1 Jon 3:11 - Aria New Testament

¹¹ Oglou oglou ari lila me ke oku ane umoklingen pelengon ka langane. “Ma ite lana ite pulu.”

1 Jon 3:11 ပူးပေါင်းရင်းမြစ်များ

Jon 13:4

Deka iye tito ke ngangon e klok ila molo ka alang e pou taul kene lelei iye.

Jon 15:12

Lou pelengon dagar ke umu langane. Umu lana umu pulu eriar langka ngong lana ngong ke umu.

Galesia 6:2

E umolua supmu leklou ke elio ka polou ka opru ka isak. Langka umodue elio langane ma umeini e umedidi Krais ila elio.

Efesus 5:2

Krais lana iye ke ite omba deka iye mana ke ina akai e mete ine. Iye pli tarna e polou langka sipsip gesa ka osep tidue elio opmu ina ine deka iye mete. Deka ina metengen e ina marau bakop Ida Tapolngon aitno e aitno itau ine. Deka umu lana umu ke osep eriar langka Krais lana iye ke umu. Ma lumu elio tonari langka amnangan itau lokono ka Ida Tapolngon aitno itau ine.

1 Tesalonaika 4:9

Ngong ma ngasogo pelengon silang blang ke umu ke elio ka umu lana umu ke supmu kovok. Kesua Ida Tapolngon parere umu kodong ke elio ka umu lana umu pulu.

1 Timoti 1:5

E bokongon ka Ida Tapolngon wai ke ite ma itaparere osep ine ma due aitno lisak dagar lokono ke Yesus e tidong itau lokono ke Ida Tapolngon bitna. E ma tile langka urok elio ka itau e elio ka soulu e tidue elio itau vala. E elio ka langane ma sruk aitno lisak ma isak lana isak ke osep leklou.

1 Pita 1:22

Umedidi pelengon ka lokono e Ida Tapolngon due lumu elio epmes ina noklok la deka umodong itau lokono. E aitno lumu omba e umu lana umu lokono ke Ida Tapolngon ila osua. E ngawaiki umu lana umu omba ke isak.

1 Pita 3:8

Ngababrum lou pelengon langane. Ngawaiki aitno lumu kene pulu e aitno lumu itau ke osep leklou e umu lana umu ke supmu leklou. E umodue mada ke osep leklou e umepes umu tona.

1 Pita 4:8

Wan ka omba umu lana umu pulu lokono. Kesua langka umu lana umu pulu e supmu leklou tidue elio soulu ke umu ma aitno lumu mter ine kovok.

1 Jon 1:5

Imapalongo lumu ke pele-ngon ka Yesus wai ke imi. Pelengon tonari langane. Ida Tapolngon iye tona bublongon e wan gesa ka aivoro dong ke iye kovok.

1 Jon 4:11

Sipmi. Ngong lana ngong ke umu e ngawai ke umu langane. Ma ite lana ite ke osep leklou kesua Ida Tapolngon lana iye omba ke ite.

1 Jon 4:21

Krais kar pelengon dagar ke ite langane. “Gute ka iye lana iye ke Ida Tapolngon ma iye lana iye ke ila saten blang.”

1 Jon 4:7

Sipmi. Ngong lana ngong ke umu e ngawai langane. Ite lana ite pulu kesua elio ane ina poloungon batne ke Ida Tapolngon. Osep ka isak lana isak ke osep leklou tidue langane kesua isak Ida Tapolngon ila osep e tile iye.

2 Jon 1:5

Aiya. Ngawai dagar ke wom langane. Ite lana ite pulu. E pelengon dagar ka ngasogo ane iye pelengon dagar oku ina kovok. Aurou. Pelengon dagar ane pelengon dagar ka iteklingen ine kodong ke oglou lila me ke oku ane.