1 Jon 4:17 - Aria New Testament

¹⁷ Ite lana ite ke osep leklou deka elio tonari res polou omba ke ite. Deka alo ka Ida Tapolngon wade osep ka pula keniye urok elio ma itelim ine kovok. Kesua iteile alo ka itodong ke taklak itodue elio eriar langka Krais due.

1 Jon 4:17 ပူးပေါင်းရင်းမြစ်များ

Matyu 10:15

Ngawai lokono ke umu. Ke oklou ka Ida Tapolngon wade osep ka pula keniye ine armok tonari ila ulesngen ma mole armok orwo Sodom e Gomora urok ules-ngen.”

Matyu 10:25

Langka osep disaipel urok elio eriar langka urok parere-ngen are itau e langka osep ka wokboi nating urok elio eriar langka inarak puda are itau blang. Langka osep tisir ngong Belsebul ma tiwai langane ke umu blang.”

Matyu 11:22

Ngawai lokono ke umu. Ke oklou ka Ida Tapolngon wade osep ka pula keniye urok elio ine lumu ulesngen ma mole osep Tair ina e osep Saidon ina urok ulesngen.

Matyu 11:24

Ngawai lokono ke umu. Ke oklou ka Ida Tapolngon wade osep ka pula keniye urok elio ine ma lem ulesngen mole osep Sodom ina urok ulesngen.”

Matyu 12:36

Ngawai lokono ke umu langane. Ke oklou ka Ida Tapolngon wade osep ka pula keniye ine iye ma wade isak ke pelengon ulik ulik keniye ka tiwai ka due pogle ke osep.

Jon 15:20

Omtomu sisir lou pelengon ka ngawai ke umu langane. Gute bokongon ina mole ina puda kovok. Langka osep taklak ina tidue agegeng ke ngong ma tidue agegeng ke umu blang. E langka tididi lou pelengon ma tididi lumu pelengon blang.

Jon 17:22

Lou elio itau lokono e lou arit ka omba ka amkare ke ngong ngakare ke isak ma aitno lisak karanga dong kene pulu eriar langka aitno lite dong kene pulu.

Pas ka Pol sogoe uti la ke osep Rom ina 8:29

Oglou ari Ida Tapolngon rere ite kodong ma itopolou eriar langka Otno Arang Yesus. Iye rere ite deka Yesus ina saiver ite e ida tovro iye.

Hibru 9:27

Itosep ka pula keniye ma itemete aling kene vala. Deka ma Ida Tapolngon wade udo elio isuk isuk.

Jems 2:13

Deka langane. Langka aitno lite due osep leklou kovok deka alo ka Ida Tapolngon wade ite ma aitno due ite kovok blang. Elio ka aitno lite due osep mole elio ka itawade osep.

Jems 2:22

Aitno lumu mter itau. Abraham aitno dagar ke Ida Tapolngon e iye due elio itau blang. Deka ila elio ka iye due nepir ke aitno ila dagar.

2 Pita 2:9

Deka iteile omur langane. Ida Puda karanga lua osep ka tidue elio isuk isuk ka itau ma tikos ke elio ka opru isak. E silang blang iye karanga ules osep epmes ina la lama iding ke oklou ka Ida Tapolngon ma wade osep ka pula keniye ine.

2 Pita 3:7

E eknikane Ida Tapolngon para ma iye due taklak e sirva ka dau dong tipolou yagos. Mase ma iye wade osep ka pula keniye e due agegeng ke osep ka tipul dogur ke iye. Deka alo ari iye ma wai e eiou ma ngen taklak e sirva yagos la.

1 Jon 2:28

Deka dirgu umodong kap Krais ma alo ka iye polou malak umodong dagar ke iye e umu mnak umu ke bitna kovok.

1 Jon 2:5

E langka gute ini ila pelengon deka elio ka iye lana iye ke Ida Tapolngon polou lokono lokono kodong. Langka itodue elio langane deka iteile omur itodong kap iye.

1 Jon 2:6

Gute gesa ka wai iye dong kap Ida Tapolngon io wan ka itau ma iye due elio isuk isuk langka Yesus due alo ka iye dong ke taklak.

1 Jon 3:1

Umoklingen. Pmada lana iye ke ite omba deka sir ite titno. E lokono ite Ida Tapolngon titno ite. Osep ka taklak ina tile Ida Tapolngon kovok e ke batne langane tile ite blang kovok.

1 Jon 3:3

Osep keniye ka tipara ke alo ka Krais iding me ma tidong itau lokono vala e tidue elio epmes ina kovok langka Krais dong itau lokono e due elio epmes ina kovok.

1 Jon 3:7

Lou mimi daudeng. Umaplau umu itau lama osep tiyak umu. Gute ka aling aling iye due elio ka itau e osuk vala dong itau e iye dong osuk ke Ida Tapolngon bitna eriar langka Krais dong itau e osuk.

1 Jon 4:12

Gute gesa vati Ida Tapolngon kovok. E langka ite lana ite pulu Ida Tapolngon dong kap ite e elio ka iye lana iye ke osep polou dagar ke aitno lite.