1 Jon 2:14 - Aria New Testament

¹⁴ Ngasogo pelengon ke umu ngongle kesua umeile kodong ke gute ka dong oglou oglou ari lila me ke eknikane. E ngasogo pelengon ke umu auram aitno e umu pasinga arang oku kesua lumu arit dong e Ida Tapolngon ila pelengon dong ke aitno lumu e umomole Satan kodong.

1 Jon 2:14 ပူးပေါင်းရင်းမြစ်များ

Jon 15:7

“Langka umodong dagar ke ngong e lou pelengon dong ke aitno lumu umepmi ngong ke wan bitna bitna ka umawaiki umodue e ma wan tonari tipolou langka umepmi ngong ine.

Jon 5:38

E ila pelengon dong ke aitno lumu kovok kesua aitno lumu dagar ke gute ka iye pagei me kovok.

Jon 8:31

E Yesus wai ke osep Yuda ina ka aitno lisak dagar ke iye langane. “Langka umedidi lou parerengen umodong lou disaipel lokono.

Jon 8:37

Ngaile umu Abraham ila napakngan. Lama langane dau umawaiki umodue burwa ke ngong kesua umawaiki umedidi lou pelengon kovok.

Efesus 6:10

E umoklingen pelengon ane ka neklep ke lou pelengon tonari ka langane. Umeneklep ke Ida Puda ka ila arit ombatno lokono kodong. Deka umodong dagar lokono ine.

Filipai 4:13

Krais lua ngong ke ila arit deka ngakaranga ngadong itau ke elio bitna bitna ka tipolou ke ngong.

Kolosi 1:11

E imorwo imawai itau langane. Alo ka umanamani ke elio ka opru umu imawaiki Ida Tapolngon ila arit omba ka itau lokono lua umu ma umevri dagar ine. E ma aitno lumu dong epen e ma umodong umapara ke alo ka elio ka opru umu polou yagos. E ma aitno lumu itau e aitno lumu neser ine.

Kolosi 3:16

Umosongon Krais ila pelengon keniye dong ke aitno lumu. Deka umedidi ilengen ka polou ke pelengon tonari e umaparere osep ine e umawai ke isak ma tikel isak itau. Umedidi sakul ka dong ke Buk Song e umodue sakul ka kakai Ida Tapolngon angaine tito la egim e umodue sakul ka Ano Itau due polou ke aitno lumu. Alo ka umodue sakul ma aitno lumu itau ke wan keniye ka Ida Tapolngon due.

2 Timoti 2:1

Timoti wom langka erigu e ngawai ke wom langane. Emneklep ke Krais Yesus kodong deka ngawaiki ila makaingan due wom ma omdong dagar.

Hibru 8:10

Ngong Upu Puda e mase ma ngawai lou kontrak oku ina ke osep Israel ina ka langane. Ma ngadue lou pelengon sep ke bara lisak e ngasogoe ke aitno lisak. Ma ngadong Inarak Tapolngon e isak ma tidong lou osep.

1 Jon 1:1

Imawai ke umu ke gute ka iye Ida Tapolngon Ila Pelengon ka ila mosongon dong ke iye. Gute tonari dong oglou oglou ari alo ka Ida Tapolngon tapol wan ka pula keniye. E imeklingen ke gute tonari e imavati iye e imakai iye.

1 Jon 1:10

E langka itawai itodue elio epmes ina kovok ane langka itesir Ida Tapolngon gute yakngan ina e ila pelengon dong ke aitno lite kovok.

1 Jon 2:13

E ngasogo pelengon ke umu ka ngongle kesua umeile kodong ke gute ka dong oglou oglou ari lila me ke eknikane. E ngasogo pelengon ke umu auram aitno e umu pasinga arang oku kesua umomole Satan kodong. E ngasogo pelengon ke umu mimi daudeng kesua umeile Pmada.

2 Jon 1:2

Itodue elio langane kesua pelengon lokono dong ke aitno lite e ma dong vala dong.

3 Jon 1:3

Oglou udo osua leklou tipolou ke ngong e tipalongo lou ke lem elio. E tiwai emdidi pelengon lokono. Ngaklingen pelengon are deka aitno lungong neser omba ine.

Pelengon kukwopngon 2:3

Alo ka osep tidue agegeng ke umu kodong batne aitno lumu dagar ke ngong io ngaile umevri dagar ine. E tarna lumu meingen ine kovok.’”

Pelengon kukwopngon 2:7

“Deka gute ka tala ma iye klingen pelengon tonari ka Ano Itau wai ine ke sios. Gute ka mole elio soulu ma iye karanga due ngangon ke akai ka kar ite udo mosongon ka dong vala dong. Akai tonari dong ke Ida Tapolngon ila yage ka dong ke omur heven.”