1 Jon 2:16 - Aria New Testament

¹⁶ Elio bitna bitna keniye ka taklak ina isak langane. Osep aitno lisak mter ke wan ka pampamu lisak waiki due e tingale wan bitna bitna ka tivatie e tiwaiki tikakai angainsak batne ke urok wan vala. Elio tonari batne ke Pmada kovok. Aurou. Batne ke elio ka osep taklak ina tidue vala.

1 Jon 2:16 ပူးပေါင်းရင်းမြစ်များ

Matyu 4:8

Deka Satan paur Yesus ke gigri ka tito lokono e nis iye ke omur ka pula keniye ke taklak e nis iye ke wan ka itau lokono ka tidong ke omur tonari.

Matyu 5:28

E eknikane ngawai ke umu langane. Langka gute palem apmang e aitno mter iye waiki due elio kap iye deka iye due okwa kap apmang ke aitno kodong.

Luk 4:5

Deka Satan paur iye ke omur ka dong egim e ke aling kene lokono nis iye ke omur ka pula keniye ka osep tiplaue ke taklak.

Pas ka Pol sogoe uti la ke osep Rom ina 13:14

Eknikane iteneklep ke Ida Puda Yesus Krais e itakana ila elio. E aitno lumu mter ke elio soulu ka pampamu lumu waiki due kovok.

1 Korin 10:6

Wan ka pula keniye ka ti-polou ke isak tipolou langka nisngen ka me ke ite ma itavati e itawaiki itodue wan soulu langka tidue kovok.

Galesia 5:17

Iteile aitno lite oglou ina waiki mole Ano Itau e Ano Itau waiki mole aitno lite oglou ina. Isak orwo tipara pulu e wan ka umawaiki umodue umakaranga umodue kovok.

Galesia 5:24

Osep ka tidong ke Krais ila osua tidue aitno lisak oglou ina kap elio soulu ka pampamu lisak waiki due e tinilim isak nepek mana ke Ida Puda ina akai e timete kodong.

Efesus 2:3

Oglou ite blang itodong kap osep tonari e itodong soulu eriar langka isak tidong soulu. E itedidi aitno lite oglou ina e itodue elio epmes ina bitna bitna ka aitno lite mter ine e pampamu lite waiki itodue. Deka itanamani ine kesua Ida Tapolngon aitno engil lite eriar langka aitno engil ke osep epmes ina keniye.

Taitus 2:12

Ida Tapolngon ila makaingan nis ite ke elio ka itopul dogur ke elio ka Ida Tapolngon aitno soulu ine. E nis ite ma itepli elio soulu bitna bitna ka taklak ane ina. E nis ite ma itaplau ite itau e itodue elio itau vala ka Ida Tapolngon aitno itau ine alo ka itodong ke taklak ane.

Taitus 3:3

Emile oglou ite blang iteile omur ke Ida Tapolngon kovok e itotuk ila pelengon. Alo ari Satan pagolgol aitno lite deka itedidi Ida Tapolngon ila pelengon kovok. Deka itodong langka elio epmes ina plau ite e itedidi elio soulu. E aitno lite itau ke elio soulu e itedidi pampamu lite. Itedidi elio ka aitno lite amnga e aitno lite soulu ke osep leklou e itangale urok wan bitna bitna. Aitno lite engil ke osep e aitno lisak engil ke ite blang.

Jems 3:15

Ilengen ka langane me ke omur heven kovok. Ilengen tonari taklak ane ina e didi aitno lite oglou ina e ina poloungon batne ke Satan vala.

Jems 4:16

E umawai ke bokongon ka umu tona umawaiki umodue e umakakai angainmu ine. Langka umodue langane umodue elio soulu lokono.

1 Pita 1:14

Umu Ida Tapolngon titno deka ma umeini ila pelengon vala. Oglou aitno lumu kaka e umedidi elio bitna bitna ka taklak ane ina e eknikane umedidi elio tonari sakam.

1 Pita 2:11

Sipmi ka ngong lana ngong ke umu. Umodong ke taklak ane langka osep kaulei e langka osep ka tilila ke omur omur deka ngawai dagar ke umu ma umopul dogur ke elio soulu ka pampamu lumu waiki umodue. Kesua aling aling elio soulu waiki mole umu.

2 Pita 2:10

E lokono iye ules osep ka tididi pampamu lisak e tidue elio isungon ka soulu lokono e osep ka tiwaiki tini Ida Tapolngon ila pelengon kovok. Osep parerengen yakngan ina ane tiwaiki tikakai isak tona angainsak e tiwaiki tididi aitno lisak vala. Tiwai soulu ke ensel ka omur heven ina e tiulou tarna lisak ine kovok.

2 Pita 2:18

Tiwai omba e tiwai ulik ulik ma tikaranga tinak osep leklou ma tididi pampamu lisak e tidue elio soulu ka nak osep ka oku ane vala tikos ke osep ka tididi aitno lisak vala.