1 Jon 4:7 - Aria New Testament

⁷ Sipmi. Ngong lana ngong ke umu e ngawai langane. Ite lana ite pulu kesua elio ane ina poloungon batne ke Ida Tapolngon. Osep ka isak lana isak ke osep leklou tidue langane kesua isak Ida Tapolngon ila osep e tile iye.

1 Jon 4:7 ပူးပေါင်းရင်းမြစ်များ

Jon 13:34

Ngakar pelengon dagar oku ina ke umu langane. Ma umu lana umu pulu. Eriar langka ngong lana ngong ke umu io umu lana umu pulu.

Jon 17:3

E mosongon ka dong vala dong langane. Osep tile wom ka Inarak Tapolngon ka lokono e ka kene vala e tile ngong Yesus Krais ka ampagei ngong ngame.

1 Korin 8:3

E langka gute gesa lana iye ke Ida Tapolngon are Ida Tapolngon ile itau ke gute tonari aitno.

2 Korin 4:6

Ke oglou Ida Tapolngon wai langane. “Ma esluk polou bublo airavu ke aivoro.” Ida Tapolngon tona due esluk polou bublo ke aitno limi ma imeile omur ke Ida Tapolngon ila bublongon ka bublo ke Yesus Krais bitna.

Galesia 4:9

E eknikane umeile Ida Tapolngon kodong. Koke wan ka itau Ida Tapolngon ile umu kodong. Deka umawaiki umeiding ke wan ka tapolngon yakngan ka urok arit kovok blang i? E umawaiki umodong langka wokboi nating ke isak blang?

Galesia 5:22

E Ano Itau sruk aitno lite ma itodue elio itau langane. Ite lana ite ke sudo lelkou e aitno lite neser kap sudo e aitno lite epen pulu e aitno lite epis alo ka wan polou ka opru ite. E itodue mada ke osep leklou e itodue elio itau ke isak e itawai deka itedidi udo pelengon.

2 Timoti 1:7

Emile omur Ida Tapolngon tuktuk Ano Itau me dong ke aitno lite. E ila arit due aitno lite ma itoulou tarna lite ke wan bitna bitna kovok. E ila arit due aitno lite ma ite lana ite ke osep leklou e itaplau ite itau.

1 Pita 1:22

Umedidi pelengon ka lokono e Ida Tapolngon due lumu elio epmes ina noklok la deka umodong itau lokono. E aitno lumu omba e umu lana umu lokono ke Ida Tapolngon ila osua. E ngawaiki umu lana umu omba ke isak.

1 Jon 2:10

Gute ka iye lana iye ke iye sisrok dong ke bublongon e iye due elio isuk isuk ka due iye gene ke elio epmes ina kovok.

1 Jon 2:29

Umeile omur Krais dong itau e osuk. E osep ka tidue elio isuk isuk ka itau tipolou Ida Tapolngon ila osep kodong.

1 Jon 2:3

Langka iteini Ida Tapolngon ila pelengon dagar ka iye kare ke ite deka ma iteile omur langane. Iteile iye.

1 Jon 2:4

Langka gute gesa wai langane. “Ngaile iye.” E dau iye ini ila pelengon dagar kovok iye gute yakngan ina e pelengon ka lokono dong ke iye kovok.

1 Jon 2:7

Lou saten. Ngong lana ngong ke umu e ngawai langane. Ngasogo pelengon dagar oku ina ke umu kovok. Aurou. Pelengon dagar ane pelengon dagar ka umeile ine kodong.

1 Jon 3:9

Gute gesa ka Ida Tapolngon due polou ila gute due elio epmes ina aling aling kovok. Kesua Ida Tapolngon ila elio dong ke iye kodong e iye karanga due elio epmes ina aling aling kovok kesua iye Ida Tapolngon ila gute.

1 Jon 4:11

Sipmi. Ngong lana ngong ke umu e ngawai ke umu langane. Ma ite lana ite ke osep leklou kesua Ida Tapolngon lana iye omba ke ite.

1 Jon 4:12

Gute gesa vati Ida Tapolngon kovok. E langka ite lana ite pulu Ida Tapolngon dong kap ite e elio ka iye lana iye ke osep polou dagar ke aitno lite.

1 Jon 4:16

Deka iteile Ida Tapolngon lana iye ke ite e aitno lite dong dagar ine. Aling aling Ida Tapolngon lana iye ke osep. E osep ka isak lana isak ke osep leklou tidong kap Ida Tapolngon e iye dong kap isak.

1 Jon 4:20

Langka gute gesa wai langane. “Ngong lana ngong ke Ida Tapolngon.” E dau iye lana iye ke ila aten kovok deka iye gute yakngan ina. Kesua langka iye lana iye kovok ke ila aten ka iye karanga vati lange ma iye karanga lana iye ke Ida Tapolngon ka iye karanga vati kovok? Aurou.

1 Jon 4:8

Gute ka iye lana iye ke osep leklou kovok iye ile Ida Tapolngon kovok kesua Ida Tapolngon ila elio langane. Iye lana iye ke osep.

1 Jon 5:1

Osep ka aitno lisak dagar ke elio ka Yesus iye gute Krais ka Ida Tapolngon rere ma iye lua osep ke urok elio epmes ina isak Ida Tapolngon ila osep. E osep ka isak lana isak ke gute timla isak lana isak ke gute tonari blang.

2 Jon 1:5

Aiya. Ngawai dagar ke wom langane. Ite lana ite pulu. E pelengon dagar ka ngasogo ane iye pelengon dagar oku ina kovok. Aurou. Pelengon dagar ane pelengon dagar ka iteklingen ine kodong ke oglou lila me ke oku ane.