1 Jon 4:1 - Aria New Testament

¹ Sipmi. Ngong lana ngong ke umu e ngawai ke umu langane. Osep napaprangan yakngan ina tidong ke taklak. E langka gute gesa wai ke umu langane. “Ngawai ke Ano Itau ila pelengon.” Deka umawade ila pelengon ma umeile omur langka ila pelengon ka iye wai batne ke Ida Tapolngon koke aurou.

1 Jon 4:1 ပူးပေါင်းရင်းမြစ်များ

Mak 13:21

“Deka ke taim tonari ma osep tiwai langane. ‘Osep umoklingen. Gute ka Ida Tapolngon rere Krais ma iye lua osep iye dong are.’ Koke ma tiwai langane. ‘Osep umoklingen. Gute ka Ida Tapolngon rere Krais iye vri ari.’ Alo ka osep tiwai langane aitno lumu la dagar ke urok pelengon sakam.

Luk 12:57

“Ina lange umawade elio ka itau e osuk ke umu tona kovok?

Luk 21:8

E Yesus koli wai ke isak langane. “Umaplau umu itau lama osep tiyak umu. Kesua osep pula ma time e tisir angain ngong e tiwai langane. ‘Ngong tona gute Krais.’ E osep leklou ma tiwai langane. ‘Alo ka Krais iding me isuk boto polou.’ E umedidi urok pelengon sakam.

Aposel 17:11

Osep Yuda ina ka tidong ke Beria urok elio mole osep Yuda ina ka tidong ke Tesalonaika urok elio. Kesua tiklingen Ida Tapolngon ila pelengon deka tikis dagar lokono ine. Ari oklou aling aling tiklingen Pol orwo Sailas urok pelengon e tiwade kap Ida Tapolngon ila pelengon ma tile omur urok pelengon lokono koke aurou.

Aposel 20:29

Ngaile ma ngala deka ma osep leklou ka isak osep soulu bitna ma time e tiyak umu. Tiyak umu ma tidue pogle ke umu eriar langka gemle kevena tipupru sipsip deka tingen isak.

1 Korin 12:10

E gute silang due arit ma iye due elio arit ina ine. E Ano Itau kere gute silang ma iye napapra Ida Tapolngon ila pelengon ke osep. E gute silang due ilengen ma wade langka kerengen gesa polou ke Ano Itau koke aurou. E gute silang due ilengen ma iye wai tokples ka iye ile ine kovok. E gute silang due ilengen ma iye bauluk tokples tonari.

1 Korin 14:29

E ma osep orwo koke eklu tinapapra Ida Tapolngon ila pelengon ke osep pula. E osep leklou ma tiwade urok pelengon.

1 Tesalonaika 5:20

E langka Ida Tapolngon kar pelengon ke osep deka umepli urok pelengon kovok.

1 Tesalonaika 5:21

E umawade itau ke elio bitna bitna e pelengon bitna bitna ma umeile omur langka wan tonari itau koke aurou. E umodue wan ka itau vala.

2 Tesalonaika 2:2

Langka osep leklou tiwai Ida Puda ila oklou polou kodong aitno lumu la ke urok pelengon kovok. E anmu nesik sakam. Langka tiwai Ano Itau nis isak ine aitno lumu la ine kovok. Koke tiwai langka imawai ine koke imosogo pas ine aitno lumu la ine kovok.

1 Timoti 4:1

Ano Itau wai malak langane. Ke taim ka mase ma polou osep leklou ma tisongon aitno lisak ila dagar. Deka ma tiklingen ke ano ka yakngan ina e ma tididi angelo soulu urok pelengon.

2 Timoti 3:13

E osep soulu bitna e osep yakngan ina ma urok elio soulu res polou omba. E tiyak osep leklou e Satan yak isak.

2 Pita 2:1

E oglou osep napaprangan yakngan ina tidong kap osep Israel ina. E eriar langane osep parerengen yakngan ina ma tipolou ke umu blang e tibisi urok pelengon yakngan e tiwaiki tinak umu ma umedidi urok pelengon. Tiwaiki urok pelengon yakngan due pogle ke aitno lumu ila dagar. E tipul dogur ke Ida Puda ka kli urok elio epmes ina deka suong ma Ida Tapolngon koli urok elio soulu e due agegeng ke isak.

1 Jon 2:18

Dirgu ngawai ke umu langane. Isuk boto wan ka pula keniye ina yagosngon ma polou. Umoklingen kodong Krais ina oul kene ina ma polou e oku ane osep pula ka isak Krais ina oul tipolou kodong. Elio ane langka nisngen ke wan ka pula keniye isuk boto yagos.

1 Jon 2:7

Lou saten. Ngong lana ngong ke umu e ngawai langane. Ngasogo pelengon dagar oku ina ke umu kovok. Aurou. Pelengon dagar ane pelengon dagar ka umeile ine kodong.

2 Jon 1:7

Osep yakngan ina pula isak kla ke omur ka pula keniye ke taklak e tiwai langane. “Yesus Krais me polou langka itosep kovok.” Osep ka tiwai langane isak osep yakngan ina e isak Krais ina oul.

3 Jon 1:11

Lou aten ka ngong lana ngong ke wom. Amkana elio soulu kovok. Aurou. Amkana elio itau vala. Kesua gute ka due elio itau vala iye Ida Tapolngon ila gute e gute ka due elio soulu iye ile Ida Tapolngon kovok.

Pelengon kukwopngon 2:2

‘Ngaile kodong ke lumu elio ka umodue e ke lumu bokongon engil e ngaile umodong dagar ke wan ka opru umu e aitno lumu itau ke osep ka tidue elio soulu kovok. Osep tonari tiwai lumu langane. “Imi blang imi osep aposel.” E isak osep aposel kovok. E umawade urok pelengon kodong deka umeile omur ine langane. Isak osep yakngan ina vala.