1 Jon 3:15 - Aria New Testament

¹⁵ Gute gesa ka aitno soulu e engil ke iye sisrok iye langka gute ka due burwa. E umeile gute ka due burwa ke gute silang iye due mosongon ka dong vala dong kovok.

1 Jon 3:15 ပူးပေါင်းရင်းမြစ်များ

Matyu 5:28

E eknikane ngawai ke umu langane. Langka gute palem apmang e aitno mter iye waiki due elio kap iye deka iye due okwa kap apmang ke aitno kodong.

Mak 6:19

Deka oklou aling aling apmang Herodias aitno dong engil ke Jon e iye waiki due burwa ke iye ma iye mete. E iye karanga ine kovok.

Jon 4:14

E gute sei ka inim aki ka ngakare ke iye ma aki vel iye blang kovok. Aurou. Aki ka ngakare ke iye ma dong langka aki ina ovuk ka polou ke aitno ka kar iye mosongon ka dong vala dong.”

Jon 8:44

Umopolou ke pmomu Satan e umawaiki umedidi pmomu aitno vala. Ke oglou lila me ke eknikane ila aiding iye gute ka due burwa e iye kis pelengon lokono kovok kesua pelengon lokono dong ke iye kovok. Alo ka iye wai pelengon yakngan iye didi ila aiding vala kesua iye gute yakngan ina e iye pelengon yakngan batne.

Aposel 23:12

Oklou silang osep Yuda ina leklou tilalo pelengon pulu e tiwai promis dagar pulu langane. “Itepli ida ngangon e ida aki la lama itodue burwa ke Pol.”

Aposel 23:14

Deka isak kla tipolou ke osep loulou ina ka omba e osep namormor e tiwai langane. “Imi ane imawai dagar lokono ma imepli ipem ngangon la lama imodue burwa ke Pol.

Jems 1:15

Langka itawaiki itedidi aitno lite oglou ina e itodue elio soulu deka itodue elio epmes ina e elio epmes ina due metengen polou ke ite.

1 Pita 1:23

Umopolou osep oku ina langka mimi edimor batne ke Ida Tapolngon ila pelengon ka umoklingen ine. Ngawai pelengon ano langane. Langka osep tiser wit londo ke yage io londo tonari karanga polou okus. E Ida Tapolngon ila pelengon langka londo ka karanga polou okus kovok. Aurou. E mosongon dong ine e ina yagosngon kovok.

1 Jon 2:11

E gute ka aitno engil ke iye sisrok dong ke aivoro e lila ke aivoro. E iye ile itau ke omur ka iye la ine kovok kesua iye dong ke aivoro e dong langka bitna evin.

1 Jon 2:9

Langka gute gesa wai lang-ane. “Ngadong ke bublongon.” E dau aitno engil ke iye sisrok iye dau dong ke aivoro.

Pelengon kukwopngon 21:8

“E osep ka tilim ke wan bitna bitna koke osep ka tisongon aitno lisak ila dagar isak blang kla ke eiou ombatno. E osep ka tidue elio epmes ina bitna bitna ka soulo lokono e osep ka tipagam osep isak blang kla ke eiou ombatno. E osep ka tidue elio isungon e osep muso ina isak blang kla ke eiou ombatno. E osep ka tilotuim sapingen e osep yakngan ina isak blang kla ke eiou ombatno. Eiou ombatno tonari engil lokono e opmu salfa ka eiou ngene dong ine blang. Eiou tonari metengen orwo ina.”