1 Jon 3:20 - Aria New Testament

²⁰ E langka aitno lite waiki mulu ite ke elio gesa deka aitno lite mtong ine vala. Aitno lite mtong ine kesua Ida Tapolngon ile wan ka pula keniye ka itodue e iye mole aitno lite.

1 Jon 3:20 ပူးပေါင်းရင်းမြစ်များ

Jon 21:17

Deka Yesus pmi iye aling eklu ina langane. “Saimon wom ka Jon otno arang wom lana wom ke ngong?” E Pita aitno soulu kesua iye pmi iye aling eklu ina langane. “Wom lana wom ke ngong?” E Pita koli wai langane. “Ee. Ngau Puda emile wan ka pula keniye e emile ngong lana ngong ke wom.” Deka Yesus wai ke iye langane. “Emkere lou osep ka isak langka sipsip itau.”

Jon 8:9

Alo ka osep tiklingen Yesus ila pelengon isak kensak kensak kla. E osep namormor isak kla mgo deka osep leklou isak kla blang la lama Yesus vala dong e apmang dau vri are.

Aposel 5:33

Tiklingen osep aposel urok pelengon deka aitno lisak nevlik omba e aitno lisak amnga ke isak. Deka tiwaiki tidue burwa ke isak.

Pas ka Pol sogoe uti la ke osep Rom ina 8:34

Ma sinngen elio keniye tibure vala. Kesua Yesus Krais mete e kasip amunte kodong. Ari Ida Tapolngon due poga tito ke ina denga deka eknikane iye lua ite e dong ke Ida Tapolngon limla odung e loulou ke ite.

1 Korin 4:4

E ngaile lou elio soulu gesa ka vri ke ngong kovok. E dau ngakaranga ngawai langane kovok. “Ngong gute itau.” Bokongon ka wade ngong ane Ida Puda ila bokongon vala.

Taitus 3:11

Umo-due elio langane kesua iye ile kodong iye songon elio itau e due elio epmes ina vala. E ila elio epmes ina nisngen ke iye tona.

Hibru 4:13

Ida Tapolngon tapol wan ka pula keniye deka wan gesa dong ka karanga kukwop ke iye kovok. Wan ka pula keniye dong malak ke bitna e mase ma itawai ke iye ke elio isuk isuk ka itodue kodong.

Hibru 6:13

Oglou ari Ida Tapolngon wai promis ke Abraham ke iye tona angaine. Kesua gute gesa dong ka mole iye ka iye karanga wai promis ke angaine kovok. Deka iye wai ke Abraham ke angaine vala.

1 Jon 3:19

Langka ite lana ite ke sudo deka iteile omur ite Ida Tapolngon ila osep lokono. Iteile itodong itau ke Ida Tapolngon bitna deka aitno lite mtong ine.

1 Jon 3:21

Sipmi ka ngong lana ngong ke umu. Langka aitno lite mulu ite kovok deka itakaranga itodong ke Ida Tapolngon bitna e itelim kovok.

1 Jon 4:4

Lou mimi daudeng. Umu Ida Tapolngon ila osep e umomole osep napaprangan yakngan ina kodong. Kesua Ano Itau ka dong ke aitno lumu mole ano ka dong ke osep ka taklak ina.

Pelengon kukwopngon 2:23

E osep ka tididi iye ma ngamluk isak ma timete. Deka sios ka pula keniye ma tile omur langane. Ngakaranga ngawade osep ka pula keniye aitno lisak. E ngakoli batne ke umu kenmu kenmu karanga ke elio ka umodue.”