1 Jon 2:4 - Aria New Testament

⁴ Langka gute gesa wai langane. “Ngaile iye.” E dau iye ini ila pelengon dagar kovok iye gute yakngan ina e pelengon ka lokono dong ke iye kovok.

1 Jon 2:4 ပူးပေါင်းရင်းမြစ်များ

Jon 8:44

Umopolou ke pmomu Satan e umawaiki umedidi pmomu aitno vala. Ke oglou lila me ke eknikane ila aiding iye gute ka due burwa e iye kis pelengon lokono kovok kesua pelengon lokono dong ke iye kovok. Alo ka iye wai pelengon yakngan iye didi ila aiding vala kesua iye gute yakngan ina e iye pelengon yakngan batne.

Taitus 1:10

Emrere osep ka tiplau sios kene kene ke aidunu Krit itau. Kesua Ida Tapolngon ila osep pula ke omur ari urok aiding langka tipul ila pelengon. Tiwai pelengon bitna bitna ka adai e tiyakyak osep ine. Osep leklou tonari urok osua osep Yuda ina. E tiwaiki osep tididi inarak apu langka elio ulangngan ina.

Taitus 1:16

Tiwai langane. “Imeile Ida Tapolngon.” E dau urok elio ka tidue iye nisngen langane. Tipul dogur ke Ida Tapolngon kodong. Tididi Ida Tapolngon ila pelengon kovok e tikaranga tididi elio itau gesa kovok. Deka Ida Tapolngon aitno engil lokono ke isak.

1 Jon 1:10

E langka itawai itodue elio epmes ina kovok ane langka itesir Ida Tapolngon gute yakngan ina e ila pelengon dong ke aitno lite kovok.

1 Jon 1:6

Langka itawai aitno lite kene pulu kap iye e dau itodue elio epmes ina bitna bitna deka itayak e itedidi pelengon ka lokono kovok.

1 Jon 1:8

Langka itawai elio epmes ina dong ke ite kovok deka itayak ite tona e pelengon ka lokono dong ke ite kovok.

1 Jon 2:3

Langka iteini Ida Tapolngon ila pelengon dagar ka iye kare ke ite deka ma iteile omur langane. Iteile iye.

1 Jon 2:9

Langka gute gesa wai lang-ane. “Ngadong ke bublongon.” E dau aitno engil ke iye sisrok iye dau dong ke aivoro.

1 Jon 3:6

Gute gesa ka dong kap Krais due elio epmes ina aling aling kovok. E gute ka due elio epmes ina aling aling iye vati Krais kovok e iye ile Krais kovok.

1 Jon 4:20

Langka gute gesa wai langane. “Ngong lana ngong ke Ida Tapolngon.” E dau iye lana iye ke ila aten kovok deka iye gute yakngan ina. Kesua langka iye lana iye kovok ke ila aten ka iye karanga vati lange ma iye karanga lana iye ke Ida Tapolngon ka iye karanga vati kovok? Aurou.

1 Jon 4:7

Sipmi. Ngong lana ngong ke umu e ngawai langane. Ite lana ite pulu kesua elio ane ina poloungon batne ke Ida Tapolngon. Osep ka isak lana isak ke osep leklou tidue langane kesua isak Ida Tapolngon ila osep e tile iye.