1 Jon 2:20 - Aria New Testament

²⁰ E Ida Tapolngon due Ano Itau sep ke aitno lumu kodong e umu keniye umeile pelengon ka lokono.

1 Jon 2:20 ပူးပေါင်းရင်းမြစ်များ

Matyu 13:11

E Yesus koli wai ke isak langane. “Ida Tapolngon songon ngong ma ngapalongo lumu ke pelengon kukwop ka omur heven ina e ngakukwop pelengon tonari ke osep leklou.

Mak 1:24

“Yesus ka Nasaret ina wom lange wom ka omo omdong are? Omo ma ampaiavu imi? Ngaile omur ke wom. Wom Ida Tapolngon Otno Arang itau ka iye pagei wom omo.”

Luk 4:18

“Ida Tapolngon Ano dong ke ngong kesua iye rere ngong ma nganapapra omon itau ke osep ka urok wan isuk boto vala. Iye pagei ngong ma ngapalongo osep ka tidong ke kalabus ma tikaranga kla e tidong fri e ngapalongo osep ka amtarsak evin ma tivati omur blang e ngapalongo osep ka wan bitna bitna opru isak ma timole wan tonari.

Luk 4:34

“Aisudo. Wom Yesus ka Nasaret ina amwaiki omdue wansua ke imi? Omo ma omdue agegeng ke imi? Ngaile wom. Wom gute ka itau itau lokono ka me ke Ida Tapolngon.”

Jon 14:26

E mase ma Livou pagei Luangan silang ma iye kasip amun ngong e ma iye parere umu ke wan ka pula keniye e sruk aitno lumu ma omtomu sisir lou pelengon.”

Jon 16:13

E alo ka Ano Itau ka wai pelengon lokono me ma iye due aitno lumu ma umakaranga umeile pelengon lokono keniye. Iye karanga due langane kesua iye didi aitno e wai pelengon kovok. Aurou. Iye klingen Livou ila pelengon deka wai ke umu ine e ma palongo lumu ke wan ka mase ma polou.

Aposel 10:38

Alo ari Ida Tapolngon due Ano Itau sep ke Yesus ka Nasaret ina aitno e kar iye ila arit. Deka iye lila due elio itau e lua osep ka angelo soulu due isak manga manga. Iye due elio langane kesua Ida Tapolngon dong kap iye.

Aposel 3:14

E dau umepli iye e ila elio kene gesa vri ke iye kovok. Iye tona ila elio keniye itau lokono vala. E dau umepmi Pailat ma iye songon gute gesa ka due burwa ma iye la e umawaiki Yesus mete.

1 Korin 2:15

Gute ka Ano Itau dong ke aitno iye wade wan ka pula keniye. Lokono gute gesa karanga wade elio bitna bitna ka osep ka Ano Itau dong ke aitno lisak tidue kovok.

Hibru 1:9

Aitno lugom itau ke elio itau ka osep tidue e aitno lugom engil ke elio soulu ka osep tidue. E ke batne langane ngarere wom ma ommole supmu keniye deka aitno lugom neser ine.”

Hibru 8:11

Alo ari ma gute parere gute silang ka iye sisrok koke ila osua ma tile ke Inarak Puda kovok. Kesua isak ka pula keniye ma tile ngong. Lama angainsak omba koke angainsak omba kovok.

1 Jon 2:27

E Krais kar umu Ano Itau ka dong ke aitno lumu kodong. Deka Ano Itau parere umu ke wan keniye ke pelengon ka lokono e ila parerengen lokono e gesa yakngan kovok. Ano Itau parere umu e parerengen ane karanga ke umu. E gute gesa parere umu langane kovok. E eriar langka iye parere umu deka umodong kap Krais vala.

1 Jon 4:13

Ida Tapolngon kar Ano Itau ke ite kodong e ke batne langane iteile itodong kap iye e iye dong kap ite.

Pas ka Jut sogoe 1:5

Umeile pelengon ane kodong e dau ngawaiki ngasruk aitno lumu ma umeile omur ine lokono. Oglou Ida Puda lua osep Yuda ina ma tisongon omur Isip kla. E osep tonari leklou aitno lisak dagar ke Ida Tapolngon kovok deka iye mluk isak e timete.

Pelengon kukwopngon 3:7

Gute tonari wai blang langane. “Omsogo pelengon ke ensel ka dong ke sios ke Filadelfia. Pelengon tonari langane. Gute ka itau lokono e elio soulu dong ine kovok e iye wai pelengon lokono vala wai langane. ‘Ngakis Devit ila ki deka wansua ka ngakloke gute gesa karanga divae kovok e wansua ka ngadivae gute gesa karanga kloke kovok.

Pelengon kukwopngon 4:8

Wan apanal tonari ka tidong langka ansak dong lisak isak kensak kensak pena lisak lumakene e amtarsak pula kading pampamu lisak keniye e ke pena lisak bisna blang. Ke oklou e epmes aling aling tidue sakul langane. “Ida Tapolngon ka Ida Puda ila arit ombatno e iye itau itau lokono. Ke oglou iye dong e eknikane iye dong e mase iye ma me.” E timtong ke pelengon tonari kovok.