1 Jon 4:12 - Aria New Testament

¹² Gute gesa vati Ida Tapolngon kovok. E langka ite lana ite pulu Ida Tapolngon dong kap ite e elio ka iye lana iye ke osep polou dagar ke aitno lite.

1 Jon 4:12 ပူးပေါင်းရင်းမြစ်များ

Jon 1:18

Gute kene vati Ida Tapolngon kovok e dau Otno Arang nis ite malak ke iye ma iteile omur ke iye. Otno Arang tonari iye kene vala e iye dong olwo boto ke Ida Tapolngon e iye Ida Tapolngon blang.

1 Korin 13:13

E eknikane elio eklu tidong. Elio ka aitno lite ila dagar dong dagar ke Ida Tapolngon e elio ka itapara ke Ida Tapolngon ma iye due elio itau ke ite e elio ka ite lana ite ke osep leklou. Elio eklu tonari tidong vala. E elio ka mgongon lokono iye elio ka ite lana ite ke osep leklou.

1 Timoti 1:17

Ida Tapolngon plau omur ka pula keniye dong vala dong e iye mete kovok. Iye ano e itakaranga itavati iye kovok. Iye kene vala Ida Tapolngon lokono. Deka aling aling ma itakakai angaine dong mgo ke wan ka pula keniye. Lokono.

1 Timoti 6:16

Iye kene vala dong oglou lila me e iye karanga mete kovok. Iye dong ke bublungon ka ombatno lokono e itakaranga itala olwo ke iye kovok. Ke oglou gute gesa vati iye kovok. E eknikane blang gute gesa karanga vati iye kovok. Deka aling aling ite ka pula keniye ma itakakai angaine e ma ila arit ka ombatno lokono dong. Lokono.

Hibru 11:27

Moses aitno dagar ke Ida Tapolngon deka iye songon omur Isip la. E iye ulou ke gute ka vri mgo ke omur Isip ka aitno engil ke iye kovok. E langane. Itosep itakaranga itavati Ida Tapolngon kovok e dau Moses dong dagar langka iye karanga vati iye.

1 Jon 2:5

E langka gute ini ila pelengon deka elio ka iye lana iye ke Ida Tapolngon polou lokono lokono kodong. Langka itodue elio langane deka iteile omur itodong kap iye.

1 Jon 3:24

Osep ka pula keniye ka tini ke ila pelengon tidong kap iye e iye dong ke aitno lisak. E iye kar Ano Itau ke ite ma iteile omur iye dong ke aitno lite.

1 Jon 4:16

Deka iteile Ida Tapolngon lana iye ke ite e aitno lite dong dagar ine. Aling aling Ida Tapolngon lana iye ke osep. E osep ka isak lana isak ke osep leklou tidong kap Ida Tapolngon e iye dong kap isak.

1 Jon 4:20

Langka gute gesa wai langane. “Ngong lana ngong ke Ida Tapolngon.” E dau iye lana iye ke ila aten kovok deka iye gute yakngan ina. Kesua langka iye lana iye kovok ke ila aten ka iye karanga vati lange ma iye karanga lana iye ke Ida Tapolngon ka iye karanga vati kovok? Aurou.

1 Jon 4:6

E ite Ida Tapolngon ila osep ite. Gute ka ile Ida Tapolngon ma klingen udo pelengon e gute ka ile Ida Tapolngon kovok ma klingen udo pelengon kovok. Ke batne langane itakaranga iteile omur ke osep ka tididi Ano Itau ila pelengon e osep ka tididi osep napaprangan yakngan ina urok pelengon.