1 Jon 5:18 - Aria New Testament

¹⁸ Iteile omur langane. Osep ka isak Ida Tapolngon ila osep tidue elio epmes ina aling aling kovok. Kesua Ida Tapolngon Otno Arang kis isak e plau isak itau e Satan karanga due elio soulu ke isak kovok.

1 Jon 5:18 ပူးပေါင်းရင်းမြစ်များ

Matyu 5:37

E alo ka umawai io umawai ‘Ee’ koke ‘Aurou’ vala. E langka umawai pelengon silang io pelengon tonari batne ke Satan.”

Matyu 6:13

Omlua imi ma imoulou ke tokngon e ma elio soulu due imi kovok.’” “Kesua wom tona emvri mgo ke wan ka pula keniye. E lem arit e lem bublongon dong vala dong. Lokono.”

Jon 1:13

Tipolou Ida Tapolngon titno batne ke elio ka sipmarak e titnarak tikaranga tidivir titorok koke elio ka aitno lisak waiki due langane koke elio ka osep leklou aitno lisak waiki due langane kovok. Aurou. Tipolou titno batne ke Ida Tapolngon aitno vala.

Jon 14:30

Ma ngawai ke umu dau tauni kovok kesua Satan ka plau osep ka pula keniye ke taklak me. E iye karanga mole ngong kovok.

Jon 15:4

Deka umodong kap ngong e ma ngadong kap umu. Langka galou wain tetna dong dagar ke palma ma iye karanga usu otna. E langka galou wain tetna dong dagar ke palma kovok iye karanga usu otna kovok. E eriar langane ke umu blang. Langka umodong dagar ke ngong kovok umakaranga umodue elio itau kovok.”

Jon 15:7

“Langka umodong dagar ke ngong e lou pelengon dong ke aitno lumu umepmi ngong ke wan bitna bitna ka umawaiki umodue e ma wan tonari tipolou langka umepmi ngong ine.

Jon 15:9

Eriar langka Livou lana iye ke ngong io ngong lana ngong ke umu blang. E umodong dagar ke elio ka ngong lana ngong ke umu.

Aposel 11:23

Barnabas la polou ke Antiok deka iye vati elio itau ka Ida Tapolngon due ke osep tonari e aitno neser ine. Deka iye wai dagar ke isak langane. “Oklou aling aling aitno lumu dagar lokono ke Ida Puda e aitno lumu kene ke iye e aitno lumu orwo ke iye sakam.”

Jems 1:18

Iye didi aitno e due ite itopolou ila osep alo ka iteklingen ila pelengon ka lokono. Ma ite langka titno ka ina sirngen sirngen ke wan ka pula keniye ka mase ma polou oku.

Jems 1:27

Langka itedidi Ida Tapolngon aitno e itodue elio isuk isuk ka itau vala ke Ida Tapolngon ka Pmada bitna ma itodue elio langane. Iye waiki itolua agau ka bimsei e apmang sasap batne ke elio ka opru isak. E iye waiki itaplau ite itau ma elio ka taklak ina due ite itopolou amum kovok.

1 Pita 1:23

Umopolou osep oku ina langka mimi edimor batne ke Ida Tapolngon ila pelengon ka umoklingen ine. Ngawai pelengon ano langane. Langka osep tiser wit londo ke yage io londo tonari karanga polou okus. E Ida Tapolngon ila pelengon langka londo ka karanga polou okus kovok. Aurou. E mosongon dong ine e ina yagosngon kovok.

1 Jon 2:29

Umeile omur Krais dong itau e osuk. E osep ka tidue elio isuk isuk ka itau tipolou Ida Tapolngon ila osep kodong.

1 Jon 3:12

E itodue elio langka oglou gute Kein ka iye Satan ila gute due kovok. Ke oglou Kein due burwa ke ina aiver. Ina lange Kein due burwa ke ina aiver? Iye due burwa ke iye batne langane. Ina aiver ila elio itau e osuk e Kein ila elio soulu.

1 Jon 3:3

Osep keniye ka tipara ke alo ka Krais iding me ma tidong itau lokono vala e tidue elio epmes ina kovok langka Krais dong itau lokono e due elio epmes ina kovok.

1 Jon 3:9

Gute gesa ka Ida Tapolngon due polou ila gute due elio epmes ina aling aling kovok. Kesua Ida Tapolngon ila elio dong ke iye kodong e iye karanga due elio epmes ina aling aling kovok kesua iye Ida Tapolngon ila gute.

1 Jon 4:6

E ite Ida Tapolngon ila osep ite. Gute ka ile Ida Tapolngon ma klingen udo pelengon e gute ka ile Ida Tapolngon kovok ma klingen udo pelengon kovok. Ke batne langane itakaranga iteile omur ke osep ka tididi Ano Itau ila pelengon e osep ka tididi osep napaprangan yakngan ina urok pelengon.

1 Jon 5:1

Osep ka aitno lisak dagar ke elio ka Yesus iye gute Krais ka Ida Tapolngon rere ma iye lua osep ke urok elio epmes ina isak Ida Tapolngon ila osep. E osep ka isak lana isak ke gute timla isak lana isak ke gute tonari blang.

1 Jon 5:15

E iteile langane. Alo ka itepmi iye ke wan gesa iye klingen udo pmingen deka ma iye kar wan ka itepmi iye ine ke ite.

1 Jon 5:19

E silang blang langane. Iteile Ida Tapolngon ila osep ite e dau Satan ila arit plau osep ka pula keniye ka taklak ina.

1 Jon 5:20

Iteile Ida Tapolngon Otno Arang duru me ke taklak e kar ilengen ke ite ma itakaranga iteile Ida Tapolngon ka lokono. E itodong kap iye ka lokono e itodong kap Otno Arang Yesus Krais. Ida Tapolngon iye tona Tapolngon ka lokono e itodue mosongon ka dong vala dong batne ke iye.

1 Jon 5:21

Lou mimi daudeng ngawai ke umu langane. Umaplau umu itau ke tapolngon yakngan ina.

1 Jon 5:4

Osep ka isak Ida Tapolngon ila osep timole elio bitna bitna ka taklak ina. Aitno lite ila dagar mole elio bitna bitna ka taklak ina.

Pas ka Jut sogoe 1:21

Ida Tapolngon lana iye ke umu e ngawaiki aling aling aitno lumu mter ine. E umapara ke alo ka Ida Puda Yesus Krais aitno due umu e kar lumu mosongon ka dong vala dong ke umu.

Pas ka Jut sogoe 1:24

Ida Tapolngon karanga plau umu itau e lua umu ma umegene ke elio epmes ina kovok. E iye karanga due umu umala ke ila omur ka itau itau lokono e elio gesa vri ke umu kovok. Deka aitno lumu neser omba.

Pelengon kukwopngon 2:13

‘Ngaile omur ke armok ka umodong ine. Satan ila kova dong ke armok tonari. E ke oglou lila me aitno lumu dong dagar ke ngong e umosongon aitno lumu ila dagar kovok. Umodong dagar lama oglou osep timluk gute Antipas ma iye mete. Iye dong kap umu e napapra lou pelengon e didie deka osep timluk iye ma iye mete. Iye mete ke lumu armok ka Satan dong ine.’”