1 Korin 1:1 - Aria New Testament

¹ Ngong Pol ka Ida Tapolngon didi aitno e rere ngong Krais Yesus ila aposel gesa. Ngong imorwo udo aten Sostenes imosogo pas ane.

1 Korin 1:1 ပူးပေါင်းရင်းမြစ်များ

Luk 6:13

Kotkotu polou e iye gi ke ila disaipel pula e rere osep songotno orwo vala ke isak e sir isak aposel.

Jon 15:16

“E umerere ngong ma ngadong kap umu kovok. Aurou. Ngarere umu ke bokongon ka ngawaiki umodue. Deka ngawaiki umodue bokongon tonari e osep pula ma tipolou lou osep ine. Are langka galou wain tetna usu otna pula e otna tonari dong. E alo ka umepmi Livou ke wan gesa batne ke ngong ma iye kare ke umu.

Jon 20:21

Deka Yesus wai ke isak blang langane. “Aitno lumu dong epen. Eriar langka Livou pagei ngong ngame ngapagei umu umala.”

Aposel 1:15

Alo ari Pita vri airavu ke osep ka tiduni pulu ke ninu tonari. Osep tonari inarak sasa langka 120.

Aposel 1:2

Ke mgongon alo ka iye me mgo iding ke oklou ka iye bauluk tito ke omur heven. Ke oklou ka iye tito ke omur heven Ano Itau due Yesus aitno ma iye kar ila pelengon ke osep ka oglou iye rere isak ila aposel.

Aposel 18:17

­Deka osep tikis dagar Sostenes ka iye gute ka plau osep Yuda ina urok duningen ina ninu e timluk iye pula ke kot bitna. E Galio aitno mter ine kovok. Aurou. Aitno epen ine vala.

Aposel 22:21

Ngakoli Ida Puda ila pelengon langane deka iye wai ke ngong blang langane. ‘Aurou. Amla. Ngapagei wom amla ke osep ka isak osep Yuda ina kovok ka tidong ke omur ka mawa.’”

Pas ka Pol sogoe uti la ke osep Rom ina 1:1

Ngong Pol ka Yesus Krais ila gute bokongon ina gesa ngasogo pas ane. Oglou Ida Tapolngon rere ngong ila aposel gesa. Iye rere ngong ma ngapaur ila omon itau ke osep pula.

Pas ka Pol sogoe uti la ke osep Rom ina 1:5

E silang blang langane. Ida Tapolngon makai imi e rere imi ma imi ila aposel leklou batne Yesus dong. Iye rere imi ma imapaur ila omon itau la ke osep ka pula keniye ka tidong ke omur pula. Iye rere imi kesua iye waiki ma osep ka pula keniye aitno lisak la dagar ke ila pelengon e ma tididie.

1 Korin 15:9

E osep aposel leklou timole ngong. Kesua oglou ngadue agegeng ke Ida Tapolngon ila osep. Deka osep tikaranga tisir ngong aposel kovok.

1 Korin 3:9

Imorwo Ida Tapolngon ila osep bokongon ina. E umu langka Ida Tapolngon ila yage. E umu blang langka Ida Tapolngon ila ninu.

2 Korin 1:1

Ngong Pol ngong Krais Yesus ila aposel gesa. Ida Tapolngon didi aitno e rere ngong aposel. Ngong imorwo udo aten Timoti imosogo pas ane uti ke umu ka pula keniye ka umodong ke Ida Tapolngon ila sios ke Korin kap Ida Tapolngon ila osep ke armok keniye ke provins Akaia.

2 Korin 11:5

Umawai osep tonari isak lumu aposel ka angainsak omba lokono e isak osep aposel lokono kovok. E aitno lungong langka timole ngong kovok.

2 Korin 12:12

Oglou alo ka ngadong kap umu ngadue wan pula ka nis umu ngong gute aposel lokono. Ngadong dagar ke lou bokongon e ngadue elio arit ina e elio bitna bitna ka osep tikaranga tidue kovok.

2 Korin 8:5

E aitno limi mter tikar mani vala. E aurou. Paide tikar aitno lisak ke Ida Puda e tididi Ida Tapolngon aitno e tikar aitno lisak ke imi blang.

Galesia 1:1

Ngong Pol ka aposel gesa. Osep tipagei ngong koke tidue ngong ma ngaboko ke osep aposel urok bokongon kovok. Aurou. Ngaboko langane kesua Ida Puda Yesus Krais kap Ida Tapolngon ka Pmada tirere ngong aposel. Ida Tapolngon tona iye gute ka due Krais mole ina denga.

Efesus 1:1

Ngong Pol ka Ida Tapolngon rere ngong Krais Yesus ila aposel gesa e ngasogo pas ane. Ngasogoe uti la ke umu ka Ida Tapolngon ila osep ka umodong dagar lokono ke Krais Yesus ka umodong ke armok Efesus.

Efesus 4:11

Krais tona lua osep ke ila kerengen. Iye rere osep leklou ma isak osep aposel. E iye rere osep leklou ma isak osep napaprangan ina. E iye rere osep leklou ma tinapapra Ida Tapolngon ila omon itau ke omur omur. E iye rere osep leklou ma tiplau Yesus ila osep e ma tiparere isak ke ila pelengon.

Kolosi 1:1

Ngong Pol e ngong Yesus Krais ila aposel gesa. Ke Ida Tapolngon aitno iye rere ngong gute aposel. Ngong imorwo Timoti ka iye sudo gesa imosogo pas ane.

1 Timoti 1:1

Ngong Pol ka Krais Yesus rere ngong ila aposel gesa. Ida Tapolngon lua ite ke udo elio epmes ina e itapara ke Krais Yesus ma itavati iye e itodong kap iye.

1 Timoti 2:7

Ke batne langane Ida Tapolngon rere ngong ma ngapolou ila aposel gesa. E ngaboko ma nganapapra ila omon itau ke osep ka isak osep Yuda ina kovok e ngaparere isak ine. Ma aitno lisak la dagar ke Krais e ma tile ke ila pelengon ka lokono. Ngawai lokono e ngayakyak kovok.

2 Timoti 1:1

Ngong Pol ngong Krais Yesus ila aposel gesa. Ida Tapolngon didi aitno e rere ngong ila aposel. Ma ngawai ke osep ke mosongon oku ina ka dong vala dong. Ida Tapolngon wai promis ma iye kar mosongon oku ina tonari ke osep ka aitno lisak dagar ke Krais Yesus.