1 Jon 3:2 - Aria New Testament

² Lou saten. Ngong lana ngong ke umu e ngawai ke umu langane. Oku ane ite Ida Tapolngon titno. E iteile mase ma itodong langka wansua kovok e dau iteile langane. Alo ka Krais me polou ma itodong eriar langka iye kesua ma itavati iye malak deka ma iteile omur ke iye.

1 Jon 3:2 ပူးပေါင်းရင်းမြစ်များ

Matyu 5:8

“Osep ka aitno lisak la ke Ida Tapolngon vala aitno lisak itau itau kesua ma tivati Ida Tapolngon.

Luk 17:30

E elio eriar langane ma dong alo ka Gute Ka Polou Langka Osep ma polou malak ke osep amtarsak.

Luk 20:36

E tikaranga timete blang kovok kesua tidong langka Ida Tapolngon ila ensel. Isak Ida Tapolngon titno kesua iye due isak tipoga titito ke inarak denga.

Jon 1:12

E dau osep ka aitno lisak dagar ke iye e tidue io iye kar isak arit ma tikaranga tipolou Ida Tapolngon titno.

Jon 11:52

E iye mete ke osep Yuda ina vala kovok. Aurou. Iye mete ke Ida Tapolngon ila osep keniye ka tidong ke omur omur. Ma iye due isak tipolou osua kene vala.

Jon 17:24

“Livou ngawaiki osep ka amkar isak ke ngong ma tidong kap ngong ke omur ka ngadong ine. Ma tivati lou elio itau lokono e lou arit ka omba ka amkare ke ngong. Kesua wom lana wom ke ngong mgo ke alo ka amtapol wan ka pula keniye ke taklak.

Pas ka Pol sogoe uti la ke osep Rom ina 8:16

Ite kente kente itesir Ida Tapolngon Livou kesua ite titno ite. E Ano Itau ka dong ke aitno lite kodong wai ke ite kente kente ine blang langane. “Wom Ida Tapolngon otno gesa.”

Pas ka Pol sogoe uti la ke osep Rom ina 8:18

E ngaile agegeng ka polou ke ite batne aitno lite la dagar ke Yesus isak wan gesa kovok. Kesua ma itodong itau lokono kap Ida Tapolngon ke omur heven. Deka ari ma udo mosongon dong itau lokono.

Pas ka Pol sogoe uti la ke osep Rom ina 8:19

Eknikane Ida Tapolngon ila duengen keniye dong e para ke alo ka iye nis osep ka pula keniye ke osep ka isak Ida Tapolngon titno.

Pas ka Pol sogoe uti la ke osep Rom ina 8:29

Oglou ari Ida Tapolngon rere ite kodong ma itopolou eriar langka Otno Arang Yesus. Iye rere ite deka Yesus ina saiver ite e ida tovro iye.

1 Korin 13:12

E eknikane iteile emkil emkil ke Ida Tapolngon ila elio. Eriar langka itavati amtada ke glas ka itavati ite malak ine kovok e itavati langka rurut. E mase ma ite e Ida Tapolngon itavati amtada pulu e ma iteile lokono ke iye eriar langka eknikane iye ile ke ite.

1 Korin 15:49

E eknikane itodong eriar langka gute taklak ina. E mase ma itodong eriar langka gute omur heven ina.

1 Korin 2:9

Imawai ke pelengon ane ka Ida Tapolngon ila pelengon wai ine langane. “Wan ka oglou osep tivati kovok e tiklingen pelengon ine kovok e ka polou ke osep aitno lisak kovok isak wan itau lokono. Ida Tapolngon rere isak ke osep ka isak lana isak ke iye ma urok wan.”

2 Korin 3:18

E wan gesa kading ite keniye amtada kovok deka Ida Puda ila bublongon polou ke ite e itopolou langka glas ka osep tikaranga tivati Ida Puda ine. Deka aling aling itolumus itopolou nisngen ke Ida Puda. E Ida Puda iye Ano Itau.

2 Korin 4:17

Imeile elio ka polou ka opru imi tidong isuk boto vala e isak wan gesa kovok. Elio tonari kere imi ma imodue mosongon ka itau lokono ka dong vala dong. E mosongon tonari mole wan ka pula keniye.

Galesia 3:26

Umu ka pula keniye aitno lumu dagar ke Krais Yesus e umeneklep ke iye e ke elio langane umopolou Ida Tapolngon titno.

Galesia 4:6

Eknikane umodong Ida Tapolngon titno. E Ida Tapolngon pagei Otno Arang Ano Itau me dong ke aitno lite deka Ano Itau due ite ma itegi langane. “Abo. Livou.”

Filipai 3:21

Alo ari iye ma due pampamu lite ka tikaranga timete tilumus tipolou itau lokono langka pampamu ine ka itau lokono. Iye karanga due langane kesua iye didi ila arit ka iye karanga plau wan ka pula keniye ine.

Kolosi 3:4

Krais iye lumu mosongon itau batne e mase alo ka iye polou malak ke osep amtarsak umu blang ma umodong kap iye ke ila bublongon.

Hibru 9:28

Krais mete langka wan ka osep tidue elio opmu ina ine aling kene vala. Deka ma iye polou aling silang blang ma kli udo elio epmes ina aling silang blang kovok. Aurou. Iye ma iding e lua osep ka tipara ke iye.

2 Pita 1:4

Iye due langane deka kar ila kerengen ka omba lokono e ka ina klingen ombatno ka iye wai promis ine kodong ke ite. Iye kar ila kerengen ke ite ma itokos ke elio soulu bitna bitna ka taklak ane ina ka waiki pagolgol aitno lite. E ma itodong kap iye e itodong itau lokono langka iye dong itau lokono.

1 Jon 2:28

Deka dirgu umodong kap Krais ma alo ka iye polou malak umodong dagar ke iye e umu mnak umu ke bitna kovok.

1 Jon 2:7

Lou saten. Ngong lana ngong ke umu e ngawai langane. Ngasogo pelengon dagar oku ina ke umu kovok. Aurou. Pelengon dagar ane pelengon dagar ka umeile ine kodong.

1 Jon 3:1

Umoklingen. Pmada lana iye ke ite omba deka sir ite titno. E lokono ite Ida Tapolngon titno ite. Osep ka taklak ina tile Ida Tapolngon kovok e ke batne langane tile ite blang kovok.

1 Jon 3:10

Ke batne langane itakaranga iteile osep seisei isak Ida Tapolngon ila osep e osep seisei isak Satan ila osep. Osep ka aling aling tidue elio itau e osuk kovok isak Ida Tapolngon ila osep kovok. E silang blang osep ka isak lana isak ke sisrok kovok isak Ida Tapolngon ila osep kovok blang.

1 Jon 3:21

Sipmi ka ngong lana ngong ke umu. Langka aitno lite mulu ite kovok deka itakaranga itodong ke Ida Tapolngon bitna e itelim kovok.

1 Jon 5:1

Osep ka aitno lisak dagar ke elio ka Yesus iye gute Krais ka Ida Tapolngon rere ma iye lua osep ke urok elio epmes ina isak Ida Tapolngon ila osep. E osep ka isak lana isak ke gute timla isak lana isak ke gute tonari blang.

Pelengon kukwopngon 2:28

E silang blang ma ngakar iye gigimo marupo langka nisngen ke elio ka iye mole elio soulu.

Pelengon kukwopngon 22:4

E ma tivati Ida Tapolngon bitna e angaine dong ke bara lisak.