1 Jon 3:10 - Aria New Testament

¹⁰ Ke batne langane itakaranga iteile osep seisei isak Ida Tapolngon ila osep e osep seisei isak Satan ila osep. Osep ka aling aling tidue elio itau e osuk kovok isak Ida Tapolngon ila osep kovok. E silang blang osep ka isak lana isak ke sisrok kovok isak Ida Tapolngon ila osep kovok blang.

1 Jon 3:10 ပူးပေါင်းရင်းမြစ်များ

Matyu 13:38

Yage iye taklak ka pula keniye e londo itau isak osep ke omur ka Ida Tapolngon plaue e londo sasi isak Satan ila osep.

Luk 6:35

E umu lana umu ke upu oul e umodue elio itau e umakar lumu mani ke osep e aitno lumu mter ke ila kolingen kovok. Deka ma umodue lumu klingen ombatno e ma umodong Ida Tapolngon ka dong egim lokono titno umu. Kesua iye tona due mada ke osep ka aitno lisak itau kovok ke wan ka iye due e iye due mada ke osep ka soulu bitna.

Jon 1:12

E dau osep ka aitno lisak dagar ke iye e tidue io iye kar isak arit ma tikaranga tipolou Ida Tapolngon titno.

Jon 11:52

E iye mete ke osep Yuda ina vala kovok. Aurou. Iye mete ke Ida Tapolngon ila osep keniye ka tidong ke omur omur. Ma iye due isak tipolou osua kene vala.

Jon 8:44

Umopolou ke pmomu Satan e umawaiki umedidi pmomu aitno vala. Ke oglou lila me ke eknikane ila aiding iye gute ka due burwa e iye kis pelengon lokono kovok kesua pelengon lokono dong ke iye kovok. Alo ka iye wai pelengon yakngan iye didi ila aiding vala kesua iye gute yakngan ina e iye pelengon yakngan batne.

Jon 8:47

Osep ka isak Ida Tapolngon ila osep tiklingen ila pelengon. E umoklingen ila pelengon kovok kesua umu ila osep kovok.”

Aposel 13:10

“Wom Satan otno arang wom. Elio itau ina oul wom. Lem elio keniye yakngan. Eknikane oklou aling aling amwaiki Ida Puda ila elio osuk polou kolok.

Pas ka Pol sogoe uti la ke osep Rom ina 13:8

Umekis gute silang ila wan e batne munu pes umu sakam. Wan kene vala munu pes umu. Ma umu lana umu pulu. Kesua gute ka lana iye ke gute silang are langka iye didi Moses ila sogongon keniye.

Efesus 5:1

Umopolou Ida Tapolngon titno ka iye lana iye ke umu omba kodong. Deka umakana elio itau ka aling aling Ida Tapolngon due.

Kolosi 3:14

E wan ka ombatno langane. Umu lana umu pulu. Kesua elio ka umu lana umu pulu iye langka pou umu pulu deka umodong kene vala langka Ida Tapolngon waiki umodong.

1 Timoti 1:5

E bokongon ka Ida Tapolngon wai ke ite ma itaparere osep ine ma due aitno lisak dagar lokono ke Yesus e tidong itau lokono ke Ida Tapolngon bitna. E ma tile langka urok elio ka itau e elio ka soulu e tidue elio itau vala. E elio ka langane ma sruk aitno lisak ma isak lana isak ke osep leklou.

1 Jon 2:29

Umeile omur Krais dong itau e osuk. E osep ka tidue elio isuk isuk ka itau tipolou Ida Tapolngon ila osep kodong.

1 Jon 3:1

Umoklingen. Pmada lana iye ke ite omba deka sir ite titno. E lokono ite Ida Tapolngon titno ite. Osep ka taklak ina tile Ida Tapolngon kovok e ke batne langane tile ite blang kovok.

1 Jon 3:2

Lou saten. Ngong lana ngong ke umu e ngawai ke umu langane. Oku ane ite Ida Tapolngon titno. E iteile mase ma itodong langka wansua kovok e dau iteile langane. Alo ka Krais me polou ma itodong eriar langka iye kesua ma itavati iye malak deka ma iteile omur ke iye.

1 Jon 4:21

Krais kar pelengon dagar ke ite langane. “Gute ka iye lana iye ke Ida Tapolngon ma iye lana iye ke ila saten blang.”

1 Jon 4:6

E ite Ida Tapolngon ila osep ite. Gute ka ile Ida Tapolngon ma klingen udo pelengon e gute ka ile Ida Tapolngon kovok ma klingen udo pelengon kovok. Ke batne langane itakaranga iteile omur ke osep ka tididi Ano Itau ila pelengon e osep ka tididi osep napaprangan yakngan ina urok pelengon.

1 Jon 4:8

Gute ka iye lana iye ke osep leklou kovok iye ile Ida Tapolngon kovok kesua Ida Tapolngon ila elio langane. Iye lana iye ke osep.

1 Jon 5:19

E silang blang langane. Iteile Ida Tapolngon ila osep ite e dau Satan ila arit plau osep ka pula keniye ka taklak ina.

1 Jon 5:2

Langka ite lana ite ke Ida Tapolngon e iteini ila pelengon dagar deka elio tonari nisngen langane. Ite lana ite ke titno blang.

3 Jon 1:11

Lou aten ka ngong lana ngong ke wom. Amkana elio soulu kovok. Aurou. Amkana elio itau vala. Kesua gute ka due elio itau vala iye Ida Tapolngon ila gute e gute ka due elio soulu iye ile Ida Tapolngon kovok.