1 Jon 5:9 - Aria New Testament

⁹ Alo ka gute gesa wai ke ite ke wan gesa aitno lite la dagar ke ila pelengon. E pelengon ka Ida Tapolngon wai ine mole osep urok pelengon. E pelengon ka Ida Tapolngon wai ine kodong la ke Otno Arang.

1 Jon 5:9 ပူးပေါင်းရင်းမြစ်များ

Matyu 17:5

Alo ka Pita dau wai gaup ka okou lokono kading oklou e kreine me ke gaup ka wai langane. “Gute ane Erigu Arang ka ngong lana ngong ke iye omba e aitno lungong itau lokono ke iye. Umoklingen ila pelengon.”

Jon 10:38

E langka ngadue ila bokongon lama aitno lumu dagar ke lou pelengon kovok aitno lumu la dagar ke elio arit ina ka ngadue ma umeile malak langane. Livou dong kap ngong e ngadong kap Livou e imi eriar.”

Jon 5:39

Umanana dagar ke Ida Tapolngon ila pelengon kesua aitno lumu mter ila pelengon karanga nis umu ke ekreng ka kar lumu mosongon ka dong vala dong ke umu. E aurou. Pelengon tonari palongo lumu ke ngong.

Aposel 17:31

Kesua oglou kodong Ida Tapolngon rere oklou kene ma gute ka iye rere kodong ma iye didi ila elio itau e wade osep ka pula keniye ine. Pelengon ane lokono lokono kesua gute tonari mete kodong deka Ida Tapolngon due poga tito ke ina denga.”

Aposel 5:32

Imi ane e Ano Itau imapalongo osep ke elio tonari. Oglou imavati Yesus ila elio bitna bitna deka eknikane imapalongo osep ine. E eknikane Ano Itau ka Ida Tapolngon kar iye ke osep keniye ka tididi ila pelengon pa-longo osep ine blang.”

Hibru 2:4

E Ida Tapolngon due nisngen omba e elio arit ina bitna bitna e iye didi aitno e kar Ano Itau ila kerengen ke ila osep. Iye due langane ma osep tivati e tile omur pelengon tonari pelengon lokono.

Hibru 6:18

Ida Tapolngon ila pelengon orwo dong ka karanga segesege kovok. Pelengon kene ina iye ila promis e pelengon orwo ina iye ila pelengon dagar ka iye sir iye tona angaine ine. E iteile Ida Tapolngon karanga yakyak kovok. Deka ite ka itakalu ke Ida Tapolngon ma aitno lite mter ke Ida Tapolngon ila promis. E itodong dagar e itapara ke alo ka itodue wan ka Ida Tapolngon wai ine.

1 Jon 5:10

Langka gute gesa aitno dagar ke Ida Tapolngon Otno Arang deka Ida Tapolngon ila pelengon dong ke aitno. E langka gute aitno dagar ke Ida Tapolngon ila pelengon kovok ane langka iye sir Ida Tapolngon gute yakngan ina. Kesua aitno dagar ke pelengon ka Ida Tapolngon wai ine ka la ke Otno Arang kovok.

1 Jon 5:8

Wan eklu tipalongo udo ke Yesus. Ano Itau palongo udo e aki ka paunimngen ina palongo udo e ina marau ka baser palongo udo. E isak eklu tonari isak langka pelengon kene vala.