1 Jon 2:5 - Aria New Testament

⁵ E langka gute ini ila pelengon deka elio ka iye lana iye ke Ida Tapolngon polou lokono lokono kodong. Langka itodue elio langane deka iteile omur itodong kap iye.

1 Jon 2:5 ပူးပေါင်းရင်းမြစ်များ

Luk 11:28

E Yesus koli wai langane. “Wan ka itau itawai osep ka tiklingen e tini Ida Tapolngon ila pelengon aitno lisak itau itau.”

Jon 14:21

Gute ka due lou pelengon e inie iye gute ka iye lana iye ke ngong. E gute ka iye lana iye ke ngong ma Livou lana iye ke gute tonari. E ngong blang ma ngong lana ngong ke iye e nganis ngong malak ke iye.”

Jon 14:23

E Yesus koli wai ke iye langane. “Langka gute lana iye ke ngong ma iye ini lou pelengon e ma Livou lana iye ke gute tonari e ma imorwo imeme ke iye e ma imodong kap iye.

Jon 15:5

“Ngong galou wain palma e umu galou wain tetna. Gute ka dong dagar ke ngong e ngadong ke iye io iye due elio itau langka iye usu otna pula. E langka umosongon ngong deka umakaranga umodue elio itau kovok.

Jon 6:56

Gute sei ka ngen pampamu lungong e inim ngau marau ngadong kap iye e iye dong kap ngong.

Pas ka Pol sogoe uti la ke osep Rom ina 8:1

E eknikane Ida Tapolngon aitno engil ke itosep ka iteneklep ke Krais Yesus kodong kovok. Aurou. Aitno epen ke ite vala e ma iye mulu ite kovok.

1 Korin 1:30

E Ida Tapolngon due umu umeneklep ke Krais Yesus. E Krais tona udo ilengen ka itau batne. Krais due ite itopolou itau e osuk ke Ida Tapolngon bitna. Iye due ite itopolou Ida Tapolngon ila osep ka itau lokono. Deka udo elio epmes ina munu pes ite kovok.

2 Korin 5:17

Langka gute gesa nepir ke Krais iye polou gute oku ina. Ila mosongon oglou ina yagos la e ila mosongon oku ina polou kodong.

2 Korin 5:21

Alo ka Krais dong ke taklak iye due elio epmes ina kovok. E Ida Tapolngon waiki lua osep deka iye due udo elio epmes ina ina klingen munu pes Krais e iye kasip amunte. Iye due langane ma itakaranga itodong itau e osuk ke bitna batne ke Krais.

Jems 2:22

Aitno lumu mter itau. Abraham aitno dagar ke Ida Tapolngon e iye due elio itau blang. Deka ila elio ka iye due nepir ke aitno ila dagar.

1 Jon 3:24

Osep ka pula keniye ka tini ke ila pelengon tidong kap iye e iye dong ke aitno lisak. E iye kar Ano Itau ke ite ma iteile omur iye dong ke aitno lite.

1 Jon 4:17

Ite lana ite ke osep leklou deka elio tonari res polou omba ke ite. Deka alo ka Ida Tapolngon wade osep ka pula keniye urok elio ma itelim ine kovok. Kesua iteile alo ka itodong ke taklak itodue elio eriar langka Krais due.

1 Jon 4:18

Langka ite lana ite ke osep ma itelim kovok. Osep ka tidong dagar ke elio ka isak lana isak ke osep leklou urok elio tonari dangdang elio ka tilim ke wan bitna bitna. Kesua osep ka tilim tidue batne langane. Tilim lama Ida Tapolngon ules isak ke urok elio isuk isuk. E iteile langane. Osep ka tilim tidong dagar ke elio ka isak lana isak ke osep leklou kovok.

1 Jon 5:2

Langka ite lana ite ke Ida Tapolngon e iteini ila pelengon dagar deka elio tonari nisngen langane. Ite lana ite ke titno blang.

1 Jon 5:20

Iteile Ida Tapolngon Otno Arang duru me ke taklak e kar ilengen ke ite ma itakaranga iteile Ida Tapolngon ka lokono. E itodong kap iye ka lokono e itodong kap Otno Arang Yesus Krais. Ida Tapolngon iye tona Tapolngon ka lokono e itodue mosongon ka dong vala dong batne ke iye.

2 Jon 1:6

Elio ka ite lana ite pulu langane. Itedidi Ida Tapolngon ila pelengon dagar. E ila pelengon dagar ka iteklingen ine kodong langane. Itedidi elio ka ite lana ite pulu.

Pelengon kukwopngon 12:17

Deka mota aitno engil lokono ke apmang deka iye la e waiki due evlei kap apmang ila napakngan keniye. Isak osep ka tididi Ida Tapolngon ila pelengon dagar e tinapapra Yesus ila pelengon e tididi iye.

Pelengon kukwopngon 14:12

Alo ka elio ane polou Ida Tapolngon waiki ila osep tidong dagar ine. E tini Ida Tapolngon ila pelengon dagar e aitno lisak la dagar ke Yesus e tididi iye.