1 Jon 2:8 - Aria New Testament

⁸ E dau ngasogo pelengon dagar oku ina ke umu blang ka la ke elio lokono ka oglou Yesus due. E elio tonari elio ka umu blang umodue. Kesua wan ka aivoro lila duru e mase yagos e bublongon ka lokono bublo kodong.

1 Jon 2:8 ပူးပေါင်းရင်းမြစ်များ

Matyu 4:16

Osep ka tidong ke aivoro tivati bublongon omba e osep ka tidong langka ansak timete bublongon omba polou ke isak.”

Luk 1:79

E bublo ke osep ka tidong ke aivoro e ka metengen kading isak langka wan ano kadinge ma bublongon tonari nis ite ke ekreng ma itodong aitno lite epen.”

Jon 1:9

Bublongon tonari iye bublo-ngon ka lokono ka me ke taklak e bublo ke osep ka pula keniye ma tikaranga tile omur itau.

Jon 12:35

Deka Yesus wai ke isak langane. “Bublongon dong dau sasi boto vala kap umu e umelila alo ka bublongon dong kap umu. Umelila ke bublongon lama epmes polou e omur aivoro kesua gute ka lila ke aivoro ile omur ka iye lila ine kovok.

Jon 12:46

Ngame ke taklak ma ngadong langka bublongon ma gute ka aitno dagar ke ngong dong ke aivoro kovok.

Jon 13:34

Ngakar pelengon dagar oku ina ke umu langane. Ma umu lana umu pulu. Eriar langka ngong lana ngong ke umu io umu lana umu pulu.

Jon 8:12

E Yesus wai ke osep blang langane. “Ngong bublongon ke osep ka pula keniye ka tidong ke taklak. Osep ka tididi ngong ma tilila ke aivoro kovok. Aurou. Ma tilila ke bublongon ka kar isak mosongon ka dong vala dong.”

Aposel 17:30

Oglou ari itosep aitno lite kaka ke Ida Tapolngon e aitno mter ine vala. E iye ules ite ine kovok. Eknikane Ida Tapolngon wai dagar ke osep ka pula keniye ma tibauluk aitno lisak ke urok elio epmes ina e aitno lisak la dagar ke iye vala.

Aposel 26:18

Ngapagei wom ke isak ma lem pelengon due osep ari amtarsak pal ma tibauluk aitno lisak ke urok elio epmes ina e aitno lisak la ke elio itau. E ma tisongon Satan limla e tidong ke Upu Tapolngon limla vala. Ma aitno lisak la dagar ke ngong e ma ngasak urok elio epmes ina la e ma tidong kap osep ka Upu Tapolngon rere isak ila osep itau lokono kodong.’”

Pas ka Pol sogoe uti la ke osep Rom ina 13:12

Isuk boto ma epmes yagos e isuk boto ma oklou tito. Deka wan ka itau ma itosongon udo elio soulu bitna bitna e ma itedidi elio itau vala. E ma elio itau dangdang elio soulu ma elio soulu mole ite kovok.

2 Korin 8:9

E umeile Ida Puda Yesus Krais ila makaingan. Iye dong ke omur heven e wan ka pula keniye tidong ila wan. E dau iye songon wan tonari e polou langka ila wan isuk boto vala ma iye lua umu. Iye due langane ma lumu wan pula tidong ke Ida Tapolngon bitna.

Efesus 5:8

Oglou umodong ke aivoro. E eknikane langane kovok. Kesua umopolou Ida Puda ila osep deka umodong langka Ida Tapolngon ila esluk. Deka umodue elio itau bitna bitna eriar langka osep ka tidong ke bublongon tidue.

2 Timoti 1:10

Eknikane ila makaingan polou malak lokono batne Ida Luangan Krais Yesus me polou ke ite kodong. E osep ka tiklingen Ida Tapolngon ila omon itau e aitno lisak dagar ine ma metengen mole isak kovok e ma tidue mosongon ka dong vala dong.

1 Pita 1:21

Deka aitno lumu dagar ke Ida Tapolngon batne ke Krais. Oglou alo ka Krais mete Ida Tapolngon due poga tito ke ina denga deka iye kakai Krais tito la egim. Iye due langane deka aitno lumu dagar ke Krais e umapara ma iye didi ila pelengon ka iye wai ine kodong.

1 Jon 3:23

E Ida Tapolngon ila pelengon dagar ka me ke ite langane. Aitno lite dagar ke Otno Arang Yesus Krais e ite lana ite pulu langka iye wai ine.

1 Jon 4:11

Sipmi. Ngong lana ngong ke umu e ngawai ke umu langane. Ma ite lana ite ke osep leklou kesua Ida Tapolngon lana iye omba ke ite.

1 Jon 4:21

Krais kar pelengon dagar ke ite langane. “Gute ka iye lana iye ke Ida Tapolngon ma iye lana iye ke ila saten blang.”