1 Jon 2:24 - Aria New Testament

²⁴ Umekis dagar ke pelengon ka oglou umoklingen ine. Langka umodue langane ma umodong kap Pmada e Otno Arang blang.

1 Jon 2:24 ပူးပေါင်းရင်းမြစ်များ

Luk 1:2

Eriar langka osep ka tidong oglou lila me tivati wan ka tipolou e tinapapra omon itau deka tiwai ke imi ine blang.

Luk 9:44

“Umoklingen itau ke lou pelengon ane. Osep ma tikar ngong ka Gute Ka Polou Langka Osep ke osep leklou limsak.”

Jon 14:23

E Yesus koli wai ke iye langane. “Langka gute lana iye ke ngong ma iye ini lou pelengon e ma Livou lana iye ke gute tonari e ma imorwo imeme ke iye e ma imodong kap iye.

Jon 15:7

“Langka umodong dagar ke ngong e lou pelengon dong ke aitno lumu umepmi ngong ke wan bitna bitna ka umawaiki umodue e ma wan tonari tipolou langka umepmi ngong ine.

Jon 6:56

Gute sei ka ngen pampamu lungong e inim ngau marau ngadong kap iye e iye dong kap ngong.

Jon 8:25

Yesus wai langane deka osep tipmi iye langane. “Wom sei?” Deka Yesus koli wai ke isak langane. “Ngong gute ka ngawai ke umu ke iye kodong. E ngawai langane oglou lila me.

Filipai 4:15

E umu osep Filipai ina umeile oglou alo ka ngasongon provins Masedonia e nganapapra Ida Tapolngon ila omon itau mgo sios kene silang lua ngong kovok. Aurou. Umu vala umolua ngong.

Kolosi 3:16

Umosongon Krais ila pelengon keniye dong ke aitno lumu. Deka umedidi ilengen ka polou ke pelengon tonari e umaparere osep ine e umawai ke isak ma tikel isak itau. Umedidi sakul ka dong ke Buk Song e umodue sakul ka kakai Ida Tapolngon angaine tito la egim e umodue sakul ka Ano Itau due polou ke aitno lumu. Alo ka umodue sakul ma aitno lumu itau ke wan keniye ka Ida Tapolngon due.

Hibru 2:1

Deka ma itekis pelengon tonari dagar e amtada uli ine kovok.

Hibru 3:14

Aitno lite tidong dagar ke Krais langka tidong dagar alo ka mgongon aitno lite la dagar ke iye. Langka itodue langane la lama alo ka itemete deka ma itodong kap Krais.

1 Jon 1:3

Wan keniye ka imeklingen ine e imavatie imanapapra ke umu ma aitno lumu kene pulu kap imi. E aitno limi kene pulu kap Pmada e Otno Arang Yesus Krais.

1 Jon 1:7

E langka itodue elio itau vala deka itodong ke bublongon langka iye dong ke bublongon. Itodong ke bublongon deka aitno lite kene pulu e Otno Arang Yesus ina marau ris udo elio epmes ina la.

1 Jon 2:7

Lou saten. Ngong lana ngong ke umu e ngawai langane. Ngasogo pelengon dagar oku ina ke umu kovok. Aurou. Pelengon dagar ane pelengon dagar ka umeile ine kodong.

1 Jon 3:24

Osep ka pula keniye ka tini ke ila pelengon tidong kap iye e iye dong ke aitno lisak. E iye kar Ano Itau ke ite ma iteile omur iye dong ke aitno lite.

1 Jon 4:13

Ida Tapolngon kar Ano Itau ke ite kodong e ke batne langane iteile itodong kap iye e iye dong kap ite.

1 Jon 4:15

Gute ka wai Yesus iye Ida Tapolngon Otno Arang Ida Tapolngon dong kap iye e iye dong kap Ida Tapolngon.

1 Jon 4:16

Deka iteile Ida Tapolngon lana iye ke ite e aitno lite dong dagar ine. Aling aling Ida Tapolngon lana iye ke osep. E osep ka isak lana isak ke osep leklou tidong kap Ida Tapolngon e iye dong kap isak.

2 Jon 1:2

Itodue elio langane kesua pelengon lokono dong ke aitno lite e ma dong vala dong.

2 Jon 1:9

Langka gute gesa kis Krais ila pelengon dagar kovok e didi pelengon silang iye dong kap Ida Tapolngon kovok. E gute ka kis Krais ila pelengon dagar vala dong kap Pmada e Otno Arang.

3 Jon 1:3

Oglou udo osua leklou tipolou ke ngong e tipalongo lou ke lem elio. E tiwai emdidi pelengon lokono. Ngaklingen pelengon are deka aitno lungong neser omba ine.

Pelengon kukwopngon 3:11

Ma ngame suong ke umu. Deka umekis dagar ke aitno lumu ila dagar lama gute gesa pi upu prais.’”

Pelengon kukwopngon 3:3

Omtomu sisir pelengon ka oglou umoklingen ine e umekise dagar. E umedidie itau e umabauluk aitno lumu ke lumu elio epmes ina. Langka umakaranga umetipa e umetito kovok ma ngame ke umu suong langka gute panakongon ina me suong. E umakaranga umeile alo ka ma ngame kovok.