1 Jon 5:13 - Aria New Testament

¹³ Ngasogo pelengon ane uti ke umu ka aitno lumu dagar ke Ida Tapolngon Otno Arang ma umeile omur langane. Aitno lumu dagar ke iye deka umodue mosongon ka dong vala dong.

1 Jon 5:13 ပူးပေါင်းရင်းမြစ်များ

Jon 1:12

E dau osep ka aitno lisak dagar ke iye e tidue io iye kar isak arit ma tikaranga tipolou Ida Tapolngon titno.

Jon 2:23

E alo ka iye dong ke Jerusalem ke rogo omba ka lana ine la ke alo ka Ida Tapolngon lua osep Yuda ina tisongon omur Isip osep pula tivati elio arit ina ka nisngen ka iye due e aitno lisak la dagar ke iye.

Jon 20:31

E ngasogo pelengon ane batne langane. Ma aitno lumu la dagar langane. Yesus iye gute Krais ka Ida Tapolngon rere ma iye lua osep ke urok elio epmes ina e iye Ida Tapolngon Otno Arang. E langka aitno lumu dagar ke iye ma umodue mosongon ka dong vala dong.

Jon 21:24

E ngong disaipel are e ngapalongo osep urok ke elio ane e ngasogo pelengon ane. E iteile lou pelengon iye pelengon lokono.

Jon 3:18

Gute sei ka aitno la dagar ke iye ma Ida Tapolngon wade iye kovok e gute sei ka aitno la dagar ke iye kovok Ida Tapolngon wade iye kodong kesua aitno la dagar ke Ida Tapolngon Otno Arang ka kene vala kovok.

Jon 5:24

“Ngawai lokono ke umu langane. Gute sei ka klingen lou pelengon e aitno la dagar ke Ida Tapolngon ka pagei ngong ngame iye due mosongon ka dong vala dong e Ida Tapolngon ma wade iye kovok. Aurou. Iye mole metengen kodong e due mosongon ka dong vala dong.

Aposel 3:16

Eknikane umavati e umeile gute ane. E Yesus ka aitno limi dagar lokono ke iye ila arit due gute ane kamla polou itau blang. Aitno la dagar ke Yesus e ila arit vala due gute ane kamla polou itau blang langka umakaranga umavati.”

Aposel 4:12

“Umoklingen. Oglou Ida Tapolngon kar itosep Ida Luangan Yesus. Iye tona Ida Luangan lokono e eknikane gute gesa dong langka iye kovok. Gute silang angaine dong ka karanga lua ite kovok. Aurou. Yesus vala Ida Luangan lokono.”

2 Korin 5:1

Iteile pampamu lite langka ninu molo ina. Langka ninu tonari polou yagos Ida Tapolngon ma kere ninu oku ina ke ite ka osep tiurie kovok. Ninu oku ina tonari dong vala dong ke omur heven.

Galesia 4:6

Eknikane umodong Ida Tapolngon titno. E Ida Tapolngon pagei Otno Arang Ano Itau me dong ke aitno lite deka Ano Itau due ite ma itegi langane. “Abo. Livou.”

1 Pita 5:12

Ngaile gute Sailas aitno ila dagar dong dagar e iye lua ngong ke pas ane. Ngasogo pas ane kesua ngawaiki ngawai ke umu ke Ida Tapolngon ila makaingan. Ngaile makaingan ane Ida Tapolngon ila makaingan ka lokono deka ngawai malak ine. Ngawaiki ngasruk aitno lumu ma umodong dagar ine.

1 Jon 1:4

E imosogo pelengon ane ma elio ka aitno lite neser bon kap ite.

1 Jon 2:1

Lou mimi daudeng. Ngasogo pas ane uti ke umu ma umodue elio epmes ina kovok. E dau langka gute gesa due elio epmes ina gute dong ka loulou ke ite ke Pmada. Iye Yesus Krais ka ila elio itau e osuk.

1 Jon 2:21

Ngasogo pelengon ane ke umu kovok kesua aitno lungong mter langka umeile pelengon ka lokono kovok. Aurou. Ngosogoe kesua umeile pelengon ka lokono kodong e umeile pelengon ka yakngan karanga polou ke pelengon ka lokono kovok.

1 Jon 2:25

E Krais wai promis kodong ma iye kar mosongon ka dong vala dong ke ite.

1 Jon 2:26

Ngasogo pelengon ke umu ma ngapalongo lumu ke osep ka tiwaiki tiyak umu.

1 Jon 3:23

E Ida Tapolngon ila pelengon dagar ka me ke ite langane. Aitno lite dagar ke Otno Arang Yesus Krais e ite lana ite pulu langka iye wai ine.

1 Jon 4:9

Ida Tapolngon nis ite malak iye lana iye ke osep ke elio langane. Iye pagei Otno Arang ka kene vala me ke taklak ma itodue mosongon ka itau lokono batne ke iye.

1 Jon 5:10

Langka gute gesa aitno dagar ke Ida Tapolngon Otno Arang deka Ida Tapolngon ila pelengon dong ke aitno. E langka gute aitno dagar ke Ida Tapolngon ila pelengon kovok ane langka iye sir Ida Tapolngon gute yakngan ina. Kesua aitno dagar ke pelengon ka Ida Tapolngon wai ine ka la ke Otno Arang kovok.

1 Jon 5:11

Pelengon tonari langane. Ida Tapolngon kar mosongon ka dong vala dong ke ite e mosongon tonari batne ke Otno Arang.

1 Jon 5:20

Iteile Ida Tapolngon Otno Arang duru me ke taklak e kar ilengen ke ite ma itakaranga iteile Ida Tapolngon ka lokono. E itodong kap iye ka lokono e itodong kap Otno Arang Yesus Krais. Ida Tapolngon iye tona Tapolngon ka lokono e itodue mosongon ka dong vala dong batne ke iye.