1 Jon 4:16 - Aria New Testament

¹⁶ Deka iteile Ida Tapolngon lana iye ke ite e aitno lite dong dagar ine. Aling aling Ida Tapolngon lana iye ke osep. E osep ka isak lana isak ke osep leklou tidong kap Ida Tapolngon e iye dong kap isak.

1 Jon 4:16 ပူးပေါင်းရင်းမြစ်များ

Jon 6:69

E aitno limi dagar e imeile itau wom gute itau lokono ka Ida Tapolngon pagei me ke osep.”

Jon 9:3

E Yesus koli wai ke isak langane. “Gute ane bitna evin batne iye due elio epmes ina koke tna koke timla tidue elio epmes ina kovok. Aurou. Wan ka polou ke iye polou batne ma osep tivati elio arit ina ka Ida Tapolngon kene vala karanga due.

1 Korin 2:9

Imawai ke pelengon ane ka Ida Tapolngon ila pelengon wai ine langane. “Wan ka oglou osep tivati kovok e tiklingen pelengon ine kovok e ka polou ke osep aitno lisak kovok isak wan itau lokono. Ida Tapolngon rere isak ke osep ka isak lana isak ke iye ma urok wan.”

1 Jon 3:1

Umoklingen. Pmada lana iye ke ite omba deka sir ite titno. E lokono ite Ida Tapolngon titno ite. Osep ka taklak ina tile Ida Tapolngon kovok e ke batne langane tile ite blang kovok.

1 Jon 3:16

Yesus lana iye ke ite e pli tarna deka mete ma lua ite. E ila elio tonari nis ite ke elio ka ma ite lana ite ke sudo. Ma itepli tarna lite ma itolua osep leklou.

1 Jon 3:24

Osep ka pula keniye ka tini ke ila pelengon tidong kap iye e iye dong ke aitno lisak. E iye kar Ano Itau ke ite ma iteile omur iye dong ke aitno lite.

1 Jon 4:7

Sipmi. Ngong lana ngong ke umu e ngawai langane. Ite lana ite pulu kesua elio ane ina poloungon batne ke Ida Tapolngon. Osep ka isak lana isak ke osep leklou tidue langane kesua isak Ida Tapolngon ila osep e tile iye.