1 Jon 5:1 - Aria New Testament

¹ Osep ka aitno lisak dagar ke elio ka Yesus iye gute Krais ka Ida Tapolngon rere ma iye lua osep ke urok elio epmes ina isak Ida Tapolngon ila osep. E osep ka isak lana isak ke gute timla isak lana isak ke gute tonari blang.

1 Jon 5:1 ပူးပေါင်းရင်းမြစ်များ

Matyu 16:16

E Saimon Pita wai langane. “Wom gute Krais ka Ida Tapolngon rere ma iye lua osep ke urok elio epmes ina. Wom Ida Tapolngon ka dong vala dong Otno Arang.”

Luk 7:5

Kesua iye lana iye ke ite osep Israel ina e iye due osep tiuri limem duningen ina ninu.”

Jon 1:3

Ida Tapolngon due gute tonari ma iye tapol wan ka pula keniye ka tidong. E wan gesa polou ke ekreng silang kovok. Aurou.

Jon 15:23

Gute ka aitno engil e amnga ke ngong aitno engil e amnga ke Livou blang.

Jon 3:3

E Yesus koli wai langane. “Ngawai lokono ke wom. Langka gute polou oku langka mimi edimor kovok iye karanga dong ke omur ka Ida Tapolngon plaue kovok.”

Jon 6:69

E aitno limi dagar e imeile itau wom gute itau lokono ka Ida Tapolngon pagei me ke osep.”

Jon 8:42

Deka Yesus koli wai ke isak langane. “Langka Ida Tapolngon pmomu lokono ma umu lana umu ke ngong kesua ngasongon iye e ngame ngadong ane. E ngadidi aitno lungong e ngame kovok. Aurou. Iye pagei ngong ngame.”

Aposel 8:36

Isak orwo dau tididi ekreng la lama tipolou ke aki gesa e gute plaungan ina wai langane. “Oka aki ane. Ma ngasep ke aki ane e ampaunim ngong koke ngakaranga ngadue langane kovok?”

Jems 1:18

Iye didi aitno e due ite itopolou ila osep alo ka iteklingen ila pelengon ka lokono. Ma ite langka titno ka ina sirngen sirngen ke wan ka pula keniye ka mase ma polou oku.

1 Pita 1:3

Ma itakakai Ida Tapolngon ka iye Ida Puda Yesus Krais timla angaine tito la egim. Ida Tapolngon aitno due ite omba lokono. Deka iye due Yesus Krais poga tito ke ina denga e due ite itopolou oku langka mimi edimor. Elio ane due aitno lite dagar ma Ida Tapolngon kar ite ke wan ka iye wai ine kodong.

1 Jon 2:10

Gute ka iye lana iye ke iye sisrok dong ke bublongon e iye due elio isuk isuk ka due iye gene ke elio epmes ina kovok.

1 Jon 2:29

Umeile omur Krais dong itau e osuk. E osep ka tidue elio isuk isuk ka itau tipolou Ida Tapolngon ila osep kodong.

1 Jon 3:14

Oglou itodong langka osep ka timete e oku ane itodong ke mosongon ka dong vala dong. E iteile itodong ke mosongon tonari kesua ite lana ite ke Ida Tapolngon ila osep. E osep ka isak lana isak ke osep leklou kovok isak dau tidong langka osep ka timete.

1 Jon 3:17

E langka gute gesa dong ka ila wan dong ke iye ka lua iye ke taklak ane. E iye vati ila aten gesa ka wan opru iye kesua ila wan isuk boto vala deka iye pono aitno ke gute tonari. Deka iteile elio ka Ida Tapolngon lana iye ke osep dong ke gute tonari aitno kovok.

1 Jon 3:9

Gute gesa ka Ida Tapolngon due polou ila gute due elio epmes ina aling aling kovok. Kesua Ida Tapolngon ila elio dong ke iye kodong e iye karanga due elio epmes ina aling aling kovok kesua iye Ida Tapolngon ila gute.

1 Jon 4:2

Umoklingen. Osep ka tiwai Yesus Krais duru ke taklak e polou langka itosep urok pelengon ina poloungon batne ke Ida Tapolngon.

1 Jon 4:20

Langka gute gesa wai langane. “Ngong lana ngong ke Ida Tapolngon.” E dau iye lana iye ke ila aten kovok deka iye gute yakngan ina. Kesua langka iye lana iye kovok ke ila aten ka iye karanga vati lange ma iye karanga lana iye ke Ida Tapolngon ka iye karanga vati kovok? Aurou.

1 Jon 4:7

Sipmi. Ngong lana ngong ke umu e ngawai langane. Ite lana ite pulu kesua elio ane ina poloungon batne ke Ida Tapolngon. Osep ka isak lana isak ke osep leklou tidue langane kesua isak Ida Tapolngon ila osep e tile iye.

1 Jon 5:18

Iteile omur langane. Osep ka isak Ida Tapolngon ila osep tidue elio epmes ina aling aling kovok. Kesua Ida Tapolngon Otno Arang kis isak e plau isak itau e Satan karanga due elio soulu ke isak kovok.

1 Jon 5:4

Osep ka isak Ida Tapolngon ila osep timole elio bitna bitna ka taklak ina. Aitno lite ila dagar mole elio bitna bitna ka taklak ina.

1 Jon 5:5

Osep seisei timole elio bitna bitna ka taklak ina? Osep ka aitno lisak dagar ke Yesus e tile iye Ida Tapolngon Otno Arang isak osep ka timole elio bitna bitna ka taklak ina.