:1

Sipmi. Eknikane imawaiki imawai ke umu ke taim ka Ida Puda Yesus Krais ma bauluk me e itoduni pulu kap iye e itodong kap iye. Imawaiki umoklingen itau ke pelengon ka imawai ine e umekis dagar ine.

1 Timoti 5:21

Deka Timoti. Ke Ida Tapolngon bitna e ke Krais Yesus bitna e ke Ida Tapolngon ila ensel amtarsak ngawai dagar ke wom langane. Ma omboko dagar ke wan ka ngawai ke wom ine. Ke wan ka pula keniye ka omdue ma omdue elio eriar ke osep ka pula keniye.

2 Timoti 4:1

Mase ma Krais Yesus duru ke taklak blang e plaue e iye ma wade osep ka dau tidong e osep ka timete kodong urok elio. E ngawai dagar ke wom ke iye e Ida Tapolngon amtarsak langane.

1 Pita 2:11

Sipmi ka ngong lana ngong ke umu. Umodong ke taklak ane langka osep kaulei e langka osep ka tilila ke omur omur deka ngawai dagar ke umu ma umopul dogur ke elio soulu ka pampamu lumu waiki umodue. Kesua aling aling elio soulu waiki mole umu.

1 Pita 5:10

Ida Tapolngon iye makaingan batne e iye gi umu ke Krais angaine ma umodong kap iye ke ila bublongon ka dong vala dong. Lama oku ane umanamani agegeng mase ma agegeng yagos e Ida Tapolngon ma due umu umodong itau blang. E iye due aitno lumu ila dagar dong dagar lokono e due umu ma umevri dagar.