1 Jon 5:20 - Aria New Testament

²⁰ Iteile Ida Tapolngon Otno Arang duru me ke taklak e kar ilengen ke ite ma itakaranga iteile Ida Tapolngon ka lokono. E itodong kap iye ka lokono e itodong kap Otno Arang Yesus Krais. Ida Tapolngon iye tona Tapolngon ka lokono e itodue mosongon ka dong vala dong batne ke iye.

1 Jon 5:20 ပူးပေါင်းရင်းမြစ်များ

Matyu 13:11

E Yesus koli wai ke isak langane. “Ida Tapolngon songon ngong ma ngapalongo lumu ke pelengon kukwop ka omur heven ina e ngakukwop pelengon tonari ke osep leklou.

Luk 21:15

Kesua ma ngakar lumu pelengon e lumu ilengen ke umu e ma upu oul tikaranga tiplie koke tipara pulu ine kovok.

Luk 24:45

E iye lua isak ma tikaranga tile omur ke Ida Tapolngon ila pelengon lana ine.

Jon 1:18

Gute kene vati Ida Tapolngon kovok e dau Otno Arang nis ite malak ke iye ma iteile omur ke iye. Otno Arang tonari iye kene vala e iye dong olwo boto ke Ida Tapolngon e iye Ida Tapolngon blang.

Jon 10:30

Ngong e Livou imi eriar vala.”

Jon 14:20

E alo ka elio tonari polou ma umeile ngadong kap Livou e umodong kap ngong e ngadong kap umu.

Jon 14:23

E Yesus koli wai ke iye langane. “Langka gute lana iye ke ngong ma iye ini lou pelengon e ma Livou lana iye ke gute tonari e ma imorwo imeme ke iye e ma imodong kap iye.

Jon 14:6

E Yesus koli wai langane. “Ngong tona vala ekreng e ngong pelengon lokono batne e ngong mosongon ka dong vala dong batne. E ekreng silang dong ka osep tikaranga tididie e tipolou ke Livou kovok. Aurou.

Jon 14:9

Deka Yesus koli wai ke iye langane. “Filip ngadong kap umu tauni kodong e dau emile ngong kovok i? Gute ka vati ngong vati Livou blang. Deka ina lange amwai langane? ‘Emnis imi ke Abo.’

Jon 15:4

Deka umodong kap ngong e ma ngadong kap umu. Langka galou wain tetna dong dagar ke palma ma iye karanga usu otna. E langka galou wain tetna dong dagar ke palma kovok iye karanga usu otna kovok. E eriar langane ke umu blang. Langka umodong dagar ke ngong kovok umakaranga umodue elio itau kovok.”

Jon 17:14

“Ngakar lem pelengon ke isak e ke batne langane osep taklak ina aitno lisak engil e amnga ke isak. Aitno lisak engil e amnga ke isak kesua isak langka osep taklak ina kovok eriar langka ngong langka osep taklak ina kovok.

Jon 17:25

Livou ka lem elio itau e osuk osep taklak ina tile wom kovok. E ngaile wom e lou osep tile wom ampagei ngong ngame.

Jon 17:3

E mosongon ka dong vala dong langane. Osep tile wom ka Inarak Tapolngon ka lokono e ka kene vala e tile ngong Yesus Krais ka ampagei ngong ngame.

Jon 20:28

Deka Tomas koli wai ke iye langane. “Ngau Puda e Ngau Tapolngon.”

Jon 8:42

Deka Yesus koli wai ke isak langane. “Langka Ida Tapolngon pmomu lokono ma umu lana umu ke ngong kesua ngasongon iye e ngame ngadong ane. E ngadidi aitno lungong e ngame kovok. Aurou. Iye pagei ngong ngame.”

Aposel 20:28

Eknikane umu ka Ano Itau rere umu Ida Tapolngon ila osep inarak plaungan umaplau umu itau. Umekere Ida Tapolngon ila osep itau lokono. Kesua Otno Arang ina marau kli inarak elio epmes ina.

Pas ka Pol sogoe uti la ke osep Rom ina 9:5

Osep Israel ina tiduru ke urok seia ka angainsak omba urok osua. E Krais ila osua ka didi itosep dong ke osep Israel ina. Krais tona Ida Tapolngon lokono e plau wan ka pula keniye. Ma itakakai angaine tito la egim lokono dong vala dong. Lokono.

1 Korin 1:30

E Ida Tapolngon due umu umeneklep ke Krais Yesus. E Krais tona udo ilengen ka itau batne. Krais due ite itopolou itau e osuk ke Ida Tapolngon bitna. Iye due ite itopolou Ida Tapolngon ila osep ka itau lokono. Deka udo elio epmes ina munu pes ite kovok.

2 Korin 4:6

Ke oglou Ida Tapolngon wai langane. “Ma esluk polou bublo airavu ke aivoro.” Ida Tapolngon tona due esluk polou bublo ke aitno limi ma imeile omur ke Ida Tapolngon ila bublongon ka bublo ke Yesus Krais bitna.

2 Korin 5:17

Langka gute gesa nepir ke Krais iye polou gute oku ina. Ila mosongon oglou ina yagos la e ila mosongon oku ina polou kodong.

Efesus 3:18

Ngapmi Ida Tapolngon langane kesua ngawaiki ma umeile omur ke elio ka Krais lana iye ke ite e ila osep leklou keniye. Kesua elio ka Krais lana iye ke ite wan ka ombatno ombatno lokono. E la mawa lokono. E tito la egim e duru ke moli. Kesua iye lana iye ke ite ombatno lokono.

Filipai 3:9

Ngadong kap Krais e ngadong itau e osuk ke Ida Tapolngon bitna batne ke elio ka ngadidi Moses ila sogongon kovok. Aurou. Eknikane ngadong itau e osuk batne aitno lungong la dagar ke Krais. Elio ka Ida Tapolngon due ngong ngadong itau ke bitna batne aitno lungong la dagar ke Krais.

1 Timoti 3:16

E iteile langane. Ida Tapolngon ila pelengon langka wan ka omba lokono. Ida Tapolngon nis ite ine langane. Krais polou langka itosep e osep pula tivati iye. E Ano Itau nis ine langane. Ila elio keniye itau lokono e ensel tivati iye. Osep kla tipalongo ila ke osep pula ke omur omur. Deka osep ka taklak ina aitno lisak la dagar ke iye. E Ida Tapolngon due bauluk tito la ke omur Heven e iye dong kap Ida Tapolngon.

Taitus 2:13

E aitno lite dagar ke Ida Tapolngon e itapara ke oklou ka ite ma itavati iye e itapara ke Ida Luangan Krais Yesus ka iye itau lokono. Ma iye polou malak lokono deka itavati iye kap ila bublongon e ila arit.

Hibru 1:8

E Ida Tapolngon wai ke Otno Arang langane. “Wom Tapolngon e wom emvri mgo e amplau osep dong vala dong. E emdidi elio itau vala e amplau lem osep.

1 Jon 2:23

Gute ka pul dogur ke Ida Tapolngon Otno Arang iye dong kap Pmada kovok. E gute ka aitno dagar ke Otno Arang iye dong kap Pmada blang.

1 Jon 2:24

Umekis dagar ke pelengon ka oglou umoklingen ine. Langka umodue langane ma umodong kap Pmada e Otno Arang blang.

1 Jon 2:6

Gute gesa ka wai iye dong kap Ida Tapolngon io wan ka itau ma iye due elio isuk isuk langka Yesus due alo ka iye dong ke taklak.

1 Jon 4:14

Itavati elio pula ka Pmada due kodong. Iye pagei Otno Arang me ke taklak ma iye lua osep ke urok elio epmes ina. E itapalongo osep ine.

1 Jon 4:16

Deka iteile Ida Tapolngon lana iye ke ite e aitno lite dong dagar ine. Aling aling Ida Tapolngon lana iye ke osep. E osep ka isak lana isak ke osep leklou tidong kap Ida Tapolngon e iye dong kap isak.

1 Jon 4:2

Umoklingen. Osep ka tiwai Yesus Krais duru ke taklak e polou langka itosep urok pelengon ina poloungon batne ke Ida Tapolngon.

1 Jon 5:1

Osep ka aitno lisak dagar ke elio ka Yesus iye gute Krais ka Ida Tapolngon rere ma iye lua osep ke urok elio epmes ina isak Ida Tapolngon ila osep. E osep ka isak lana isak ke gute timla isak lana isak ke gute tonari blang.

1 Jon 5:15

E iteile langane. Alo ka itepmi iye ke wan gesa iye klingen udo pmingen deka ma iye kar wan ka itepmi iye ine ke ite.

1 Jon 5:18

Iteile omur langane. Osep ka isak Ida Tapolngon ila osep tidue elio epmes ina aling aling kovok. Kesua Ida Tapolngon Otno Arang kis isak e plau isak itau e Satan karanga due elio soulu ke isak kovok.

1 Jon 5:5

Osep seisei timole elio bitna bitna ka taklak ina? Osep ka aitno lisak dagar ke Yesus e tile iye Ida Tapolngon Otno Arang isak osep ka timole elio bitna bitna ka taklak ina.

Pelengon kukwopngon 15:3

E tidue Moses ka iye Ida Tapolngon ila gute bokongon ina ila sakul e tidue Sipsip Otno ila sakul blang. Sakul tonari langane. “Ipem Puda wom Ipem Tapolngon blang e lem arit ombatno lokono. Omdue elio isuk isuk ka itau lokono deka imedigrik ine. Aling aling amplau osep ka pula keniye e lem elio keniye itau e osuk lokono.

Pelengon kukwopngon 19:11

Ngaklingen pelengon tonari deka ngavati omur heven noklok e ngavati hos kene ka okou. E gute ka dong ine angaine Gute Ka Wai E Didi Ila Pelengon e angaine silang Gute Ka Wai Pelengon Ka Lokono Vala. Alo ka iye wade osep koke iye due evlei iye didi ila elio ka itau e osuk e wade osep koke due evlei ine.

Pelengon kukwopngon 3:14

Gute tonari wai blang lang-ane. “Omsogo pelengon ke ensel ka dong ke sios ke Laodisia. Pelengon tonari langane. Gute ka tisir iye Lokono e ka wai osuk e wai lokono ke Ida Tapolngon ila pelengon keniye wai langane. ‘Ngong wan ka pula keniye ka Ida Tapolngon due batne.

Pelengon kukwopngon 3:7

Gute tonari wai blang langane. “Omsogo pelengon ke ensel ka dong ke sios ke Filadelfia. Pelengon tonari langane. Gute ka itau lokono e elio soulu dong ine kovok e iye wai pelengon lokono vala wai langane. ‘Ngakis Devit ila ki deka wansua ka ngakloke gute gesa karanga divae kovok e wansua ka ngadivae gute gesa karanga kloke kovok.

Pelengon kukwopngon 6:10

E osep ansak tonari tigi tiwai omba langane. “Ipem Puda ka lem arit ombatno omdong itau e amwai pelengon lokono. Lesen ma amwade osep ka pula keniye ka tidong ke taklak e omkoli ipem marau ke isak?”