1 Jon 3:14 - Aria New Testament

¹⁴ Oglou itodong langka osep ka timete e oku ane itodong ke mosongon ka dong vala dong. E iteile itodong ke mosongon tonari kesua ite lana ite ke Ida Tapolngon ila osep. E osep ka isak lana isak ke osep leklou kovok isak dau tidong langka osep ka timete.

1 Jon 3:14 ပူးပေါင်းရင်းမြစ်များ

Matyu 25:40

Deka gute ka vri mgo ke omur ma koli wai ke isak langane. ‘Ngawai lokono ke umu. Alo ka umodue elio tonari ke osep ke lou osua lama angainsak daudeng e tidong moli ke osep leklou umodue ke ngong blang.’”

Luk 15:24

Aitno lite neser kesua erigu arang ane langka iye mete e eknikane iye dong blang. E iye imina e oku ane itapado iye blang.’ Deka tinogrum tiketir.”

Luk 15:32

E eknikane ngap aiver ka langka iye mete dong blang e iye langka imina e oku ane itapado iye blang. E ke batne langane wan ka itau itodue rogo e aitno lite neser.’”

Luk 7:5

Kesua iye lana iye ke ite osep Israel ina e iye due osep tiuri limem duningen ina ninu.”

Jon 13:35

Langka umu lana umu pulu deka osep ka pula keniye ma tile umu lou disaipel.”

Jon 15:12

Lou pelengon dagar ke umu langane. Umu lana umu pulu eriar langka ngong lana ngong ke umu.

Jon 15:17

Lou pelengon dagar ane. Umu kenmu kenmu lana umu pulu.”

Jon 5:24

“Ngawai lokono ke umu langane. Gute sei ka klingen lou pelengon e aitno la dagar ke Ida Tapolngon ka pagei ngong ngame iye due mosongon ka dong vala dong e Ida Tapolngon ma wade iye kovok. Aurou. Iye mole metengen kodong e due mosongon ka dong vala dong.

2 Korin 5:1

Iteile pampamu lite langka ninu molo ina. Langka ninu tonari polou yagos Ida Tapolngon ma kere ninu oku ina ke ite ka osep tiurie kovok. Ninu oku ina tonari dong vala dong ke omur heven.

Galesia 5:22

E Ano Itau sruk aitno lite ma itodue elio itau langane. Ite lana ite ke sudo lelkou e aitno lite neser kap sudo e aitno lite epen pulu e aitno lite epis alo ka wan polou ka opru ite. E itodue mada ke osep leklou e itodue elio itau ke isak e itawai deka itedidi udo pelengon.

Efesus 1:15

E langane. Ngaklingen ko-dong ke elio ka aitno lumu ila dagar la ke Ida Puda Yesus e ke elio ka umu lana umu ke Ida Tapolngon ila osep keniye.

Efesus 2:1

Oglou umeini Ida Tapolngon ila pelengon kovok e umodue elio epmes ina bitna bitna vala. Deka elio epmes ina tek umu ke Ida Tapolngon. E umodong langka osep ka angainsak timete kodong.

Efesus 2:5

Iye lana iye omba ke ite e alo ari talda klingen Ida Tapolngon ila pelengon kovok e udo elio epmes ina tek ite ke Ida Tapolngon. Deka itodong langka osep ka angainsak timete kodong. E dau Ida Tapolngon makai ite e lua ite ke udo elio epmes ina. Deka iye due ite itopoga itetito e itodong blang e iteneklep ke Krais.

Kolosi 1:4

Kesua imorwo imeklingen pelengon ke umu langane. Ime-klingen aitno lumu la dagar ke Krais Yesus e umu lana umu ke Ida Tapolngon ila osep ka pula keniye.

1 Tesalonaika 4:9

Ngong ma ngasogo pelengon silang blang ke umu ke elio ka umu lana umu ke supmu kovok. Kesua Ida Tapolngon parere umu kodong ke elio ka umu lana umu pulu.

Hibru 13:1

Umu Ida Tapolngon ila osep deka aling aling umu lana umu pulu.

1 Pita 1:22

Umedidi pelengon ka lokono e Ida Tapolngon due lumu elio epmes ina noklok la deka umodong itau lokono. E aitno lumu omba e umu lana umu lokono ke Ida Tapolngon ila osua. E ngawaiki umu lana umu omba ke isak.

1 Pita 3:8

Ngababrum lou pelengon langane. Ngawaiki aitno lumu kene pulu e aitno lumu itau ke osep leklou e umu lana umu ke supmu leklou. E umodue mada ke osep leklou e umepes umu tona.

2 Pita 1:7

Umodue mada ke lumu osua e umu lana umu ke osep.

1 Jon 2:3

Langka iteini Ida Tapolngon ila pelengon dagar ka iye kare ke ite deka ma iteile omur langane. Iteile iye.

1 Jon 3:23

E Ida Tapolngon ila pelengon dagar ka me ke ite langane. Aitno lite dagar ke Otno Arang Yesus Krais e ite lana ite pulu langka iye wai ine.

1 Jon 4:12

Gute gesa vati Ida Tapolngon kovok. E langka ite lana ite pulu Ida Tapolngon dong kap ite e elio ka iye lana iye ke osep polou dagar ke aitno lite.

1 Jon 5:13

Ngasogo pelengon ane uti ke umu ka aitno lumu dagar ke Ida Tapolngon Otno Arang ma umeile omur langane. Aitno lumu dagar ke iye deka umodue mosongon ka dong vala dong.

1 Jon 5:2

Langka ite lana ite ke Ida Tapolngon e iteini ila pelengon dagar deka elio tonari nisngen langane. Ite lana ite ke titno blang.