1 Jon 3:18 - Aria New Testament

¹⁸ Lou mimi daudeng. Itawai ite lana ite ke osep leklou vala kovok. Aurou. Ite lana ite ke osep ke elio isuk isuk ka itodue e ke pelengon ka lokono.

1 Jon 3:18 ပူးပေါင်းရင်းမြစ်များ

Luk 7:5

Kesua iye lana iye ke ite osep Israel ina e iye due osep tiuri limem duningen ina ninu.”

Jon 17:19

E ngarere ngong tona ma ngadue lem bokongon e ngadidi lem pelengon ma ngakaranga ngalua isak. Ngadue langane ma tikaranga tidue lem bokongon e tididi lem pelengon ka lokono vala.”

Pas ka Pol sogoe uti la ke osep Rom ina 12:9

Umu lana umu ke osep leklou e umayak ine sakam. Ma aitno lumu itau lokono ke isak. E ma umekis dagar ke elio ka itau vala e umopul dogur ke elio soulu bitna bitna.

Galesia 5:13

Sipmi. Ida Tapolngon gi umu ma umodong fri. E aitno lumu mter langane kovok. Imi imodong fri e imakaranga imedidi aitno limi ke elio oglou ina. Aurou. Ma aitno lumu mter langane. Imi kenmi kenmi imodong wokboi nating ke Ida Tapolngon ila osep leklou e ma imi lana imi ke isak.

Efesus 4:15

Deka ma ite lana ite ke osep e itawai pelengon lokono ke osep keniye. Langka itodue elio langane ma itopolou dagar lokono ke Krais ila elio keniye. Itodong langka Krais pampamu ine e iye dong langka otuk lite ka mgo ke ite.

1 Tesalonaika 1:3

Aitno limi langane. Imawai itau ke Ida Tapolngon ka Pmada kesua aitno lumu ila dagar sruk aitno lumu deka umodue elio itau. E umu lana umu ke osep ka pula keniye deka umoboko dagar ma umolua osep. E umapara ke Ida Puda Yesus Krais ma iye iding me.

1 Pita 1:22

Umedidi pelengon ka lokono e Ida Tapolngon due lumu elio epmes ina noklok la deka umodong itau lokono. E aitno lumu omba e umu lana umu lokono ke Ida Tapolngon ila osua. E ngawaiki umu lana umu omba ke isak.

1 Jon 2:1

Lou mimi daudeng. Ngasogo pas ane uti ke umu ma umodue elio epmes ina kovok. E dau langka gute gesa due elio epmes ina gute dong ka loulou ke ite ke Pmada. Iye Yesus Krais ka ila elio itau e osuk.

1 Jon 3:7

Lou mimi daudeng. Umaplau umu itau lama osep tiyak umu. Gute ka aling aling iye due elio ka itau e osuk vala dong itau e iye dong osuk ke Ida Tapolngon bitna eriar langka Krais dong itau e osuk.

2 Jon 1:1

Ngong gute ka ngaplau Ida Tapolngon ila osep e ngasogo pas ane uti ke wom apmang ka Ida Tapolngon rere wom ila apmang e ngasogoe uti ke titim blang. Ngawai lokono langane. Ngong lana ngong ke wom. E osep leklou ka tile pelengon lokono isak lana isak ke wom blang.

3 Jon 1:1

Ngong gute kene ka ngaplau Ida Tapolngon ila osep e ngasogo pas ane uti ke wom Gaius. Wom lou aten e silang blang wom langka erigu e ngong lana ngong ke wom lokono.