1 Jon 2:13 - Aria New Testament

¹³ E ngasogo pelengon ke umu ka ngongle kesua umeile kodong ke gute ka dong oglou oglou ari lila me ke eknikane. E ngasogo pelengon ke umu auram aitno e umu pasinga arang oku kesua umomole Satan kodong. E ngasogo pelengon ke umu mimi daudeng kesua umeile Pmada.

1 Jon 2:13 ပူးပေါင်းရင်းမြစ်များ

Matyu 11:27

“Livou kar wan ka pula keniye ke ngong e iye vala ile Otno Arang. E Otno Arang kene vala iye ile Ida Tapolngon lokono. E osep leklou ka Otno Arang tonari waiki palongo urok ke Ida Tapolngon ma tile iye blang.”

Matyu 13:19

Alo ka gute klingen omon ka la ke omur ka Ida Tapolngon plaue e iye ile ine kovok Satan me pi omon ke aitno. Gute ane eriar langka wit londo ka tiduru timunu ke ekreng.

Matyu 13:38

Yage iye taklak ka pula keniye e londo itau isak osep ke omur ka Ida Tapolngon plaue e londo sasi isak Satan ila osep.

Matyu 5:37

E alo ka umawai io umawai ‘Ee’ koke ‘Aurou’ vala. E langka umawai pelengon silang io pelengon tonari batne ke Satan.”

Luk 10:22

Yesus wai itau yagos deka iye wai ke osep langane. “Livou kar wan keniye ke ngong kodong. Livou kene vala ile ngong ka Otno Arang e gute kene ile Livou kovok. E Otno Arang e osep ka iye nis isak ke Timla vala tile Livou.”

Jon 14:7

E langka umeile ngong itau umeile Livou blang. E oku ane e la ine umeile iye kodong e umavati iye kodong.”

Jon 14:9

Deka Yesus koli wai ke iye langane. “Filip ngadong kap umu tauni kodong e dau emile ngong kovok i? Gute ka vati ngong vati Livou blang. Deka ina lange amwai langane? ‘Emnis imi ke Abo.’

Jon 16:3

E ma tidue langane batne langane. Oglou tile Livou kovok e tile ngong kovok blang.

Jon 16:33

Ngawai pelengon ane ke umu ma aitno lumu karanga tidong epen batne ke ngong. Ke taklak ane ma umanamani elio soulu e dau aitno lumu tidong dagar kesua ngamole osep ka pula keniye ka tidong ke taklak.”

Jon 17:21

Ma aitno lisak tidong kene pulu eriar langka wom Livou omdong kap ngong e ngadong kap wom. Ma aitno lisak tidong kene pulu batne ke ite e ma osep taklak ina tile omur ampagei ngong ngame.

Jon 17:3

E mosongon ka dong vala dong langane. Osep tile wom ka Inarak Tapolngon ka lokono e ka kene vala e tile ngong Yesus Krais ka ampagei ngong ngame.

Jon 8:19

Deka osep tonari tipmi Yesus langane. “Abo dong ge?” E Yesus koli wai ke isak langane. “Umeile ngong koke Livou kovok. Langka umeile ngong deka ma umeile Livou blang.”

2 Korin 4:6

Ke oglou Ida Tapolngon wai langane. “Ma esluk polou bublo airavu ke aivoro.” Ida Tapolngon tona due esluk polou bublo ke aitno limi ma imeile omur ke Ida Tapolngon ila bublongon ka bublo ke Yesus Krais bitna.

1 Timoti 5:1

Langka gute namor due elio soulu amwai pelengon amnga ke iye kovok. Aurou. E ommosi iye ke pelengon molil molil vala e omdue anit ke iye langka iye ngap abo. E omdue elio itau ke osep arang ka isak dau auram langka omdue ke ngap saiver e ngap titovro.

Taitus 2:6

E amwai ke osep ka auram aitno ma isak blang tiplau isak itau vala.

1 Jon 1:1

Imawai ke umu ke gute ka iye Ida Tapolngon Ila Pelengon ka ila mosongon dong ke iye. Gute tonari dong oglou oglou ari alo ka Ida Tapolngon tapol wan ka pula keniye. E imeklingen ke gute tonari e imavati iye e imakai iye.

1 Jon 2:1

Lou mimi daudeng. Ngasogo pas ane uti ke umu ma umodue elio epmes ina kovok. E dau langka gute gesa due elio epmes ina gute dong ka loulou ke ite ke Pmada. Iye Yesus Krais ka ila elio itau e osuk.

1 Jon 2:12

Lou mimi daudeng. Nga-sogo pelengon ke umu kesua Ida Tapolngon sak lumu elio epmes ina batne Krais dong.

1 Jon 2:14

Ngasogo pelengon ke umu ngongle kesua umeile kodong ke gute ka dong oglou oglou ari lila me ke eknikane. E ngasogo pelengon ke umu auram aitno e umu pasinga arang oku kesua lumu arit dong e Ida Tapolngon ila pelengon dong ke aitno lumu e umomole Satan kodong.

1 Jon 3:12

E itodue elio langka oglou gute Kein ka iye Satan ila gute due kovok. Ke oglou Kein due burwa ke ina aiver. Ina lange Kein due burwa ke ina aiver? Iye due burwa ke iye batne langane. Ina aiver ila elio itau e osuk e Kein ila elio soulu.

1 Jon 4:4

Lou mimi daudeng. Umu Ida Tapolngon ila osep e umomole osep napaprangan yakngan ina kodong. Kesua Ano Itau ka dong ke aitno lumu mole ano ka dong ke osep ka taklak ina.

1 Jon 5:18

Iteile omur langane. Osep ka isak Ida Tapolngon ila osep tidue elio epmes ina aling aling kovok. Kesua Ida Tapolngon Otno Arang kis isak e plau isak itau e Satan karanga due elio soulu ke isak kovok.

1 Jon 5:20

Iteile Ida Tapolngon Otno Arang duru me ke taklak e kar ilengen ke ite ma itakaranga iteile Ida Tapolngon ka lokono. E itodong kap iye ka lokono e itodong kap Otno Arang Yesus Krais. Ida Tapolngon iye tona Tapolngon ka lokono e itodue mosongon ka dong vala dong batne ke iye.

Pelengon kukwopngon 12:11

E Ida Tapolngon ila osep timole Satan ke Sipsip Otno ina marau e timole iye ke Ida Tapolngon ila pelengon ka tinapapra ine. E timole iye kesua tipli tarna lisak e aitno lisak mter langka timete deka are wan gesa kovok.

Pelengon kukwopngon 2:7

“Deka gute ka tala ma iye klingen pelengon tonari ka Ano Itau wai ine ke sios. Gute ka mole elio soulu ma iye karanga due ngangon ke akai ka kar ite udo mosongon ka dong vala dong. Akai tonari dong ke Ida Tapolngon ila yage ka dong ke omur heven.”