1 Jon 5:10 - Aria New Testament

¹⁰ Langka gute gesa aitno dagar ke Ida Tapolngon Otno Arang deka Ida Tapolngon ila pelengon dong ke aitno. E langka gute aitno dagar ke Ida Tapolngon ila pelengon kovok ane langka iye sir Ida Tapolngon gute yakngan ina. Kesua aitno dagar ke pelengon ka Ida Tapolngon wai ine ka la ke Otno Arang kovok.

1 Jon 5:10 ပူးပေါင်းရင်းမြစ်များ

Jon 3:16

“Ida Tapolngon lana iye ke osep ka pula keniye ka tidong ke taklak deka iye pagei Otno Arang ka kene vala ke osep. Ma osep seisei ka aitno lisak la dagar ke iye timete kovok. Aurou. Ma tidue urok mosongon ka dong vala dong.

Jon 3:18

Gute sei ka aitno la dagar ke iye ma Ida Tapolngon wade iye kovok e gute sei ka aitno la dagar ke iye kovok Ida Tapolngon wade iye kodong kesua aitno la dagar ke Ida Tapolngon Otno Arang ka kene vala kovok.

Jon 3:33

Gute ka klingen ila pelengon e aitno dagar ke iye ane langka iye wai langane. ‘Ida Tapolngon ila pelengon iye pelengon lokono.’

Jon 5:38

E ila pelengon dong ke aitno lumu kovok kesua aitno lumu dagar ke gute ka iye pagei me kovok.

Pas ka Pol sogoe uti la ke osep Rom ina 8:16

Ite kente kente itesir Ida Tapolngon Livou kesua ite titno ite. E Ano Itau ka dong ke aitno lite kodong wai ke ite kente kente ine blang langane. “Wom Ida Tapolngon otno gesa.”

Galesia 4:1

E ngawai langane. Langka gute otno kene vala dong mase mimi tonari due timla ila wan ka pula keniye. Lama wan tonari langka mimi ila wan kodong dau alo ka mimi dau dong daudeng iye dong eriar langka wokboi nating.

Galesia 4:6

Eknikane umodong Ida Tapolngon titno. E Ida Tapolngon pagei Otno Arang Ano Itau me dong ke aitno lite deka Ano Itau due ite ma itegi langane. “Abo. Livou.”

Kolosi 3:3

Umemete kodong kap Krais e umeneklep ke iye. E umeile omur ke lumu mosongon itau keniye dau kovok e mase ma Ida Tapolngon due mosongon tonari polou malak.

Hibru 3:12

Sipmi. Umeile umu itau lama gute gesa airavu ke umu due elio epmes ina e pono aitno ke Ida Tapolngon. Deka iye pul dogur ke Ida Tapolngon.

2 Pita 1:19

Imeklingen pelengon tonari e aitno limi dagar ke osep napaprangan ina urok pelengon e imeile omur urok pelengon lokono. E umu blang aitno lumu dagar ke urok pelengon ka langka lam ka bublo ke aivoro. Lam bublo ke aivoro la lama iding ke alo ka gaga tito. Bitna langka langane alo ka Krais dong ke aitno lumu langka gigimo marupo bublo.

1 Jon 1:10

E langka itawai itodue elio epmes ina kovok ane langka itesir Ida Tapolngon gute yakngan ina e ila pelengon dong ke aitno lite kovok.

1 Jon 5:1

Osep ka aitno lisak dagar ke elio ka Yesus iye gute Krais ka Ida Tapolngon rere ma iye lua osep ke urok elio epmes ina isak Ida Tapolngon ila osep. E osep ka isak lana isak ke gute timla isak lana isak ke gute tonari blang.

Pelengon kukwopngon 12:17

Deka mota aitno engil lokono ke apmang deka iye la e waiki due evlei kap apmang ila napakngan keniye. Isak osep ka tididi Ida Tapolngon ila pelengon dagar e tinapapra Yesus ila pelengon e tididi iye.

Pelengon kukwopngon 2:17

“Deka gute ka tala ma iye klingen pelengon ka Ano Itau wai ine ke sios. Gute ka mole elio soulu ma ngakar iye ngangon mana ka dong kukwop. E silang ma ngakar iye opmu ka okou ka ngasogo angaine oku ina ine. E gute silang karanga ile angaine tonari kovok. Gute ka due opmu vala ile ine.”

Pelengon kukwopngon 2:28

E silang blang ma ngakar iye gigimo marupo langka nisngen ke elio ka iye mole elio soulu.